ممكن مساعده بخصوص الايام خ - ج !!

[عازفة الوتر الحزين]

السلام عليكم
بنات ممكن سؤال

دحين يوم الخميس يكون حق محاضرات اي يوم ؟؟
اقصد يوم الخميس تكون تابعه مع ايت يوم في من ايام السبت والاثنين والربوع
ولا الاحد والثلوث ؟؟ ونفس الشي يوم الجمعه !!

اللي تعرف تقولي لاني حايسه في ترتيب الجدول

وانا عندي حضور في الجامعه وصار في جدولي
سبت واثنين وربوع
والى الآن باقي مادتين مو عارفه ايش احط
اخاف احط ماده وانا ماني عارفه متى يكون موعدها ووقت الاختبار يطلع لي مادتين في نفس الوقت يعني ماده من المستوى الثامن وماده من السنترا

الله يخليكم اللي تعرف تقولي
شايله هم الجدول

[ليـنا]

اول شي الله يعيينك اختي ويسهلك


هادا النظام الجديد .. كلنا ساير معــانا كده


مواد الخميس او الجمعه ماهي مثل مواد السبت والإتنين والربوع


لأن المادة الي حتاخديها الخميس حتكون مره وحده في الأسبووع .. نفس الشي لمواد الجمعة

ماراح تتــكرر معاكي باقي ايام الأسبووع .. مادة الخميس للخميس فقط


وكلنا مو راضيين عن ده الشي

الله يسهل

[عازفة الوتر الحزين]

اووووف نظام معفن بقوه
شكلي بحط ماده حره واختارها ولمن اروح للجامعه اسأل عن المواد كيف وهل راح يكون ترتيبها مع مواد المستوى الثامن
ولاكيف

عموما يعطيكي العافيه ماقصرتي

[ليـنا]

العفوو قلـــــــبي

وان شاءالله المواد تتناسب مع جدوولك

بالتووفيق

[عازفة الوتر الحزين]

ان شا الله خير

[noonaaa]

بالعكس كدا افضل عشان يختصرو المهم في وقت قصير والشرح موجود في محاضرات مسجلة وغير كدا في نظام التعليم عن بعد للمعترضات و بصراحة ماشوف الجامعة غلطت في النظام هادا