][ تجمـع طـآلبـآت الإنتســآب :: مـــوآد - جـــدآول - استفسـآرات :: هُنـــآ ][

[white rose]

المشاركة الأصلية كتبت بواسطة طالبة 2010 بنات يعطيكم العافية نزلت مادة حرة في الجدول باسم استاذة صباح ولما سجلت بالسنترا مافيه الا استاذة الهام كذا عادي والله مليت من اللخبطة

حياك الله يا عسل

طيب اتأكدتي انو نفس الرقم المرجعي للشعبة تبعتك ؟

واذا كان مو متوفر غيرها فاضيفيها لانك مضطرة ما لقيتي غيرها وبرضو عشان تتاكدي كلمي مس نسرين بخاري واستفسري منها وهذا رقمها :
6952000
تحويلة:26717-26716


ربي يوفقك :-)

المشاركة الأصلية كتبت بواسطة i still feel ya يا بنات..كيف اعرف شعبتي حقت العلوم!! جيت اضيفها لدورات السنترا ..مالقيت عندها اسماء الاستازات وكمان الرقم المرجعي مو نفسو اللي طالعلي ف الحذف والاضافه!!! زبدة الكلام انو الرقم المرجعي في اضافة الدورات للعلوم مو نفسو في الحذف والاضافه..مختلفين..!! مين مع مس لطيفه ف العلوم..تديني رقمها المرجعي :(

هلا بالجميلة

الشعبة تنعرف من الجدول الدراسي تبعك افتحي جدول الطالب نسخة الطباعة راح تلاقيه في الخيارات بعد ما تضغطي كلمة التسجيل وايضا تنعرف من قائمة الشعب الدراسية

طيب استفسري من مس نسرين بخاري هيا مسئولة عن جداول السنترا واضافة المواد العامة وهذا رقمها حاولي تكلميها في فترة الدوام في الجامعة واستفسري منها عن سبب عدم نزول شعبتك في الدورة التأهيلية وهيا راح تسجلك فيها ان شاء الله :
6952000
تحويلة:26717-26716

وخاولي لو تبعدي عن مس لطيفة نصيحة ونزلي مع بسمة افضل لك

ربي يوفقك :-)

المشاركة الأصلية كتبت بواسطة طالبة 2010 بنات احس اني بتجنن ماني راضية افهم طريقتهم الجديدة في تسجيل المواد الرقم المرجعي للمواد في الجدول غير عن السنترا هل فيه مشكله ايش اسوي لما شفت الجدول الاسبوعي طلعت اغلب موادي يوم الجمعة في الجدول 😭

حياك الله

عزيزتي ايضا اتصلي على مس نسرين بخاري واستفسري عن السبب في اختلاف الارقام المرجعية للشعب الظاهر لكم

وبالنسبة ليوم الجمعة المفروض يتعدل لكم على الاودس وتصير ايام عادية لانو تغير القرار انو الكلاسات تكون بس خميس وجمعة وصارت كلاساتكم من السبت للربوع زي زمان

ربي ييسر لك كل خير :-)

المشاركة الأصلية كتبت بواسطة external انا دحين اتلخبطت كيف التسجيل في السنترا يكون عن طريق الرقم المرجعي للمقرر. ومن فين اصلا التسجيل في سينترا؟ مو هي من عند اضافة/ حذف دورة تأهيلية ولا شي تاني . انا سويت من عندها وانضافت المواد لكن لما قريت هنا انها لازم برقم المقرر روحت شيكت لقيت كل المواد اللي منضافة في الدورة التأهيلية ارقامها المرجعية غير اللي عندي في الجدول ؟؟ّ!!!! ومتى يخلص التسجيل في السينترا لان مناهج البحث مو راضية تنضاف في الدورة التاهيلية لما اجي اسوي اضافة دورة تأهيلية يطلع لي none

المشاركة الأصلية كتبت بواسطة external هل اسوي حذف للمواد وارجع اضيفها بالرقم المرجعي ولا ايش بالضبط والله ماني قادرة افهم الاودس بلس هادا

هلا عزيزتي وبالنسبة للاضافة المفروض تكون بنفس الرقم المرجعي على الاقل لشعب التخصص تبعتك عشان تحضريها بنفس الاوقات اللي بجدولك

واذا عندك اختلاف احذفيها وارجعي ضيفيها مرة ثانية واذا ما ضبط معاك الرقم المرجعي حاولي تكلمي مس نسرين بخاري وتساليها عن الاضافة بنفس الرقم المرجعي تبع موادك

بالنسبة للتسجيل الجامعة ارسلت رسائل لنا ع الجوال قبل اسبوع انو راح ينتهي قريبا بس ما حددوا متى بالضبط حاولي تضبطي جدولك من بدري عشان تتطمني وتبداي تذاكري

ربي ييسر لك كل خير :-)