الدراسة في دولة نيوزلاندا

[live is live]

صباح,,,مساء الخير ليديز اند جنتلمن

نسيت أقولكم على شغله مهمه

فلنفترض مثلا اني في الطيارة ومتجه الى نيوزلاندا وش اللي يجب اني اسويه

فيه ورقة يوزعوها في الطيارة واسمها الأبليكيشن وهي تخص تأشيرة الدخول ولازم انك تعبيها قبل ماتروح للجوازات اللي في المطار النيوزلاندي ويفضل انك تعبيها في الطيارة أثناء الرحلة وبكذا راح توفر عليك وقت

طبعا المعلومات اللي تعبيها لازم تكون دقيقة جدا حسب جواز السفر

وكذلك تعبي العنوان اللي انت راح تسكن فيه من أهم الأمور وهم دقيقين جدا في هذا الشأن
طبعا انت راح تحصل على العنوان من المعهد نفسه اللي راح تدرس فيه
والمعهد كذلك راح يرسل لك جميع الأوراق اللي بتحتاجها على الاميل
مثل القبول والتكاليف والمدة وعنوان السكن وغيره من الامور الثانية اللي ممكن انك تحتاجها
مثل معلومات عن المعهد بالتفاصيل حسب سياسة المعهد نفسه
كذلك معلومات عن العايلة وهكذا......

طبعا يفضل انك تخلي الأوراق المهمة معك في شنطة اليد لأنك راح تحتاج لها

مثل جواز السفر (بدون شك ) بس للتذكير + صور شخصية

وعنوان السكن في نيوزلاند وهذا مهم جدا

وأوراق القبول من المعهد أو من الجامعة وهي ليست بالضرورة القصوى ولكن تحسبا للضروف

واذا فيه شي جديد او شي نسيته راح اقولكم ان شاء الله

دمتم بود