جامعة الملك عبدالعزيز .. للتخبطات عنوان ..

[رنــــا]

الحاسب احنا درسناه بالانغلش الابعض الكلاسات الاستاذات تنازلو شرحو بالعربي
هو بس الاختبار كان عربي ومصطلحات انغلش
وبعدين ترى كتابنا السمستر اللي فات كان صعب جدا وسيئ مرررررة
انتو سمعت انو كتابكم هيكون اسهل وارحم



وترى حتى احنا متخبطين الترم الاول في الفيزياء الزفت

مااقول الا الله يعين الجميع

وعيشو كتير وشوفو كتير

[اهازيج المطر]

احس انه احد يتلذذ بتعذيبنا نفسيآ ولا تقولوا كلنا في الهوى سوا هذا الكلام مو صحيح(اقصد خطة أ و ب)

[joojah]

ماشآء الله .. سوء تنظيم من جد سوء تنظيم

بس أحب أقلكم ياخطه ب احنا درسنا الحاسب بالإنقلش وكانت محاضراتنا بالإنقلش وقبل الإكزام بأسبوع قالولنا الإمتحان بالعربي بس بعد ايه بعد مازاكرنا 11 شابتر بالإنقلش والمحاضرات ماتعادت وقالوا مالنا شغل الجزء اللي بالعربي في كلام مغاير للإنقليزي ماقالوا حرام معلومات زياده ماانشرحت ومع كده في أسئله جات من بره من كتاب ماأعرف ايش اسموا انتوا دحين بتعرفوا وبتذاكروا منوه

الفيزيا ماكان عندنا سلايدات زيكم في الكيميا والحياء دحين عندكم واحنا انحرمنا من اننا ناخذ العروض حقت الدروس حتى البنك منعوه لينا طيب ده مو ظلم !!

يعني لاتحسبوا انكم المساكين والمظلومين نحنا حناخذ شباتر اكترمنكم للعلم عن اللي اختوه وحنزاكر من الكتاب مو زيكم بنوك ومش عارفه ايه يعني ده برضوا ظلم

[نونـــــا]

السلام عليكم
من جد لكل ظالم يوم

(اسود من شعر راسوا)

ما اقول الا حسبي الله ونعم الوكيل في اللي قاعدين يجربوا فينا ويغذبونا

(اللهم اجرني في مصيبتي واخلف لي خيرا منها)

امين يارب

[دووديي]

الله يعينكم على مصيبتكم
واعتقد انه المشاكل اللي لاقتكم في الفصل الماضي ما شاء الله عليكم ما بانت في النتايج
والظلم والله هو هو أ او ب
وبعدين ترى الدعوه كلها حاسب سواء انجليزي او عربي مارح تفرق معاكم لانه الدكتور 90% حيتكلم عربي
وانته الله لا يهينك يكون عندك كراس فصلي تشتغل فيه عربي
والاختبارات 1 2 ونهائي 100% عربي
وفي النهايه الله يوفقكم ومثل ما انتوا عارفين ^^ ظلما هنا وظلما هناك^^
احترااااااااامي

[الداعية المعاصرة]

كلام سليم
أقول حاجة حبيبتي جوجة
احمدي ربك ما عندكم بنوك !
انتي عارفه ايش الي نكبنا ؟!

بسنوك الأسئلة !!

ينزلوها قبل الفاينل بكم ليلة

والظاهر كويز 2 كان عندنا وبرضو متاخر جا مو من الداية
وعملولنا ربكة الاسئلة كلها منها وركزوا عليها

تشتتنا لا كتاب ذاكرنا لا سلايدات ركزنا

راح الوقت على الحفظ بلا ترجمة ولا فهم نظرا لضيق الوقت

وشوفي اللخبطة الي حصلت !

من جد البنوك ما سوت فينا خير

\

ويا جماعة استهدوا بالله

كلنا تعبانين وكلنا مظلومين

بس ربي ما يضيع جهد أحد أبدا

خلوا عندكم يقين بأن الي فيه الخير ربي حيختاروا لنا

المهم الواحد نيته في العلم تكون لله وعشان يتفع نفسه وجيله ويخدم دينه

ويتوكل على ربي ويعلم يقينا ان ربي الوحيد القادر على توفيقه

انا ما انجح بذكائي ولا مذاكرتي ولا استاذاتي

قدرة ربي .. كن فيكون ..

بالتالي نجتهد ونسوي الي علينا

و "قل لن يصيبنا الا ماكتب الله لنا"

\

اعذروني طولت

بس حبيت أريحكم بكلمتين لأن الجو متوتر جدا ..

الله يوفقكم يا اخواني واخواتي ..

[رابح جاكسون]

مازال طلاب جامعة الملك عبدالعزيز يعانون من تخبطات السنه التعجيزيه

توقعت ان يتم استدراكها في السمستر الثاني ولكـــــــــــــــــــــــــــــــــــــن؟؟؟؟

الحمد لله اني سحبت ملفي بكرامتي ههههههههههه

اعانكم الله
اصبروا فأن الصبر مفتااااااح اربع طااااااااااااااااااعش

[زهرة البنفسج]

المشاركة الأصلية كتبت بواسطة [اسيرة الصمت] ايش نقول غير الحمد لله على كل حال اللهم اني عبدك ، ابن عبدك ابن امتك ، ناصيتي بيدك، ماضٍ فيِّ حكمك ، عدل في قضاؤك اسالك بكل اسم هو لك، سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي ... اللهم اميــــــــــــــــــــــــــن الله يوفقنا بهذه السنه ويعديها على خير

الله يجزيك الخيرلأنو كلامك مررررة حلو يا أسيرة الصمت ويمكن إحنا مع بعض في نفس الكلاس