بعثرةة آسئلةة مستجد عشوآئيةة =)

[M7mmd.Y]

1 / آلمبآني , هل آلمبآني بعيدة عن بعض لـ درجة آتنقل بينهـآ بـ سيآرة ؟

المباني حقت الماث والفيزياء والرسم والبحث والاقتصاد... هذي كلها قريبة من بعض ممكن 3 دقايق مشي او 5

لكن لما يكون عندك اقتصاد في مبنى 79 بعدها عربي او ثقافة في مبنى 125, عذا مشوار بيطلع عينك

ابو 10 دقايق او اكثر مشي

لما تسوي جدولك خلي الثقافة والعربي خصوصا في يوم لوحدهم ويكونو ورا بعض - لو حطيت الاثنين سوا -

لأن صعب تتنقل بالسيارة وبتضيع وقت اكثر, واصلاً يالله تلاقي مواقف داخل الجامعة, إلا لو جيت مرة بدري

ولازم تصريح عشان تدخل المواقف الداخلية,

عشان كدا اغلب الشباب يوقفو على الشارع الرئيسي قدام الهندسة

اول اسبوع يكونو فاكين البوابة ومافيها امن, لكن من ثاني اسبوع يطلبو اي احد داخل التصريح

والتصريح يكون معدلك فوق الـ 4 ومعاك رخصة عشان تطلعه

10 دقايق تكفي من مبنى لمنبى لكن تكون قريبة من بعض, انتا انتبه للشيء دا في جدولك لما تسويه

يعني مثلا الـ ie200 في مبنى 81 اعتقد وبعدها اقتصاد في مبنى 79, مبنى الاقتصاد ورا 81 مباشرة

بعدين مثلا الماث,, الماث والفيزياء دايما في مبنى 40 او 44, اثنينهم ملاصقين لبعض ويبعدو عن 79 و 81

تقريباً 5 دقايق, ومثلا بعدها عندك معمل فيزياء او كيمياء, يبعد 3 دقايق عن مبنى 40 او 44

زي كدا

2 / يوم نسجل آلموآد و نزبط آلجدول و خلصصنـآ , يحتآج نروح للشؤون و نسجل آسمآءنـآ بـ شيء ولـآ شيء !

لما تسجل اسمك في الاودس خلاص انحطيت في السجل, لكن لو المادة فيها نظري وعملي

لازم تروح العملي عشان تعرف انتا عند مين وكدا

مواد زي المعامل لااازم تروح اول يوم عشان تشوف انت في معمل مين بالضبط, لكن اسمك متسجل وكل شي

3 / بـ آوقآت آلدوريآت أو آلميجور على قولتكمم , يعطوننـآ آجآزة حق آسبوع نذآكر فيهـآ ولـآ مع نفسنـآ و كبرنـآ على آلشغلة ذي هههههههه !؟

هذا اللي يحرق الدم, الترم اللي راح كان دوامو يوم السبت يبدأ 8 وينتهي 6, بسبب الرسم الهندسي كان جدولي ضغط

وبكل ظرافة كانو اي ميجورات يحطوها يوم السبت .. ويحطوها في الليل يعني على 10

اتخيل تداوم تقريباً 11 ساعة وبعدين تقعد في الجامعة كمان 3 او 4 ساعات عشان تختبر ...

100% رح تطبخ, انا كنت احس نفسي دايخ في الاختبارات ومصدع.. ف خلي دوامك خفيف

ولا تضغط نفسك في يوم من الايام يعني تخلي الرسم والمعامل في يوم واحد.. لا قسمها على الاسبوع

اما الفاينل فـ يعطوك الوقت كله

4 / هل فيهه يوم تعريفي للتخصصآت آلهندسية - غير آليوم آلهندسي - ؟ و آذآ بس آليوم آلهندسي عآدة يكون بأي ترم ؟

فيه يوم هندسي وعادة يكون في منتصف الترم الثاني

5- المرشد الاكاديمي لمن تجي تتخصص ان شاء الله يكون في مرشد لكل قسم، وظيفته ان ينزلك من عنده مواد من القسم حق

مو الزامي تروحله, ومو ضروري في البداية, لكن بعد ما تخصص يكون احسن لو رحت

لأنه يشوف جدولك ويشوف ايش الباقي من الخطة, ويرتبلك وضعك عشان لا تأجل مواد وتكون مهمة وتورط بعدين

هو مفيد لكن ما طبيت عنده وانا مستجد

,

ربي يوفقكم