افيدوني بخبراتكم وتجاربكم . لكي استطيع اكمال الطريق نحو القمة !

[Ranya Alfarsi]

المشاركة الأصلية كتبت بواسطة fatima al bugmi السلام عليكم ورحمة الله وبركاته انا عضوة جديدة في المنتدى و اعنبروني مثل اختكم انا ما ادري اذا كان موضوعي في المكان المناسب ولا لأ . واذا كان لا اتمنى من المشرفين نقله الى المكان الصحيح . المهم راح ابدا في استفساراتي . انا طالبة ناجحة هذي السنة الى ثالث ثانوي علمي طبعا انا سعودية واتمنى اني التحق بجامعتكم لسمعتها الطيبة ولمكانتها المتقدمة بين الجامعات السعودية و لأني من سكان جدة وانا اكبر وحدة في عائلتي وعشان كذا ما عندي احد اسأله او استفيد من خبرته انا الحمد لله طالبة متفوقة اخذت في التراكمي لسنة اولى + ثاني ( مدرستي مقررات ) 99.79% واتمنى اني اصير دكتورة وبإذن الله ادخل الجامعة واجتاز السنة التحضيرية عشان ادخل كلية الطب بس في عندي حاجز واتمنى اني اكسره ( القدرات + التحصيلي ) يعني كم لازم اجيب في القدرات والنحصيلي حتى اكون في مرحلة الأمان ؟؟ وهل القبول في الجامعة سهل نوعا ما ام صعب ؟ هل القدرات و التحصيلي ( فقط كرت لدخول السنة التحضيرية ) ام التسكين في الكليات يعتمد عليها ولا بس على معدل السنة التحضيرية ؟ و كم كانت درجاتكم في القدرات + التحصيلي +( ماهي الخطة اللي مشيتوا عليها لنيل هذه الدرجات ( وهل طلاب نظام المقررات قبولهم يختلف عن النظام العام ام كلهم مثل بعض ؟؟ قدمولي بعض النصائح ؟؟! وشكرا لكم :-)

حبيبي كل اللي عليكي انك تزاكري كويس وتشدي حيلك في الدراسه انا كمانا زيك دارسة علمي ومتخرجة من الثانوي ب +99 ولله الحمد غير كدا جبت درجاات ف التحصيلي والقدرات ماشاء الله تبارك ما اتخيلت نفسي اني ممكن اجيبها بس كلو بتوفيق ربي ويعتمد على زكائك وزاكرتك والمراجعه والمزاكره وانقبلت طب في مكه كمانا ،، بس انا ابا ادرس قانون لاني حابتو مرا وحولت مسار اداري لان القانون فيه كمان قولت مدام انو فيه لا اتعب حالي وادرس اداري واجيب معدل كامل ان شاء الله ، واي استفسار انا هنا عندك خصوصا انك في سن اختي وهيا جايبه 100 ماشاء الله تبارك الله ،، وربي يوفقك ياقلبي ..

[Fatima al Bugmi]

^
شكرا لكم
بجد استفدت من نصائحكم دعواتكم لي
<3<3

[Anas94]

انا مثلك كنت متخوف من الجامعة انه تكون هناك منافسة ع القبول فيها
- علماً بأني متخرج السنة دي من نظام مقررات بتراكمي 98.83 و درجات حلوة نوعاً في القدرات و التحصيلي - والحمدلله كنت من اوائل المقبولين في الجامعة وانتي ما شاء الله ما يحتاج
وبالنسبة لاختباري القدرات و التحصيلي فأكثر عاملين ممكن يساعدونك فيهم انك ما تخافي أبداً والتدريب الممتاز ، اختبار القدرات عند البنات على حسب ما سمعت انه فرصتين الأول الترم الاول والثاني مع اختبار التحصيلي على ما أظن ... ف احسن طريقة سمعتها انك لو ركزتي على الفرصة الاولى و أخذتي درجة طيبة يصير تريحي نفسك من هم الثانية وتركزي وقتها ع التحصيلي فقط
اختبار القدرات : عندك كتاب ( رام 1 ) ممتاز و استعيني ب منتديات يزيد - فيها اختبارات سابقة مفيدة و دائماً يجئ منها - وفيه هذا الموقع اللي اكتشفته قبل الاختبار ب3 ايام و مرة افادني http://elearning.qiyas.sa/
اختبار التحصيلي : عندك كتاب " تحصيل أو رام 2 " و منتديات يزيد أيضاً
((( حل تمارين سابقة في الاختبارين و التدرب على طريقتها هو سر النجاح فيها )) رأيي الشخصي

وبالنسبة للقبول زيك زي طلاب النظام العادي التفاضل يجي بحساب النسب الموزونة و هذه النسبة زي ما شبهتيها كرت دخول فقط.. التسكين يعتمد فقط على نسبتك في السنة التحضيرية

اتمنالك كل التوفيق و تقبلي مروري