فئه رافضه الارتباط __ والنقاش معهم عقيم

[خالد9921]

وعليكم السلام ورحمة وبركاته

والمشكله انهم مقتدرين مادياً ومتيسر لهم الزواج بأسهل الطرق والبعض منهم تعدا الـ30 ورافضين الزواج رفض نهائي

وحدة من الثنتين
يا إنهم ما شافوا جنس أنثى بحياتهم أو إنّهم متزوجين بدون رسميات !

بالبداية نتفق إنّ الزواج ليس بالأمر الواجب على المسلم
لأي فرد حريّة الخيار بحياته بالإرتباط أو بدونه
وأحياناً فيه أسباب جدّية وعقليات ممتازة تحترم أسباب رفضها
كمثل شخص عنده طموح دراسي وأكاديمي معيّن
ولا يبي يرتبط لين يحقق طموحه طالما الارتباط ما راح يخليه يوفّق
لا تطيرين بالعجة وتقولين انا كمان ادرس ومتزوجة
انا اتكلّم عن الدوافير والنوابغ وكذا بعضهم ما يبي يهجول الحرمة في بعثة .. الخ
أو مثلاً شخص لديه طموح تجاري أو وظيفي معيّن
ولا يبي يرتبط لين يضبط كل أموره
أو يعاني من مرض نفسي كالخوف والخجل أو مرض عضوي
غياب الميول تجاه الجنس الآخر أو ضعف الجسد أو ...... الخ
مب شرّط يصرّح بعقدته النفسية أو مرضه حتّى لأقرب المقرّبين (:

كهؤلاء جميعا
ما نلومهم بصراحة كل واحد واللي يريّحه طالما الأسباب جديرة بالإحترام

لكن المصيبة
إذا إنك ولد البابا المقتدر ومليان زلط ودراهم ومسوي العانس ببيتكم
ولا عندك شغلة ولا مشغلة بالحياة ما غير تاكل او تصيع او نايم
هنا اصلاً الانسان مب مسؤول من البداية عايش حياته تفاهة وفضاوة
فأكيد بيكون تافهة قدام هالأمر وحياة الزواج ولا يقدر يتخذ قرار بالأصح يعمل شي إيجابي

والمصيبة الأكبر
لمّا بعض هالفئة المقتدرة والفاضية تفضّل الحرام على الحلال
وبكل بجاحة يجي يقولك يا رجّال أصيع مع هالبنات التعبانات
أحسن من إني أورّط بنت الناس معي لأنّي داج ولا اتحمل المسؤولية أكيد بتعبها

صحيح إن هالخبل بيجي من يصفق له على إنّه ما ورّط بنات الناس بزواج فاشل منه
لكن بالحقيقة هو يعاني من مصيبة كبيرة في شخصيته وخلل كبير بأخلاقياته
و زيغ من الشيطان بهالصورة اللي تزيّن الحرام بمخيلته عن الوقوع بزواج فاشل !
لابد يعالجه بالإتجاه للطريق الصحيح وهو الحلال ويكون رجل بالفعل !

بعدين هالسامج اللي مال أمه عذر و بفمّه ملعقة ذهب البابا
إذا مب ناوي تصبّح وتمسّي على شي يفتح النفس بدل الوجيه المخيسة اللي كل يوم
ولا ناوي تكمل جزء من رجولتك وتصير شنب فعلياً وتكمل دينك
عالأقل فرّح هالأب اللي ودّه يشوف أحفاده منك لكن واعيباه مانت بفحل غضنفر
يعني قل طاعة بصراحة للأب وقتل لفرحته اللي ودّه يصير جدّ
وإنت إلاّ تقطع نسبه منك ولا تفرحه قبل الممات ولا عندك اسباب مقنعة !
لا احد يجي يقول هذا تافهه لو تزوج راح يتعب بنت الناس معه
مو المصيبة انه مو راضي يصير رجال غير تافهة والهدف يكون غير تافهة
ويخوض تحديات الحياة ومسؤولياتها وينشأ أسرة مسلمة يزيد بها المسلمين

بعدين انا بأفهم يعني طاق الثلاثين وشنبك يوقف عليه عشر حمير
وعاجبك منظر الهجولة والمراهقين اللي انت فيه ؟
كل مناسبة وكل ما رحت وجيت مافي جنبك حرمة ولا أم عيال مثل اللي بعمرك ؟
وتشوف ذريّة اللي بعمرك ولا يحن بقلبك تكون رجل وتشوف عيالك ؟
مابي أغلط بس ممكن اعتبرها رجولة ناقصة مع وجود الاقتدار وانتفاء الموانع
واعتقد أغلب هالفئة ما تعودوا على تحمل المسؤولية ولا أنجزوا بحياتهم
يعني ما اظنهم ناس عمليين ينجزون بحياتهم ما بين علم وعمل بشكل كبير

هم يتلزقون فينا حنّا يالمبزرة طيور الجنة اللي اعمارهم 25
يعني انهم صغار وتونا بدري وكذا مثل حالتنا
يخرب بيتهم كيف متحملين هجولة العزوبية وقرفها ,
انا من زود حنان الأم اللي فيني
كل ما شفت وراعين جماعتنا وبزارينهم
تمنيت أشوف وراعيني واحد جزّار وواحد حرّاث والثالث حفّار قبور

هذا غير الرزّة بالمُزّة التي رسمية بالأوراق الرسمية
كل ما رحت مكان والا طبّيت على بيت
رافع راسك كإنسان سعودي طبيعي ماحد يعيبه
لأنّك فحل غضنفر حالته الدراسية : مستمررررررررررر
وكل ما عكّيت مع إيجار شقق والا فنادق والا هيئة والا دخولية كنت تنشات فيها
خشيت بعيونهم بهالمخلوق السحري : المزّة الرسمية وكرتها الذي عائلي

هاذي بس الفوائد الظاهرية وما كان بالباطن كان أخبص وأجمل

ههههههههههههههههههههههههههههههههه

الزبدة أنا قرقرت كثير وفصلت على الموضوع
عجزت أعرف حالتهم وأعالجها يبغالي عيّنة بالحبّة أعالجهم واحد واحد
اذا عندك عدد كثير منهم
بلغيني افتح لهم هالترم شعبة لمادة كيف تتزوج مزّة هههههههههههههه
وصف المنهج :
باب تعريف المزّة .. ماهي المزّة وكيف تعرفون أنها أنثى مختلفة عنكم
باب كيف تختار المزّة التي كويسة بعلامات العارفين والخبراء
باب كيف تتزوج وتصبح رجل لهذه المزّة
وأخيراً
باب أقوال وحكم وسيرة أشهر الخرفان في عالم المزز هههههههههههههههههههه
الباب الاخير عليه نص درجات المادة يختصر ابو المنهج المنيّل هههههههههههههه

أقولك شي ؟
عسى عمرهم لا تزوجوا هههههههههههههههههههههههههههههههه
صدق والله هو الزواج بالغصب ؟ اذا هو مو شايفها نعمة عساه لا ذاقها بحريقة
وإذا تعرفين آباء مغلوبين على أمرهم كذا
كلميهم يحولون التبرعات لي , أنا اتزوج بربع تكاليف المخكرة اللي جابوهم
ويمين ونذر عليّه
غير اسمي أوّل عشرة أولاد على اسم أوّل شايب تبرّع لي هههههههههههههههه
حتى لو يبي اسامي البنات

وكم سنة واشوف بنتي ضيف الله بنت خالد قدّام عيوني

ترى اسم الشايب كذا مو بكيفي هههههههههههههههههههههههههههه :/

الله يخفف علينا عنوسة الجنسين
ولا يخفف عليكم فصلاتي

يعطيك العافية