سؤال~من فين اعرف ارقام المعامل؟

[R-Kh]

السلام عليكم
...
طبعا نزلت المعامل في الجدول كالعادة tba
المهم
من فين اعرف
اسأل مين يعني
لانو عندي معامل يوم السبت
وبس ماقابلت استاذة المادة ولا مره ولا اعرف مكتبها ولاشي
والمحاضرة مو في يوم المعمل
يعني ماني عارفه طريقة اعرف بيها رقم المعمل
...
ياريت اللي عندو خلفية تفيدنا
والمعامل
احياء 202
بيولوجيا خلية
انزيم1
ايض1
..
وشكرا
..
:)

[.vib]

شوفي ياعسل معامل ايض1 تلاقيها في الدور الاول في المبنى الجديد واضحه ماتضيع مكتوب عليها معامل ايض
معامل الانزيم في المبنى القديم الدور الثاني (شايفه وانتي داخله من باب العلوم اطلعي من الدرج الاعلى يسارك يوم توصلي للدور الثاني لفي يمين وامشي تلاقي مكاتب استاذات طول ما انتي ماشيه
في نهاية الممر ادخلي يسار تلاقي معملين شوفي انتي في اي واحد فيهم)

بالنسبه للاحياء معاملهم في الدور الاول في المبنى القديم اسالي البنات عن معامل الاحياء ويدلوكي

والخليه الدور التاني برضه في المبنى القديم بس ناسيه كم رقمه

شكلك ضعتي معايه عالعموم لاتخافي لان دا الاسبوع اعتقد مافي معامل وبعدين ح ينتشر وين مكان المعمل بين البنات

[M!Ss AmoOoLa]

روحي لمكتب رئيسة القسم يمكن مكتوب هناك الأماكن

انا عندي بكره معمل انزيم ويمكن مااحضر:(

[R-Kh]

vib.
الله يسعدك ويوفقك دنيا واخره ياشيخة
من جد الله يفرج همك
ويحقق كل اللي تبغيه
...
غرور
معمل الانزيم من 11-2؟
لو كدا انتي معايا
..
:)