استفسار : تعريف بعض المصطلحات ... لـطالبات العلمي / كلية العلوم

[ريح الخزامى1]

السلام عليكم
]

انا عندي استفسارات عن مصطلحات مو فاهمتها

أنا تسكيني كلية العلوم وأبغى اعرف :

أيش يعني ( مواد عامة ) ( مواد اختيارية ) ( مواد متطلبة تخرج )

وأيش تنصحوني فيه ...
]أخذ معامل ومواد حرة الترم الأول ؟

ولا أمشي على الخطة الدراسية حقتهم ؟



وشاكره لكم مقدماً

[dr.9afeia]

اول حاجة مواد عامة يعني
الثقافة الاسلامية (4مستويات)
اللغة العربية ( مستويين )

مواد حرة
كل قسم ليه عدد ساعات من المواد الحرة مثلا الكيمياء الحيوية تاخدي 6 ساعات والاحياء نفس الشي
كل ترم ينزلو عدد من المواد المتاحة من اي كلية غير كلية العلوم

مواد متطلب القسم
هادي اجبارية لازم تاخديها اولها مواد التحضيري اللي خلصتيها + معمل الاحياء ومعمل الكيمياء وكيمياء 202 واحياء 202 وامن وسلامة المختبرات والتدريب

وبعدين بالاضافة عليها مواد التخصص كيمياء حبوي عام وانزيمات وايض 1،2 وتنظيم ايض ........ الخ الين مادة الطبية والجزيئية والتحليلية

والمواد الاختيارية تكون 18 ساعة لقسم الكيمياء الحيوية تختاريها من ضمن المواد اللي ينزلوها كل ترم
طبعا مو كلها تنزل ترم تنزل والترم التاني لا

^ شرحي كلوو على قسمي

بما انك اتخصصتي علوم لازم اول يوم تروحي تختاري القسم اللي انتي تبيه من بين ( احصاء رياضيات فيزياء كيمياء كيمياء حيوية واحياء )
الاحياء يضم كزا قسم حيوان ونبات واحياء دقيقة وجينوم وتقنية حيوية ووراثة اتوقع كررت شي )

لو معدلك موو مرة عالي لا تنزلي 18 ساعة لانو ضغط بس اللي تتركيه في الخطة خديه الترم اللي بعدو على طوول

لا تغلطي وتتركيه لبعدين ولاتسمعي لكلام البنات مصيرك تاخدي مع كل الدكاترة
عشان تمشي لازم تحكمي عقلك بس بس بس بس

مني عارفة انتي ايش في بالك قولي وانا اساعدك

لو في بالك قسم معين اكتبي في google مثلا الخطة الدراسية لقسم الكيمياء الحيوية جامعة الملك عبدالعزيز واتفرجي

الله يوفقك ان شالله والجميع

[ريح الخزامى1]

مشكوره والله الله يجزاك خير ابد ما قصرتي

بس معليش مافهمت قصدك من
هالكلام

لو معدلك موو مرة عالي لا تنزلي 18 ساعة لانو ضغط بس اللي تتركيه في الخطة خديه الترم اللي بعدو على طوول لا تغلطي وتتركيه لبعدين ولاتسمعي لكلام البنات مصيرك تاخدي مع كل الدكاترة عشان تمشي لازم تحكمي عقلك بس بس بس بس

طيب أنا معدلي 3.22
ايش تنصحيني فيه ؟
إذا انا أبغى أحياء
أقدر أخذ 18 أو 20 ساعة ؟
كمان انا حطيت الرغبات بس مكتوب لم يتم الفرز بعد ...؟؟

معليش بتعبك معي بس والله محتاره ومتلخبطه

[ريح الخزامى1]

نسيت أقول حاجه

انا دخلت ومالقيت الخطة الدراسية لشعبة أحياء جينوميا

؟؟؟

[ريح الخزامى1]

؟؟؟؟؟؟
للحين مافي رد

[the best one]

الخطه اللي بتنزل لك للاحياء العامه

ما راح تنزل خطة الجينوميا الين تتخصصي

والتخصص في المستوى السادس

وبالتوفيق ..