مشكلتي

[atha]

معليش حبيبتي حسيت فيك كمية احباط عجيبه .، لاتحكمي على السنه من اول اسبوع تقريبا تاخذي من سبوعين الا ثلاث تحسي ان اللي حولك يقولوا طلاسم وخصوصا اذا كنتي في الانجليزي مثلي اقل من مبتدئه .. ولما تجي تذاكري حتاخذي في الورقه ساعه مره عادي في البدايه بس حتتعودي وذاكري كويس معليش بتحسي بصعوبه في البدايه .. لكن والله والله من اسهل السنوات الدراسيه لكن صعوبتها نفسيه بس يعني من كلام الناس الى الدكاتره بيبينوا ان السنه صعبه بس يلعبوا بعصابكم ... انا اتخذت قرار في التحظيري اني بسكر اذني وماراح اسمع كلام الناس وزي مافي بنات وصلت اذا مو صعبه ... حتى في الدكتورات لا تسمعي كلام البنات كويسه ولا لا انتي جربي وذاكري اول باول ..

اما بنسبه للانجليزي مافيه انحس مني كل اللي درسوني في المستويات المحسوبه في المعدل كانوا يرفعون الضغط ومافهم منهم شي لكن كنت اركز قد مااقدر واترجم القاعدات اللي في اخر الكتاب وافهمها وواحفظ الكلمات اللي ناخذها وراح تلاحظي انك مع كل مستوى تتحسني وبس ...

وراح اشوفك ان شاء الله بعد سنه في الكليه اللي تبغيها وراح تقولي نفس كلامي التحظيري من اسهل السنوات ..

وترا كنت في البدايه متخوفه منها لكن اكتشفت انه موضوع مضخمينه الناس ومايستاهل كل هذا التضخيم ..


استغفر الله
سبحان الله وبحمده سبحان الله العظيم