شباب بنات أنا انقلبت في كلية العلوم بس احترت و أبا معلومات عن التخصصات :(

[miss-besho]

Heeey guys

كيف حالكم ؟ إن شاء الله كلكم كويسيين و طيبين يارب


كنت بستفسر عن التخصصات وكدا


كنت متمنيا طب او هندسة بس ما انقلبت و حطوني في كلية العلوم
بصراحا مررا ما حبيت الكلية ولا ارتحت مني حاسا انو دا مكاني وحقد ابدع فيلو


الحمد لله راضيا بقدري والخيرة في يد رب العالمين
المهم
فتحو التخصصات حقت كلية العلوم
-فيزيا فلكيه
-فيزيا علوم
-ريضيات فلكية
-رياضيات علوم
-احياء
-كيميا علوم
-كيميا حيوية


أيش الفرق بين الكيميا الحيويه و كيميا علوم ؟ و هل تفرق لو قررت أخد ماستر هندسة كيميائية ؟


أيش تنصحوني ادخل ؟ أبا شي لو مستقبل وكدا لأنو سمعت انو الكيميا الحيوية مالها وظائف في الديوان وما بيعترفو انو بياخدو مختبرات وكدا و مدري أيش ؟ و اغلبية اللي بيتخرجو يشتغلو في مصانع أدوية برواتب مو مررا كويسة


والفيزياء أيش تفرق عن الفيزيا الفلكية ؟ وهل تفرق لو مثلن قررت أخد ماستر فيزيا طبية ؟


الله يسعدكم و يوفقكم في حياتكم يارب اللي يعرف شي يقولي مرررررا حاسا نفسي ضايعا ومني عارفا أيش اعمل 💔😔




و شكرن و الله يوفق الجميع

[eng-alqaidy]

إذا حددتي خلاص ميولك هو كيمياء فنصيحة أدخلي كيمياء عامة تفتح لك مجالات أكثر من الكيمياء الحيوية

محصورة كثير وهناك مشكلة بديوان الخدمة لي زميل من الزملاء خريج كيمياء حيوية عام 1427 الى الان ماتم

توظيفه بالديوان اعتقد فيه مشكله بالمسمى,,,

[miss-besho]

مشكوووور الله يعطيك العافيا يارب ويفتح لك ويفتح عليك


طب لو درست كيميا عامة مداني أخد ماستر هندسة كيميائية او هندسة بوليمرات ؟


باللهي اللي يعرف يفيدني


والله مني عارفا أيش أبغى ؛( خليها على ربك بس

[eng-alqaidy]

المشاركة الأصلية كتبت بواسطة miss-besho مشكوووور الله يعطيك العافيا يارب ويفتح لك ويفتح عليك طب لو درست كيميا عامة مداني أخد ماستر هندسة كيميائية او هندسة بوليمرات ؟ باللهي اللي يعرف يفيدني والله مني عارفا أيش أبغى ؛( خليها على ربك بس

هلا بك لاشكر على واجب بالنسبة للإستطاعتك لتكملة الماجستير في الهندسة الكيميائية تستطيعي في


كلا الحالتين إن كان الكيمياء العامة أو الكيمياء الحيوية أنا بعطيك شروط القبول في ماجستير الهندسة


... الكيميائية...

التخصص المطلوب في مرحلة البكالوريوس:- لابد يكون واحد من هذي التخصصات


الهندسة الكيميائية--الهندسة الميكانيكية-الكيمياء بجميع تخصصاتها-الهندسة النووية-الهندسة الحرارية


المعدل المطلوب:- جيد مرتفع



اختبار المفاضلة:- يوجد



اختبار القدرات:- غير مطلوب



اختبار اللغة الانجليزية:- مطلوب توفل 400 أو ما يعادله أو اختبار ستيب لابد من الحصول على 52%



موافقة جهة العمل:- مطلوبة



نوع البرنامج:- عام (يعني إنتظام من غير تكاليف وبمكافئة)



الفئة المسموح لهم بالتقديم:- السعوديين وغير السعوديين


وهذا رابط الجامعة للقبول بالدراسات العليا وشروط القبول لماجستير الهندسة الكيميائية وهندسة المواد

http://graduatestudies.kau.edu.sa/co...=AR&cid=116439

بارك الله فيك,,,

[miss-besho]

الله يعطيك العافيا يارب تعبتك معايا مشكووور والله ما قصرت
وإن شاء الله اللي في الخير ربي يجيبو


الله يسسرلك أمورك ويجعل الجنه دارك و مستقرك ومين تحب

[eng-alqaidy]

المشاركة الأصلية كتبت بواسطة miss-besho الله يعطيك العافيا يارب تعبتك معايا مشكووور والله ما قصرت وإن شاء الله اللي في الخير ربي يجيبو الله يسسرلك أمورك ويجعل الجنه دارك و مستقرك ومين تحب

//

الله يعافيك يارب والناس للناس وأنا أخوك


آمين

[prince MoOody]

بمااا اني طالب بكليه العلوم ابي استفسر عن بعض المعلومات
كيف ناخذ ماستر بالهندسه الكيميائيه ونحنا اصلا مو في كليه الهندسه في كليه العلوم ممكن تفيدوني ؟؟

[eng-alqaidy]

المشاركة الأصلية كتبت بواسطة prince mooody بمااا اني طالب بكليه العلوم ابي استفسر عن بعض المعلومات كيف ناخذ ماستر بالهندسه الكيميائيه ونحنا اصلا مو في كليه الهندسه في كليه العلوم ممكن تفيدوني ؟؟

هلا بك أخوي

إذا كان تخصصك بالبكاوريوس من كلية العلوم كيمياء بجميع تخصصتها فتستطيع

أدخل على الرابط القبول بالدراسات العليا واضح كل شي الماجستير تقدر تغير التخصص وبعض

الاحيان يكون عليك مايسموه بالمواد التكميلية

واحد من زملائي بكالوريوس هندسة صناعية كمل ماجستير هندسة صناعية الان قبل دكتوراة هندسة

مدنية

[بيو كيميائية ^_^]

أختي الفلكـ هذول حق الأولاد بس

الكيمياء الحيوية عن الإنسان بس هنا مافيه مجالات مو مثل برا يهتمون فينا

وتقدرين تكملي هندسة كيميائية فيه وحدة قالت لنا عنها الدكتورة أخذت ماستر هندسة كيميائية


عندكـ كيمياء وظائفه أكثر مننا

وإحصاء فيه له وظائف كمان

لو تشرفينا العلوم وتسألي أفضل من هنا :)

وعلى فكرة تقدرين تبدعين في العـلوم

[بيو كيميائية ^_^]

المشاركة الأصلية كتبت بواسطة eng-alqaidy هلا بك لاشكر على واجب بالنسبة للإستطاعتك لتكملة الماجستير في الهندسة الكيميائية تستطيعي في كلا الحالتين إن كان الكيمياء العامة أو الكيمياء الحيوية أنا بعطيك شروط القبول في ماجستير الهندسة ... الكيميائية... التخصص المطلوب في مرحلة البكالوريوس:- لابد يكون واحد من هذي التخصصات الهندسة الكيميائية--الهندسة الميكانيكية-الكيمياء بجميع تخصصاتها-الهندسة النووية-الهندسة الحرارية المعدل المطلوب:- جيد مرتفع اختبار المفاضلة:- يوجد اختبار القدرات:- غير مطلوب اختبار اللغة الانجليزية:- مطلوب توفل 400 أو ما يعادله أو اختبار ستيب لابد من الحصول على 52% موافقة جهة العمل:- مطلوبة نوع البرنامج:- عام (يعني إنتظام من غير تكاليف وبمكافئة) الفئة المسموح لهم بالتقديم:- السعوديين وغير السعوديين وهذا رابط الجامعة للقبول بالدراسات العليا وشروط القبول لماجستير الهندسة الكيميائية وهندسة المواد http://graduatestudies.kau.edu.sa/co...=ar&cid=116439 بارك الله فيك,,,

توني أعرف إن فيه ماستر هندسة للبنات

وشروطه حلوة

شكلي بفكر فيه

بس سؤال إختبار المفاضلة ايش الكتب اللي أراجعها عشان أعدي الإختبار وأقبل فيه