استفسار بخصوص المعدل و عدد الساعات

[لمارر]

السلام عليكم

كل عام وانتو بخير و صحه و سلامه يأرب

انا هذي السنه خلصت التحضيري / و زي ما أنتو عارفين جدول التحضيري يجي جأهز

خلصتها بمعدل 3.96 ماشاء الله و ماتسكنت في التخصص اللي أبغاه

بس الحمدلله على كل حال < قصه حياتها

المهم دحين بدرس ترم في التخصص اللي حطوني فيه وعشان احول لازم يكون معدلي فوق 4

بس ما أعرف كم ساعه لازم أأخذ / لاني مابغا أخذ خطه التخصص اللي انا فيه ويضيع ترم على الفاضي

ايش مفروض أسوي و كم ماده لازم أأخذ عشان ينرفع المعدل ؟

- ساعدوني يامتخصصين

[جوولي الحربي..]

بس لسا الفرز ما صار كيف عرفتي انو انت اتخصصتي؟؟؟

[LeLou]

و عليكم السلام و رحمة الله و بركاته..

طالما أنه ما شاء الله تبارك الله معدلك 3.96,, راح تقدري ترفعيه فوق الــ 4 بسهولة بإذن الله..
بالنسبة لعدد الساعات و المعدل,, أفضل أنك تنزلي ساعات قليلة 12 أو 13 مثلاً..
عشان تقدري تركزي و تجيبي درجات حلوة..

لأنك لو أضفتي 17 أو16 ساعة,, و انكرفتِ و جبتي في مادة C حتروحي في داهية..
لذلك نزلي ساعات قليلة و اتوكلي على ربنا و شدي حيلك و حاولي ما تجيبي في أي مادة أقل من A..
و إن شاء الله يترفع معدلك..

+

ادخلي على دا الرابط:/
http://www.yicf.com/gpa.php
و اضيفي عدد مواد و حطي درجات افتراضية و شوفي كم حيصير معدلك..

بالتوفيق||~

[البتول 2010]

اولا روحي لقسم اللي تبغينو و حاولي مع تروحي ما نفع
نزلي مادة حرة بـ3 ساعات مثلا اقناع مع د.انمار او سيرة نبوية اواي مادة سهلة وحلو وقبل تاكدي من استاذ/ة المادة
لان المادة تسهل بفضل الله ثم الاستاذ/ة
و مواد عامه (ثقافة بساعتين و عربي بـ3 ساعات)
صار عندك 8 ساعات
لو القسم اللي انت فيه في مواد مشترك مع القسم اللي تبغينو خوذي
و اولا واخيرا توكلي على الله ثم اجتهدي
والله يوفقك ويسر امورك

[شناشن]

ايش القسم اللي تبغي عشان لفي تخصصات ما تتفك غير سنويا وصعب التحويل عليها التربيه الخاصه ما حولوا عليها بنات كثير

[لمارر]

جولي الحربي

ايوا لسى / بس حطوني في كليه الاقتصاد المنزلي وانا مابغاهاا

LeLou

ان شاء الله / يأأرب الله يسعدكك


البتول 2010

يعني تكفي 8 ساعات ترفع المعدل .؟
فوق الـ 4 / وبشوف الخطه عشان المواد المشتركه
و اللهم أأمين الله يسمع منكك

شناشن

يب اللي أأبغاه تربيه خاصه / بس عميده القبول والتسجيل بنفسها قالتلي أدرسي ترم جيبي معدل فوق الاربعه و نحولك تربيه خاصه

[شناشن]

التربيه الخاصه كثير مارضيوا يحولوهم قفلوا التحويل عليها
اسالي البتول 2010
مره قالو نحول اللي يجيب 5
ومره قالوا بس لحقون التسكين
في بنات زنو عليهم حتي حولوهم