بين الصداقه والم الحزن شعره

[طقوس ..~]

التجمع

[دلوعه]

بدون مقدمات
اللي تسويه غلط 100%
أنا أعز صديقاتي ،،، خانتني
اعترفتلي بغلطها
سامحتها
بس ماصرت أثق فيها زي أول
بس تفضل أعز صديقة عندي

لكن تعلمت درس مهم
أنك لا تثق في أحد مهما كان درجة قربه لك

بعدين
كيف تثق في أشخاص
مالك معاهم غير 6 أشهر
المدة جداً قصيرة

وأخيراً
لو أنا مكانك
ما راح أندم
لأني تعلمت درس ما عمري أنساه

وراح أحاول أتعرف أكثر
علشان أنسى حزني
وأشغل نفسي بأصحاب أكثر

لك فائق احترامي
ومعليش لو أني دخلت دغري
واسترسلت بكلامي

بس والله ما تكلمت
إلا من حرقة قلبي
لأني ما أحب أشوف أحد يستسلم بسرعة

الدنيا تجارب
ولازم نخوضها بحلوها ومرها

شكلي حسترسل مرة تانية
يالله أبغى أشوف ردك
اللي يفرفح الألب

[LucKy LAD]

المشاركة الأصلية كتبت بواسطة دلوعه بدون مقدمات اللي تسويه غلط 100% أنا أعز صديقاتي ،،، خانتني اعترفتلي بغلطها سامحتها بس ماصرت أثق فيها زي أول بس تفضل أعز صديقة عندي لكن تعلمت درس مهم أنك لا تثق في أحد مهما كان درجة قربه لك بعدين كيف تثق في أشخاص مالك معاهم غير 6 أشهر المدة جداً قصيرة وأخيراً لو أنا مكانك ما راح أندم لأني تعلمت درس ما عمري أنساه وراح أحاول أتعرف أكثر علشان أنسى حزني وأشغل نفسي بأصحاب أكثر لك فائق احترامي ومعليش لو أني دخلت دغري واسترسلت بكلامي بس والله ما تكلمت إلا من حرقة قلبي لأني ما أحب أشوف أحد يستسلم بسرعة الدنيا تجارب ولازم نخوضها بحلوها ومرها شكلي حسترسل مرة تانية يالله أبغى أشوف ردك اللي يفرفح الألب

دلوعه
اول شي شكرا على قراءة الموضوع وردك
الشي الثاني
انا قصدت بالمده 6 شهور المده اللي بعد ماتركتهم
ولا كانو اصدقائي من 9 سنين تقريبا
انا ما سرت اثق في احد بعدها لكن يوجد شخص واحد حثق فيه حتى لو تركني او جرحني
ان شاء الله حاسمع نصيحتك وحابحث عن اصدقاء حقيقين
ولكن الى ذلك الوقت لن اثق الا في القليل

حخوض الحياه بكل تجاربها وحأضحي مره واتنين وثلاثه اليم ما احصل صديق
بس كنت على بعد شعره من شخص لكن للاسف ما اقدر اخلي الناس تحبني بالقوه

شكرا مجددا واتمنى انو ردي يوصل لكي وللشخص زي ما حبيت انا انو يوصل

لي عوده

[.,.نيــــــــــــــــــــران.,.]

قريت الالم في كلامك :(

عيوني دمعت والله..

مااعرف ايش اقولك!!

انا معاك انك مايأست وتدور اصحاب للنهاية لان "الرفيق قبل الطريق"

و9 سنوات تعتبر عـــــــــــــمر :(

قصة انه ليش اصاحب صديقي مع اني مااقدر اكون صديقه هذا اصعب موقف خصوصا اذا فيه في العلاقة حب وتفاني عشان الثاني.. عشان كذه حتتحمله حتى لو ماتنفعون بعض او مشاكلكم كثير لان اللي يجمعك فيه اكبر بكثير من اللي يفرقك عنه..!!

لكن الظروف أحيانا تكون أقوى وألعن وساعتها لابد من الفراق

مين اصلا يتمنى الفراق؟؟

انت محظوظ في حاجة وحدة:


إنك اتعلمت الدرس مرتين


وهذي ترى حاجة حلوة رغم ان ظاهرها مو حلو

لكن صدقني انت حتكون حذر وماحترضى تبتذل مشاعرك بعد كذه بسهولة

اختار صاحب الموقف ولاتختار صاحب الكلمة أو اختار الاثنين مع بعض"الكلمة مع الموقف"
أما كلام يكون مصيره الريح هذا بله واشرب مويته

أتمنالك حياة سعيدة وان شالله تلاقي اللي يستاهلك وتستاهله

تحياتي لك

أختك

[امل الكون]

اخويا زياد كلامك اثر فيا مره وجالسه ابكي والله يحقلك اللي تسويه
واكثر ويحقلك ماتثق في احد بس بقولك حاجه هل ابتعادك عن المنتدى بيرجعهم
زي اول والا راح يرجع اللي فات قلتلك ياقلبوو انسى اللي صار وارمي الماضي
ورا ظهرك ولايغرك كلام الحساد وواصل طريقك وانت رافع الراس لو ان الحياه بتوقف
عشان صديق كان اقولك سوي اللي تسويه بس الحياه بتستمر انت راح تعيش على الماضي
واللي خانك او جرحك بينساك وانت لازم تنسى لازم تواجه الصعوبات هاذي والا بعدين ماراح تقدر
تمشي امورك تمام...فهمتني زياد اتمنى يكون كلامي وصلك ولو اقدر اخليك ترجع زي اول واحسن
ادري ثقلت عليك بكلامي وقسيت عليك بس والله اني اعتبرك مثل اخويا واللي يضرك يضرني ابدا مااحب
اشوف اخوان ليا في المنتدى يعانوا وانا لا ياليت تفكر في كلامي وكلام الاعضاء اللي يحبوك اكثر مني وترجع لهم


تحياتي واحترامي الشديد لك
اختك غرام

[دلوعه]

مشكور لأنك رديت وتقبلت كلامي بصدر رحب

وراح أقولك مليون مرة

لا وألف لا للثقة المفرطة
تق في أصحابك بس بحدود

الحد اللي ما يخليهم في يوم يجروحك

بسبب ثقتك بيهم

ومو لازم تضحي علشان تتعلم
يكفي اللي ضحيته

دحين لازم تتعلم بدون ما تضحي

وأفعالك هيا اللي تخلي الناس تحبك

خليك قريب منهم كلهم
اسمعهم
انصحهم
شاركهم كل شي
ضحكهم وحزنهم

وبدل ما يكون عندك صديق او اتنين

حيصير عندك كومة أصدقاء

ومع العشرة حتصير صداقتكم أقوى

وبعدين تعاااال

نحنا اش دخلنا
تسيبنا علشانهم خانوك

ترى أنا ماصرت أضحك
وأفرفش غير لما شاركت في المنتدى >> دعاية
وكنت أول على طول مكتئبة لأني اكتم في نفسي

هنا لما تشكي تلاقي مين يسمعك
وينصحك

فلذلك أياك أن تتركنا

نحنُ معك قلباً وقالباً

تحياتي

[كيتا الكتكوته]

المشاركة الأصلية كتبت بواسطة lucky lad بطه .....................................

؟؟؟؟؟؟؟؟؟؟؟

المشاركة الأصلية كتبت بواسطة lucky lad بس كنت على بعد شعره من شخص لكن للاسف ما اقدر اخلي الناس تحبني بالقوه شكرا مجددا واتمنى انو ردي يوصل لكي وللشخص زي ما حبيت انا انو يوصل

شخصيتك الرائعه هيا تخلي الناس يحبوك
بس احيانا ظروف الحياه تضطر الشخص انو يسوي اشياء غصبا عنو
انتا عاقل وعارف انو الي اصحابك سوو كان صح
المفروض ما تزعل
وزي ما قولتلك احنا هنا في المنتدى اخوانك ودايما معاك

[LucKy LAD]

نيران - امل الكون - دلوعه
جزاكم الله الف خير وحاكون في المنتدى بس مو زي اول لكن ان شاء الله حكون موجود

[dr.hope]

لاكي

حرام عليك خليت الناس تبكي

انا ارجع واقول ان الصداقة والمحبة اذا ما كانت في الله مستحيل تنجح

وزي ما قالوا نحنا هنا اخوانك في كل شي

اتمنى انك ما تترك المنتدى عشان الاعضاء اللي وقفوا معاك

حاول تفكر بالعقل والمنطق ..

[Miss stat]

المشاركة الأصلية كتبت بواسطة كيتا الكتكوته ؟؟؟؟؟؟؟؟؟؟؟ شخصيتك الرائعه هيا تخلي الناس يحبوك بس احيانا ظروف الحياه تضطر الشخص انو يسوي اشياء غصبا عنو انتا عاقل وعارف انو الي اصحابك سوو كان صح المفروض ما تزعل وزي ما قولتلك احنا هنا في المنتدى اخوانك ودايما معاك

حاسه انه في ناس متجاوزة حدودها في الردود