ضايعة بين الكليات :(

[t o f f e e]

السلام عليكم

انا خلصت سنة تحضيرية الحمدلله ومعدلي 3.42
انقبلت في الرحاب وانا ما ابغاها
رحت الاربعاء اللي فات وكلمت وحدة من الشؤون التعليمية
قلت لها اقدر احول قالت ايوه روحي الفيصلية
رحت للفيصلية في نفس اليوم سويت معاملة تحويل من الرحاب للفيصلية
وقالو تعالي الأحد الساعة 10
ويوم السبت رسلو كلية الرحاب انو في اختبار قدرات ومقابلة شخصية يوم الأحد الساعة 10
طبعاً ما رحت للرحاب ورحت للفيصلية توقعت انهم حولوني
لكن لا ما سار شي وقالت ارجعي ادرسي بكليتك عادي يمكن ما تنقبلين في الفيصلية
وشيكي على الأودس الاسبوع الجاي اذا ما حصلتي شي يعني ما انقبلتي
انا تحطمت لأنو اراح عليا الاختبار يعني ما انقبلت في الرحاب والفيصلية لسة

ايش اسوي ؟؟؟؟؟

[Nayomi]

بما انو معدلك اكتر من تلاتة ممكن يقبلوكي بدون اختبار انتي روحي بكرة لكلية الرحاب وشوفي ايش يقولولك على الاقل تضمني انك تدرسي دا الترم ومايضيع عليكي لانو احتمال كبير ما يحولوكي
الله يكتبلك اللي فيه الخير

[t o f f e e]

المشاركة الأصلية كتبت بواسطة nayomi بما انو معدلك اكتر من تلاتة ممكن يقبلوكي بدون اختبار انتي روحي بكرة لكلية الرحاب وشوفي ايش يقولولك على الاقل تضمني انك تدرسي دا الترم ومايضيع عليكي لانو احتمال كبير ما يحولوكي الله يكتبلك اللي فيه الخير

قالو الثلاثة ونص ينقبلون بدون اختبار وانا تحت الثلاثة ونص
يعني راح عليا الاختبار

آمين وياك

[colorful bubble]

طيب مافي اعادة للاختبار ؟؟
روحي استفسري عندهم قبل لا يبدا تاني اسبوع

و الله يعييينك وييسرلك

ويااارب يكونو قبلوكي