مصطلحات طبية ولا كتابة تقارير

[حيوية]

والله اخاف ماحضر من 8

واخاف اضيفها والمعامل ماتتغير لابشكل ودى ولابشكل مصارعات اش يضمنى

الصراحة حيرتونى

[بنت السكن]

والله ياعسل انا جدولي الترم اللي فات كان كدا ضغط ومافي بريكات كان السبت عندي من 8 ل5 من غير اي بريك ومعملين معمل انزايم ومعمل خلية
بس والله عدى والحمدلله وماحسيت بذاكا الضغط مع انو حتى الايام الباقية كانت ملخبطة
يوم 8 ويوم 10 ويوم9 وعلى دا الحال وكنت حتى محاضرة 10 اتاخر عنها
بس دا الترم خليته من 8 ولاشلت هم لاني لو جلست اتشرط زي عادتي زمان واقول ماابغى من 8 مارح اخذ مواد وارح اتاخر
ويقولو المصطلحات مررررررررررررررة حلوة وتساعدك بالتخصص
وربنا يوفقك اختي
ولاتشيلي هم تراه ترم بسيط وراح يعدي بسرعة
وانا زيك مااصحى من 8 لو عليا اخلي الجدول من 12 الظهر بس هادي العلوم والحمدلله دا الترم اغلب موادي من غير معامل يعني كلها 7 مواد و3معامل
بس دا الترم جدولي كلو من 8
الله يرحم ايام المدرسة اللي كنا نروح من 6 ولا نسيتي؟؟؟ عاد الجامعة دلع من 8 دي الحصة الثالثة بالمدرسة

[بنت السكن]

احنا لو خلو الجامعة من الساعة 1 الظهر نقول مانبغى جدول غير من 3 العصر

[حيوية]

لا ياقمرة انا كان بالثنوى دوامى مسائي ابو الفلة على 12 تبدا الحصة

واول سنة بالجامعة كنت تاهيلى 11 يبدا الدوام

وانا من الناس الى مانام الا 4

ههههههههههه
في ناس عندها قدرة تتحمل الضغط تخيلى انا ايام الاختبارات الضغط يخلينى ماقدر ادرس وابغا ابكى بس وامسك الكتاب وماقدر اذاكر حالتى صعبة عارفة

خلى يجي السبت ويصير خير يا اضفتها ياخليت التقارير لانو اذا ماخدت مصطلحات الترم دا حاخدها الى بعدو
ومشكوريين يا عسولات