مآهي طريقتكـ في مذآكرة المواد الأدبيه ? دعوه للجميع :شآركونآ تجآربكمـ

[الملاك الأبيض]

المشاركة الأصلية كتبت بواسطة اشراقة مستقبل لامع.!* جزاكم الله خير وخاصة الملاك الأبيض ودي اقول شي لو سمحتولي لما قرات كلامكم ,, ولما اقرا عن المواد الأدبية ومواد التخصص المتقدمة احسها مرة صعبة المطلوب منا في الاختبارات من كتابة شرح وايساي كل هذا رعبني احس وكانو مستحيل قولولي مشاعرك غلط وان الي ندرسو نستفيد منو محتاجة نصيحتكم والله

واياك ياارب ..

اسمعي عزيزتي بالنسبة لمخاوفك هذا شي طبيعي لانك اول مرة تاخدي مواد ادبية . لكن لو تيجي للحق اقدر اقول المواد الادبية تفيدنا اكثر من اللغوية . تعرفي ليش ؟
لانو المواد الادبية ماتعتمد على الحفظ مثل المواد اللغوية وانو بس احفظي وفرغي . لا . المواد الادبية تعتمد على الفهم وتتركي مجال لنفسك انو تحللي الامور وتفهمي نفسية الكاتب وغرضه من العمل وكيف العصر الي عاش فيه اثر على رؤيته . هذا كله يوفر فهم لتاريخ الناس الي عاشو في ازمان ثانية وكمان في نفس الوقت زيادة في ثقافتنا. غير كذا لاتنسي الكلمات الجديدة الي تزيد في ثروتك اللغوية , .بعكس اللغويات الي كلها حفظ ومخارج حروف وكلام فلسفي ..

شي ثاني انتي خايفة من الايساي والاسئلة المقالية . وانا اقولك بالعكس هذا افضل جزء في هذه المواد , لانو الادب مفتوح للتفسير واي كلام تكتبيه راح يكون صحيح طالما يعتمد على اساس فهمك الي قريتيه من الملفات . يعني انتي مو مطلوب منك تكتبي بالنص مثل المواد اللغوية وتعاريف و امثلة , ولكن المطلوب منك تحليل باسلوبك وبكلماتك الخاصة وبفهمك . وطالما انو كلامك اله علاقة بالسؤال يبقى كلامك صح ومافي اي استاذة تقدر تقول غير هالشي . يعني مهما كتبتي راح يكون صح وراح تعطيك درجات على الي تقوليه بس الي ييبقى عليك انو تصقلي مهارة كتابتك اكثر بحيث يكون كلامك مترابط والفوكابلوري صحيحة وخالية من الاخطاء الاملائية وهذا شي يجي مع الممارسة اكثر واكثر ..

موفقة يارب