استفسار مهم ....

[ريتشارد]

المشاركة الأصلية كتبت بواسطة مهند عسيري المهم انا محتار جدا هل السنة التحضيرية سهلة واقدر ادخل طب اسنان بسهولة ولا لا

انت من يحدد إذا كانت سهلة او صعبة
بإجتهادك تمشي امورك زي العسل إلى نهاية السنة
وبتقصيرك بتشوفها صعبة وتعجيزية و إلخ ..

ولا يغرك ان النسبة وقفت على 84 ،
انت اعمل اللي عليك وغض النظر عن نسب التخصصات
ثلاثة من اللي اعرفهم بالتحضيري كانوا حاطين عينهم ع الطب البشري
وقالوا إذا ما انقبلنا ندخل اسنان لأنو النسبة للسنة الماضية بس 79
وبالأخير ما انقبلوا لا هنا ولا هناك
تعرف ليش ؟ لأنهم تخاذلوا وما حطوا عينهم على الـ 100

ما فيه شيء يجي بالساهل
وخذها مني ما راح تدخل طب الاسنان وانت مغمض
كل الاخوان والاخوات اللي انقبلوا بالتخصصات اللي يتمنوها مروا بمراحل
اعتذر عن ذكرها حتى ما طول عليك


بالمختصر ، ابذل السبب
الله أمر سيدتنا مريم أن تبذل السبب بهزها لجذع النخلة وهي في حالة ولادة
وهو قادر ان يسخر كل هذي الاشياء بدون جهد
لكن الله يطلب منا أن نعمل
فأنت تعمل اللي عليك والتوفيق منه سبحانه .