"اللهم من ولي من أمر أمتي شيئا فرفق بهم فأرفق به ،ومن شق عليهم فأشقق عليه "

[NORY]

خواتي العزيزات .. الهموم وحدة ومشتركة .. وأنا شكرة تفاعلكم وردودكم ..
وأسأل الله يفرجها علينا جميعا
وأسمحوا لي أزيدكم من الشعر بيت ..
اليوم فتحت السنترا قلت خليك مع الكذاب لحد باب الدار نفتح السنترا ونشوف وش عندهم فيها ..
يمكن نلقى أستاذاتنا الغاليات يحنون علينا كالعادة ويشوفون لنا حل أو على الأقل يوصلون صوتنا لإدارة الجامعة الظالمة .. وفتحت السنترا ..
وكانت المفاجأة إنه ما فيييييييه ولا محاضرة ولا جدول في السنترا !!!
ومكتوب ملاحظة : إنه ماراح تبدأ محاضرات اسنترا ... -عفوا أقصد مجلس الشورى تبع السنترا -إلا بعد ما يكتمل تسجيل
الجداول لكل طالبات الإنتساب من عمادة القبول والتسجيل !!

سلامااات يا جامعتنا ..
وأنا وش دراني متى تخلصين تسجيل للطالبات عشان أفتح السنترا ..
وإلا اجلس لكم أون لاين 24 ساعة عشان أنتظر السنترا ما تفوتني لأنها ياعالم تتسجل أو لا هي كمان ..
ووينكم من زمان ما فتحتوا الحذف والإضافة لنا عشان نسجل بأنفسنا ونتدارك الزحمة هذي
..ومدام إنه ما يمدي ع السنترا الآن ليه حاطين موعدها اليوم ؟؟..
نظام فاشل وإدارة فاشلة بمعنى الكلمة ..
وإلا هل من المعقول إن الشعب البارح بعد منتصف الليل مكتوب عندها غير متاح التسجيل واليوم الفجر نفتح نلقى الشعبة قفلت ومكتوب عندها مغلق ؟؟
كيف تجي هذي ؟؟
ومتى وكيف أكتفت الشعب والتسجيل غير متاح والوقت غير مناسب لإتصال الطالبات ولا لروحتهم للجامعة ..
هذا معناه إن الجامعة تضيف مواد للطالبات على كيفها بصرف النظر عن رغبة الطالبة فيها أو لا ..
همهم فقط ينزل للطالبة جدول وبس حتى لو موراضية عنه أهم شي يخلصون من الجداول لأنهم بتضييعهم لشهر كامل من بداية الدوام حطوا أنفسهم وحطونا معاهم في زاوية حادة..
.. وش فرقتوا يا جامعتنا عن المدارس اللي تنزل الجدول لكل الطلاب ويصير موس على كل الروس ..
وين رأينا كطالبات جامعيات في جداولنا ؟؟وين حريتنا في إختيار موادنا وشعبنا وأستاذاتنا ؟؟
بنااااااات ... لازم فيه حل وإنهاء للمهزلة هذي باقي لنا أترام كثير حتى نتخرج ماراح نقدر نتحمل هذا التلاعب ..
أرجوكم اللي أبوها أو أخوها أو زوجها له قدرة على الشكوى في أي مكان يشتكي ..
أو يفضحهم في الإعلام وياخذ حقنا منهم .. ويصلح كل اللي يقدر عليه ..وما يفل الحديد إلا الحديد
إحنا الطالبات لو نصيح لبكرة محد درا عنا

آآآآآه .... اللي يثلج صدري إن الحبيب المصطفى اللهم صلي وسلم عليه دعا على الأشكال المتسطلة هذي
ووين تروحون من دعوة أشرف الخلق يا إدارة جامعتنا الموقرة ..