الجدول

[livelove]

ســــــلااااام
دحين لوسوينا الجدول كيف نختار الاستاذات
وين موقع الكلية من اي بوابة وأيش أسامي الباصات الي توصل لهناك
أممم المواد اقدر احطها كلها احد وتلوت ومتي اخلص والانقليش كم اسبوع واخلص المستوى
وكيف أوزع المواد بحيث اخلص 1 او 12 مابغي اجلس للظهر 2'3 وأيش أسامي أحسن استاذات التوب مرا في كل المواد وكيف نظام اللبس عارفة كثرت اسئلة بس أنا اول بنت ادخل الجامعة وماعندي احد غيركم

[Joda Majed]

المشاركة الأصلية كتبت بواسطة livelove ســــــلااااام ياهلا وعليكم السلام ورحمه الله وبركاته دحين لوسوينا الجدول كيف نختار الاستاذات الجدول ماتبدئي تتحكمي فيلو الا بالمستوى الثالث لانه حسب بروفايلك انتي دوبك تحضيري ومايمديكِ تختاري استاذاتك بنفسك وين موقع الكلية من اي بوابة وأيش أسامي الباصات الي توصل لهناك ايت كليه قصدك ؟ انتي اساسا تحضيري ولا تخصص ؟ اذا تحضيري فرع السليمانيه ولا السلامه ولا الفيصليه ؟ ولو تخصصك اقتصاد واداره حتدخلي من البوابه الغربيه2 او الشماليه1 اقرب للكليه حقتنا والباصات عندك شركات النقل كثيره زي ابو خالد والمطرف يفيدوكِ البنات الي بيروحو معاهم ولو تحضيري حسب المباني الموضحه بجدولك وبرضو تاكدي انتي بايت فرع أممم المواد اقدر احطها كلها احد وتلوت ومتي اخلص والانقليش كم اسبوع واخلص المستوى باين من هون انك تحضيري ، للاسف ماتقدري تغيري حاجه بالجدول ابدا حتلتزمي فيلو نفسه زي مانزلك من الجامعه والانقلش كل ثلاثه اسابيع اظن وبتخلصي مستوى ، وكيف أوزع المواد بحيث اخلص 1 او 12 مابغي اجلس للظهر 2'3 وأيش أسامي أحسن استاذات التوب مرا في كل المواد قلتلك انتِ تحضيري فمايمديكِ تغيري حاجه وحتلتزمي بالجدول ، بس اقصى حد ان شاءلله 2 والاستاذات انتِ وبختك عاد بس اغلبهم بيتساهلو مع التحضيري مافي حركات لعانه وكذا وكيف نظام اللبس عارفة كثرت اسئلة بس أنا اول بنت ادخل الجامعة وماعندي احد غيركم نظام اللبس مفتوح وبشده ماهو مقيد زي باقي الجامعات مسموحلك تلبسي التنانير كلها بجميع انواعها بس اقصر شي مسموح فيلو نص الساق ومسموح البناطيل على البلايز الطويله ، والالوان لك كامل الحريه فيها ، والبلايز اهم حاجه ماتكون شفافه وخفيفه بزياده وبس

مبروك عليكِ القبول بالجامعه

[livelove]

لا أنا تخصصت إدارة خلصت تحضيري بس قلت امكن الانقليش زي التحضيري مستويات هههههههه الا مصرة أني تحضيري

[livelove]

اممم اول اسبوعين في دوام ولا لا
ابغي شي اكيد

[موفقة يارب]

المشاركة الأصلية كتبت بواسطة livelove لا أنا تخصصت إدارة خلصت تحضيري بس قلت امكن الانقليش زي التحضيري مستويات هههههههه الا مصرة أني تحضيري

.. أهلًا يآ عسل ..

.. كآن بآين من أسئلتك إنك تحضيري

أو مآ قد دخلتي الجآمعة و شوفتي المبآني و كدآ يعني

المشاركة الأصلية كتبت بواسطة livelove ســــــلااااام دحين لوسوينا الجدول كيف نختار الاستاذات .. دحين أول شي رآح ينزل لك جدول و بعدو يجي الحذف و الإضآفة و إنتي ترتبي جدولك زي مآ تبغي تحذفي أو تغيري شي زي مآ تحبي .. و الأستآذآت غآلبًا مآ بتنزل أسمآءهم و مآ تعرفيهم إلآ لمن تدخلي أول كلآس و لو حآبة بعدين تحولي من عندهآ لشعبة تآنية و أستآذة تآنية تقدري في أسبوع الحذف و الإضآفة .. وين موقع الكلية من اي بوابة وأيش أسامي الباصات الي توصل لهناك الكلية في فرع السليمانية جنب المبنى التآلت بس عمومًا الدرآسة محآ تكون فيهآ لإنو مآفي كلآسآت في مبنى الكلية أسآسًآ .. و أقرب بوآبة لهآ بوآبة شمآلية 3 اللي جنب مبنى 420 .. أممم المواد اقدر احطها كلها احد وتلوت ومتي اخلص والانقليش كم اسبوع واخلص المستوى لأ مآ تقدري تحطيهآ كلهآ لإنو مو كل الموآد بتكون فقط أحد و تلوت في موآد مآ بتكون موجودة إلآ سبت و اتين و اربعآء .. و الإنقلش سمستر كآمل مآفي زي التحضيري زيو زي بآقي الموآآد .. * نصيحتي لكِ تمشي ع الخطة أفضل شي إذآ تقدري .. وكيف أوزع المواد بحيث اخلص 1 او 12 مابغي اجلس للظهر 2'3 وأيش أسامي أحسن استاذات التوب مرا في كل المواد وكيف نظام اللبس عارفة كثرت اسئلة بس أنا اول بنت ادخل الجامعة وماعندي احد غيركم الموآد على حسب أوقآت الشُعب و حكآية ترتيب الوقت لمن ينزل جدولك و تشوفيه و تبدأي ترتبي ح تعرفي إش ينآسبك في حدود الشعب المتآحة .. و اللبس نفس مآقآلتلك جودآ (=

.. الله يووفقك يآ حلوة و يسهل لك أموورك ..

[livelove]

ايوا أنا مداخلة السلمانية كنت في الشرفية
طيب اول اسبوعين في دوام ولالا

[_Sora]

ربي يسعدكم موفقة&جودا مررة شكرًا جزاكم الله خير والله
جاوبتوا ع اشياء كتيرة كنت ناوية اسألها :")

[رفيف الروح]

أول اسبوع ما حيكون فيه دوام بس ترتيبات جداول يعني اذا صادفتك مشكلة في جدولك تروحي لكليتك و تستفسري
وكمان اذا بتضيفي ماده حرة برضو تروحي للكيلة وتسألي ( مدري اذا دا الشي تغير مع الاوديس الجديد)
ثاني أسبوع هوا الأساس تداومي لأنو الدوام يكون بدأ إذا ما اعطتكم الدكتورة شي فهذا من عندها وحيكون لمادتها بس

[coOola]

,’

ما قصرت جودي و لا ملكة الحلوة ^^

وزي ما قالت رفيف أول أسبوع لـ ترتيب الجدول و الدوام الفعلي يبدأ ثاني أسبوع ^^

فالنا التوفيق =)

[mesho2011]

بليز اللي اخذوا صيفي من فين ضفتوا المواد الحره من الاودس ولا لازم نروح للجامعه