نزل تخصصي هون !!!

[بياقي]

ابو عبدالعزيز الله يعطيك العافيه على المعلومات القيمه هذي
انا تخصصي موارد بشريه ولغتي الأنجليزيه لابأس بها بحكم عملي لكن هل تدلني على دورات لفرص وظيفيه أفضل ولك مني دعوه بظهر الغيب

[نصيب]

المشاركة الأصلية كتبت بواسطة بياقي ابو عبدالعزيز الله يعطيك العافيه على المعلومات القيمه هذي انا تخصصي موارد بشريه ولغتي الأنجليزيه لابأس بها بحكم عملي لكن هل تدلني على دورات لفرص وظيفيه أفضل ولك مني دعوه بظهر الغيب

حياك اخوي ...

بالنسبة للدورات القصيرة أسبوع، ما اجد فيها اي فايده ولا اي علم هي تنظير واعطاء فكرة عن موضوع معين، وتجمل شكل السيرة الذاتية cv

الانجليزي مهمه بصراحة الي مايعرف انجليزي في هذا الزمن يعتبر أُمي للاسف...

أنصحك بالدورات القوية المشابه للدبلوم العالي مثلا اذكر قبل كم سنة جامعة الامير سلطان اعلنت
عن دوراة الاوراكل وهذي ممتازه جدا في أغلب التخصصات الموارد البشرية والمالية ... الخ
وهي دورة او دبلوم مطول اعتقد مدتها سنة

كذلك فيه مدير عندنا لكنه مسافر حاليا في الخارج اذا رجع بسأله عن مكانها ووين وكيف ... يدرس في المساء زمالة في الموارد البشرية ولا عندي فكرة عن شروطها وبرضه هذي ممتاز وتفيد مهنياً اكثر من الماجستير لان الماجستير يعتبر اكاديمي اما الزمالة تعتبر مهنية وهي افضل في الاستقطاب..

اذا انت ما عندك وقت او امكانات مادية لهذه الدورات الطويلة او الزمالة...

ففي تصوري تأتي في المرتبة الثانية بعدها الدورات شبه القصيره يعني من اسبوع الى شهر
ومن افضل الجهات التدريبية في هذا المجال وتعطي نتاج مناسب لسوق العمل هي الغرفة التجارية
في الرياض ... تقدم برامج كثيرة ومفيدة وباشراف ممتاز والغرفة التجارية لها اسمها واعتبارها مثل ما انت عارف ...

وميزتها تعطي في كل التخصصات الادارة بكل فروعها ... وانا زمان مره عنها بصراحة لكن الي اذكره انهم يحطون اعلانات واسعارهم نسبيا مرتفعه لكن يستاهلون ...

والله يوفقك ان شاء الله