ليش؟ ،،

[rubi]

السلام عليكم

كيفكم بشهر الصيام اللي ماشد حيله فالبداية خلاص عدا النص وبقي النص باذن الله 


المهم،،،

برايكم هل العرب فقدوا القدرة علي ابتكار برامج جديدة؟؟!

ليش دايما كوبي وبيست !!؟
ستار اكادمي- اراب قوت تالنت- ارب ايدول- احسن مصمم ازياء،،،،،،، عددوا الباقي لين بكرة

وليش اغلب برامجنا السعودية عن( انتقاد وسخرية بطريقة النكتة)
علي الطاير- ايش اللي- هاشتاق - برودكاست شو- واشيا غيرها كتيرة اللي مانشهرو واللي اصلا خلاص ماصرنا نفتح المقاطع حقتهم

ليش كمية البرامج دي وايش وراها ،،، معقولة كلللللللهم هدفهم سامي وبناء( انتقاد سلوكيات عشان الناس ماتسويها)

ولا بس عشان الشهرة وتسيرو معروفين تقومو تعطو دي الصورة عننا بلاد الحرمين

اكتر من مرة صرت اشوف تعليقات في اليوتيوب ( طفشنا من برامج الانتقاد)

لدرجة جا بزر مسمي البرنامج وش تحس بوه ولا مدرش الاسم وطلع يقلد اللي شايفو من الكبار

انت او انتي تخيل في دولة بحجم السعودية وفيها اعظم مسجدين بيطلع من شبابها مليون برنامج ينتقد ينتقد احيانا بالسب زي كلاش واحيانا باسلوب النكتة والتريقة

الخلاصة

متى نلبس لبسنا مو لبس غيرنا.....

ايش تعليقك على ما كتب اعلاه

[عموريAHLI]

لأنهم فاضيين وكسلانين

وبعدين مافي شيئ في السعوية يستحق المدح !

اذا بتمدح عليك ان تطبّل فقط وتعيش حياتك

[مى جده]

وعليكم السلام والرحمة الله ورباكتة وكل سنة وانتى بخير وصحة وسلامة وتقبل الله منك صايمك وقيامك
انا اعتقد ان السعوديه ماصارت او اهملت جانب البرامج وصار كل برنامج زي ماذكرتي ينص على السخرية وهدف اي مسلسل سعودي النكته والسخرية من اي قضايا اجتماعية بصراحة ما انكر في برامج زي خواطر هذة برنامج هادف بي معنى الكلمة برنامج كلو فيه قيم ويستحق وبجدارة الجميع مشاهدتو اما البرامج الساقطمة زي الستار اكاديمي يخسرو الناس مسجات وخرابيط على شي تافه لو برنامج ديني انا اقسم مايكون نسبه المشاهدة زي مايشاهدون استار اكاديمي ومتحمسين عليه زي برنامج ديني بس ايش نقول انا شي يقهرني في اليوتيوب في حكاية التعاليق سخرة وقله اداب ماشفتها في حياتي استغفر الله حتى في رمضان ماخلو التعاليقات الماسخة حقتهم واحب ان اسجل براءتي من هذه السفاهات وهذا الانحراف الديني والاجتماعي الذي يشاهده مجتمعنا السعودي على مدار العام ويجتمع بقضه وقضيضه في الشهر الفضيل .
وأؤكد أنه ان كان الاصلاح سيأتي على يد الفاسدين فلن يكون هو الاصلاح الذي نريده .
نريد ايقاف مثل هذه السفاهات والتهكم والتشويه للمجتمع من قبل شرذمة قلة قليلة لا تمثلنا انما تمثل شخوصها السيئة .وموضووووعك ياروبي يستحق النقاش يعطيكي العافية يارب ويسلمك يدكـــ موضوع جدا جميل

[A.r.s]

النقد اسهل طريقة للشهرة

[gzl GZLAN]

فضفضه اجتماعيه مو قادرين يغيرو الوضع فبينتقدو ببرامج غير مكلفه وبنفس الوقت الشباب بالذات الفراغ مضيعهم لو يلاقو استغلال في محلو رح يبدعوو كتيييرررر بصراحه العيشه روتينيه مافي تحسن للافضل انا اشوف الشي الي بيتحسن الدهب بيرتفع ليه مسلم ينطق ويقلي ليه

[زمردة 2009]

والله أنا مع الإنتقاد بكل قوه

لأننا مانستاهل المدح والثناء والتمجيد والتبجيل

على الأقل تخرج مثل هالبرامج مكنونات المواطن في قالب جميل

مع العلم إني أعترض على بعضها سواءً في طريقة العرض أو الموسيقى أو ماشابه

[سملّق :)]

اذا بطلت الناس تتابعهم .. راح يفهمون الوضع

الجمهور هم الحكم في كل شيء ... اللي هم الناس .. الشعب





راح يبطل فايز المالكي يجيب لي مواضيع من كتاب الوطنية للثالث متوسط !


وراح يبطل العسيري انتاج المسلسلات بغرض الربح المادي واستعراض النساء لجذب المشاهد بغض النظر عن جوهر العمل !

وراح يبطل حبيب الحبيب الرقص مع " المتعريات اللبنانيات " ... ويسوق امها بعدين ويقول هذا " عمل انساني !!! "


وراح يبطل داوود حسين + حسن البلام .. محاولات نشر الثقافة الايرانية ودس السم في العسل بغرض " الكوميديا "


وراح يبطل بدر صالح ، مطاردة مقاطع البزران اللي في اليوتيوب ويطلع يتميلح هو وشعره الأبيض ويقول

( ياجماعة كذا مايسير ...!! ) << والله ياخي مدري اضحك لك ام عليك !


وراح يبطل فراس بقنة يتميلح ويسوي انه " أحمد الشقيري " القاااادم .. ومسوي لي فيها انساني
( اجل عامل نظافة ويلبس لي بدلـة تكلفتها حوالي 350 ريال !! ونظارة ايطاليه تكلفتها حوالي 250 ريال ) ههههه

اصلاً راتب عامل النظافة لشهر كامل .. ماراح يكفي لهذي الاغراض !




وراح يبطل الغبي السامج الاههههبل اللي يجي في برنامج صاحي .. الولد الدب اللي يجي يتكلم عن الكورة
ويتكلم عنها وكأن أكبر همومنا تتلخص في ( نادي رعاية الشباب )!!؟

اللي يشوف الرجل هذا ، يحلف ان أكبر مصائب وهموم الشارع السعودي تتلخص في ( رعاية الشباب ) !




وراح يبطل عمر حسين يتسمج على حساب رجال الدين .. عشان " سبسكرايب " او " لايك "
ويبطل محاولات نشر ثقافة الفكر العلماني المدسوسة في مقاطعه

(( انا اعلم انه ربما لا يدري الرجل .. لكن يجب تنبيهه ))




وراح تشوفين تحسييييييييينات كثيرة .... فقط هو كل ما عليك ان تفعلــه " عزيزي القارئ " شيء واحد فقط وسهل جداً



(( لا تعطي هالاشياء اهتمام )) فقط

.........................


ماراح اقول لك قاطعها .. لان الضاهر كلمة (مقاطعة) اصبحت زي " صباح الخير " في بلدنا

تنقال بس ماينعرف وش معناها !! خخخخخخ



لكن اقول لك .. ( فقط لاتعطيها اهتمام ) ........ شوفها واضحك عليها .. ولكن لا تتابع باستمرار


خل هذي الاشياء مجرد كماليات في حياتك ماهي مهمة .. اذاا انت فاضي شوفها اذا مو فاضي في ستين داهيه



هذا الحل وجزاك الله خير على طرح الموضوع

وجزاني الله خير على اني جبت لكم الحل :)

[Aowedh Alsolmi]

والله هذا الموجود , الآن الجيل كل شيء ماهو بعاجبه ومعه حق ..

ولاوزارة ناجحه وولا مسئول مخلص يخاف الله الا ماندر ..

الله يوفقهم , واذا فيه شيء يستاهل الثناء والذكر فهو ينشر ويتكلم عنه ..

[S.Bn]

في برامج مفيدة

اما في برامج مدري اش تبا بالضبط

تبانا نضحك بس لكن مالها فائدة

[توونآ]

برامج التلفزيون ارب قوت تالنت او ارب ايدول او مصممي الازياء
برامج اكتشاف مواهب فيه منه نسخه امريكية بريطانية هندية كورية ووو
والكل يفخر بوجود هذه المواهب الا نحن
استبعد منها ستار اكاديمي طبعا
اما بعض برامج اليوتيوب كانت كبداية شئ جديد مو متعود عليه انتقاد بقالب كوميدي
لكن اعتقد انهم اعطوا كل ماعندهم ودحين وصلوا لمرحله ماقدروا يطوروا نفسهم اكثر

____

اخ سملق ما تحس انك جمعت الصالح والطالح كلهم في كفة وحده !
وبعدين لمتى حنجلس نحطم في افكار الشباب والبنات ؟؟
واذا فيه سامجين على اليوتيوب بالمقابل في شباب اصحاب همم ينتظرون الدعم فقط مو التحطيم