تجمع الحاسوبين والحاسوبيات المستجدين =)

[ATJ]

للأسف ما عندي العلم الكافي عشان اجاوب على جميع استفساراتك لكن باجاوبك عن نقطتين من وجهة نظري أنا
اول نقطه بخصوص الشخص الي حطمك الي يقول مثلاً اذا مالك فالبرمجه ابعدي عن الاي تي .. بصراحه انا ما عندي علم كافي عن الاي تي و أيش مواده بالضبط ولكن ممكن هالشخص الي حكم بهالشي مر بضروف خلته يفهم هالنقطه من وجهة نظره هو ان اي شخص يدرس أي تي لازم يكون محترف برمجه مثلاً .. انا ما اتكلم عن الاي تي بالضبط ولكن الي ابغى اوضحه لك لا تخلين وجهة نظر شخص تغير لك مستقبلك و تلعب فيه

و النقطه الثانيه هل ممكن أي شخص ما يفهم شي فالبرمجه يدرس فـ الجامعه و يكون مبرمج محترف:
اولاً .. احنا جايين الجامعه عشان نتعلم مو عشان نختبر انفسنا .. فالسنه التحضيريه اشخاص ما كانو يعرفون الحروف بدأو من ليفل 1 و خلصو ليفل 4 و الان ما شاء الله انقليزيتهم ممتازه .. لأنهم كانو يبغون يتعلمون
اذا انتي هاويه البرمجه بتشوفينها سهله جداً و هالكلام يمشي على كل شي فالحياه .. لو انتي 0 فالبرمجه ولك رغبه تتعلمين راح تتعلمين و تصيرين الي تتمنينه .. ولكن لو قلتي انا ما افهم شي انا ما اعرف للبرمجه انا فاشله ( لا قدر الله ) ما راح تتعلمين البرمجه ابداً .. و بالمناسبه افضل شي فالبرمجه التطبيق الدائم .. يعني اخذتي درس جافا او شي طبقيه مره و اثنان و ثلاثه الين ما تتقنينه و يصير روتين .. اعطيك مثال سريع : الشخص المتقن لكتابه الكيبورد مثلاً .. يكتب بسرعه و بدون ما يطالع .. الشخص الي ما يتقن هالشي بيشوفه شي عجييييب و صعب لكن لو تلاحظون احنا اتقناها بدون ما ندري اصلاً لأننا كنا نمارس شي نحبه مثل الماسنجر و هالاشياء

اذا حسيتي كلامي لخبطك باختصر النقطتين بجملتين

اولاً : لا تخلي أي شخص يحطمك و يلعب فـ مستقبلك
ثانياً : الشيء اذا حبيتيه راح تتقنيه

و اعتذر على الاطاله