مين يطلع ليا وقت المحاضرة ونهاية المحاضرة من الجدول التالي + نصيحة بخصوص المعدل

[يارب وفقني :)]

السلام عليكم ورحمة الله وبركاتة

مين يطلع ليا وقت المحاضرة ونهاية المحاضرة من الجدول التالي ؟؟



والله حدعي له من كل قلبي

+ انا دحين المعدل حقي 1.91 ونزلت 4 مواد و 12 ساعة

كم اقل حاجة في كل مادة تكون الدرجو عشان اخلي المعدل 2 او 2 وعليها ؟؟؟

[بشاير&]

مو شرط تحطين في بالك يكون معدلك 2 خلي طموحك اكبر من كيذا موادك حلوه بس خلي 5 او 6 مواد عشان يرتفع والله يوفقك ياررررب

[بشاير&]

ماني عارفه اطلع وقت المحاظرره لاني لسى ما سويت جدولي ان شاء الله احد يفيدك

[عبدالله ابراهيم المسعود]

[QUOTE=يارب وفقني :);6073952]السلام عليكم ورحمة الله وبركاتة

مين يطلع ليا وقت المحاضرة ونهاية المحاضرة من الجدول التالي ؟؟




الاولى تبدا الساعه 4.35 وتنتهي الساعه 6.05 الثانية تبدا الساعه 12.10 وتنتهي الساعه 1.40 دقيقه الثالثه تبدا الساعه 9 وتنتهي الساعه 10.30 الاخيره تبدا الساعه 10.35 وتنتهي الساعه 12.05

[يارب وفقني :)]

بشاير قلبو ماقدر 5 ولا 6 مواد عشان المعدل بسبب اهمالي نزل :(
ف عشان عيك 4 مواد نزلت ليا والله لو بيدي كان نزلت 6 مواد

[يارب وفقني :)]

عبدالله بن ابراهيم ربي يسعدك يارب ويديك الف عافية ويوفقك ويرزقك ان شاء الله يارب

[يارب وفقني :)]

مين عنده افكار بخصوص المعدل ؟؟

[يحلمون...~]

السلام عليكم ورحمة الله ..
كيفك يا عسسل ..

،،،

تصدقين اول ما شفت معدلك ذكرتيني بنفسي انا كنت كذا وكان معدلي تقريبا كان 1،89 بعدين رفعته لــ 2،23
ثم ارتفع لـ 2،81 والحين الحمدالله 3،5 ماشا الله تبارك الرحمن
كنت كل مره انزل 4 مواد نفس تفكيرك
وحاليا نزلت 3 مواد عشان ارفع المعدل اكثر بس لازم تكون درجاتي عالية عشان اضمن انو المعدل يرتفع ..

شوفي دام عندك عزيمه واصرار هذا هو اهم شي << لاني انا حطيت كذا في بالي
واهم شي تحرصين من بداية الترم تذاكري من بدري لانو لما يجي وقت الاختبار تراجعي ببتذكري كل اللي ذاكرتيه
انا شايفه انو جدولك اوكي روحي الجامعه واشتري الكتب من هذا الاسبوع وابدئي من الأسبوع الجاي من يوم السبت اول ماده امسكيها اللي تشوفيها دسمه ولما تفتحي الكتاب اول شي تذاكريه الوحده أو القسم اللي يكون مليان مواضيع الين ما توصلي للي اقل فيهم << إن شا الله تكوني فاهمه كلامي
وامشي على هالخطه لباقي موادك يصير بأذن الله مايجي يوم الاختبار الا وانتي بس تراجعي << طبعا لما تقرب لاختبارات وابي اراجع الماده ابدا راجع من النهاية << احس كذا براحه نفسية
حطي في بالك تكون دراجاتك كلها 90 وفوق لانو كلما كانت درجاتك أعلى كلما ارتفع المعدل فهمتيني
اممممم اش كمان وبنسبه للمواد اللي نزلتيها نزليها عند افضل الاستاذات من حيث الشرح والاسئلة عشان تكوني مرتاحه نفسيا وكمان عشان دراجتك في الاختبار تكون عالية ..
وبسس إن شا الله اكون افدتك بشي من كلامي وطبعا هذي خطتي امشي عليها والحمدالله يارب ..

>> أنا طالبة إنتساب تخصصي دراسات إسلامية
.. دعواتك يآعسسل ..


،،،،

وموفقه يـــــارب ..

[يارب وفقني :)]

يحلمون ربي يسعدك ويخليك يارب
كلامك زي العسل ومرة مريح والله
ربي يطول بعمرك ويوفقك يارب

[يحلمون...~]

ويسسعدك ياعسسل ويخليك
ولو بالخدمه اكيد حاسه فيك وفي معاناتك في رفع معدلك
عشانك ذكرتيني بنفسي وقلت ماراح ابخل عليك بشي
الله يجعله دووووووم مرتاحه ومبسوطه :)
والله يوفقك ويكون بعونك وبأذن الله يرتفع معدلك للأعلى والأفضل ..~

،،،

بتوفيق يارب