مذاكرة الاحياء ساعدوني واكسبو فيني اجر

[ريم الغامدي2012]

السلام عليييكم

تكفوون ساعدووني في مذاكرة الاحياء مرررا خايييفة منه ولمن اللحين ماذاكرت شي انا اعرف ان المذاكرة من السلايدت بس مادري ايش اداكر مها خصوووصا انو مااعرف انقلش كثير ومادري ايش المهم واللي بس فهم موو عارفة تكفووون ساعدووووووووووووني وعلى كم يوم اذاكرة عشان قبل الاختبارات وباقي اذاكر المواد التانيه و كم تنصحووني اجلس فييه
السؤال الثاني متى اختبار الحيا والاحصا والكيميا


تكفووون ردوو بسرعة واللي مايعرف يدعيلي

[Bashaier.y]

وعليكم السلام ..
ريم لا تلخبطي ع نفسك وتزاكري من شي تاني غير السلايدات
وأدخلي ع الترينينغ

والمواعيد ما ححددو لسا

وأحسنلك تمسكي الأحياء من دحين
أتوقع السلايد كلو معانا ولاتصعبي الموضوع

هوا طوويل صح لكن لو حضرتي مع أستازه تفهم راح تفهمي ويسهل
عليكي =)

بالتوفيق

[hano mg]

احضري مع الدكتورة حنان الشاذلي
و ذاكري السلايدات و التريننج هذوله الأساس
و البنات يقولوا في نماذج 120 سؤال و كمان التست بانك حق الدفعات القديمة يجي كم سؤال منها
بس عن تجربة ركزي على كل شي في السلايدات حتى المعلومات اللي عالصور
والله يسسسهل عليكم

[أمل وطموح]

1- قفلي أذانيك عن كل واحد يقول الأحياء صعبة ....المنهج قريب من مناهج الثانوية ..لا يحسسوك البنات إنا ماكنا ندرس شيء وبس لما جينا عل الجامعة صرنا ندرس ....احفظي المصطلحات و ذاكري السلايدات أول بعدين شوفي الترينق وبس

2-على فكرة أغلب البنات الي كانوا يجيبوا كامل يكنسلوا الدكتورة (تفهم ما تفهم ما عليهم حتى بعضهم كانوا يحضروا للتحضير بس .. المنهج قريب من الثانوي والمادة تعتمد على الحفظ بدرجة كبيرة .....نظمي وقتك وابدئي وبالتوفيق وفالك الدرجة الكاملة بإذن الله )

[A K I A]

معليش ع التدخل , لكن الترينينق فين ألقآه ؟؟

وششكرا

[Al-Thaqafi]

المشاركة الأصلية كتبت بواسطة A K I A معليش ع التدخل , لكن الترينينق فين ألقآه ؟؟ وششكرا

http://prod.kau.edu.sa/faculties/science/bio/index.aspx

أو

موقع الجامعة > كلية العلوم > مواقع التدريب التفاعلي > أحياء 110

اللي داخل بالاختبار الدوري الأول بناء على الدفعة الماضية , أول وثاني خيار فقط ( Training 1 - Training 2 )

[A K I A]

المشاركة الأصلية كتبت بواسطة al-thaqafi http://prod.kau.edu.sa/faculties/science/bio/index.aspx أو موقع الجامعة > كلية العلوم > مواقع التدريب التفاعلي > أحياء 110 اللي داخل بالاختبار الدوري الأول بناء على الدفعة الماضية , أول وثاني خيار فقط ( training 1 - training 2 )

مررررة مششكور أخوي , ربي يحقق لك الي تتمناآه !!

[سوسو الملاك]

ياحلوة الاحياء ماده مره سهله وتافهه برضه ماعليكي الا انك تفهم المعاني اللي بالانجلز وتراجعينها اكثر من مره وان شاء الله رح تسهل عليكي المذاكره ..

[التحضيري لعبتي]

لآ تصعبي الموضوع .. والله اللي كآن ح يضيعني تصعيب الموضوع
وأول اختبآر بسبب الخوف جبت العيد
الاختبآر التآني والفآينل ركزت واعتمدت على السلآيدآت والموقع التفآعلي فقط بدون مآ أشتت نفسي
وقريت السلآيدآت بتركيز تقريبآ 3 - 4 مرآت .. والحمد لله طلعت بدرجة مرة حلوة
ركزي ع السلآيدآت من دحين .. وأقريهآ أكتر من مرة لآ تخوفي وتقلقي نفسك .. وكل شي ح يزبط معآكي إن شآء الله

[ريم الغامدي2012]

الله يسسسعدكم مررررا شكرا

جد ريحتوووني خلاص بامشي ع كلامكم وربي يوووفقنا