شرح الرياضيات ( تم تعديل العنوان )

[الزيتونة]

*_______________*
تكملة درس كثيرات الحدود
عرفنا كيف نقول انه هالمعادلة من الدرجة الثانية او الثالثة او اي رقم لمن نختار اكبر رقم في الدرجة اللي هيه خانة الاس
مثال
(3س2-2س+5)+(س2+4س-9)
الرقم اللي تحته خط هذا كله نسميه (حد)
في المثال هذا لو سالتك وقلت من اي درجة كثيرة الحدود هذه ..
علطول نشوف الاس او الدرجة وين اكبر رقم وهنا كثيرة الحدود من الدرجة الثانية
طيب فيه ملاحظات اكتشفتها بعد ماطلعت عيني

الملاحظة الاولي انه كثيرات الحدود ماتاخذ الكسور او الجذور يعني ماممكن نشوف كثيرة حدود عليها كسر او نشوف كثيرة حدود عليها جذر وهنا افتح الكتاب ص 36 وشوف الحالات الخطاء
الملاحظة الثانية انه الاس او الدرجة في كثرات الحدود في حالة الجمع لا تجمع كيف هالكلام راح نفهمة مع الوقت بس لازم نتذكر انه مانجمع الاس في حالة الجمع في كثرات الحدود
اعطيكم مثال
(3س2-2س+5)+(س2+4س-9)
هنا بينهم علامة الجمع
الحين راح نحل اول مسألة في كثيرة الحدود
اشوف كثيرة الحدود وين الاس الاكبر لقيت انها كثيرة حدود من الدرجة الثانية طيب حلو هالكلام النقطة الثانية اجي ارتبهم واحط الحدود المتشابهة بجنب بعض راح تصير
3س2+س2-2س+4س+5-9
ولاتنسون قانون الاشارات راجعوا الدروس الاولى عشان تتذكرونها لانها مهمة هنا
طيب انا رتبت الحد المتشابهة وخليتهم جنب بعض الحين ننتقل للخطوة التالية
بعد مارتبهم وطلعتهم من الاقواس اقووم احل كالتالي وركزي يالزيتونة معاي
الحين احنا قلنا
3س2+س2-2س+4س+5-9
الحين موجب 3وموجب 1 اللي هو تحت السين مش احنا قلنا انه اي سين وحدها فهيه بالحقيقة ماهي وحدها تحتها رقم واحد لانها متغير والواحد يعتبر ثابت
طيب الحين اجمع الثوابت مع بعض
فرقي يالزيتونة انا قلت اجمع الثوابت ماقلت اجمع الدرجة او الاسس
فقط اجمع الثوابت يعني تصير
4س2+2س-4
المتغيرات اذا تشابهت في الجمع اخذ واحد منها فقط وهنا لقيت س2 تكررت مرتين معناته اخذ واحد منهم فقط
لازم نعرف اقسام الحد
يعني لو جاني 4س2
لازم نعرف انه 4 ثابت و س متغير و2 درجة او اس