برنامج خادم الحرمين الشريفين للابتعاث الخارجي المرحلة الثامنة 1433

[Reflection]

المشاركة الأصلية كتبت بواسطة destroyer مبرووك لجميع اللي تم ترشحيهم والله يعوض خير عالباقي انا تم ترشيحي الى مالية بأمريكا شنو الحين الخطوات القادمة؟ والى متى ننتظر؟ وهل اقدر ماروح هالسنة مع الدفعة الثامنة واروح مع الدفعة العاشرة ( على حسب ظروفي ) ؟ وكيف اراسل الوزارة بخصوص هالامر ؟ وهل لما يتم رفض التأجيل ، مااقدر اقدم مرة ثانية مع الدفعة العاشرة ؟ وهل تغيير التخصص متاح من مالية الى mba بعد مااخلص المعهد حتى لوكان مو من ضمن الخيارات اللي بالوزراة ؟ اسمحوا لي على كثرة الاسئلة والله يجزاكم خيير مع انه فيه عندي اسئلة بعد بس ٍسألت كثير والله يكون بعونكم

الف مبروك لك ،،
ابحث بالولايات و شوف لك معهد من بدري لو قدرت ،، و نفس ما قلت بالسابق راسل الوزارة يمكن يعطوك الضمان من بدري او يقولولك انتظر للملتقيات ،، الله اعلم.

الانتظار لفترة الملتقيات و اتوقع قالو بـ 25 ذو الحجه
تقدر تطلع بعد سنة من التقديم يعني لـ رمضان الجاي او العيد حسب ما اعرف ،، بعد كذا تراسل الوزارة لاي ظرف طارئ

لو كنت ناوي التاخير من البداية ما كان دققت اوراقك وكان قدمت المرحلة الجاية عادي بس المشكلة انت الحين مدقق و مرشح يعني لازم تكون ع تواصل مع الوزارة بأي خطوة تسويها و تقولهم اعذارك و سبب تأخرك .. لأنه لا قدر الله يمكن تنحرم من البعثه فكون ع تواصل معاهم بهالخصوص :)

تغير التخصص يتطلب منك قبول جامعي في التخصص اللي تبغاه و ترفعه للملحقيه مع اسباب التحويل ، و حسب التجارب اللي قرأتها كلهم حولوا ما رفضوا احد ،، حتى لو كان التخصص مو مدرج من الوزارة.

اسأل مثل ما بدك خيو ،، وخذلك لفه ع منتدى مبتعث ،، متأكد انك بتغطس فيه و بتعرف كل شي يدور براسك