الموضوع خرج عن السيطره والان الجاء لكم بعد الله ابي (((حل عاجل))))

[عاالي مستواه]

السلام عليكم

زي ما هو واضح انا رجال وصلت حدي من هالاودس والانظمه الجديده اللي فيها من الاخطاء ما الله به عليم . ياخي دام انكم بتغيرون النظام ادرسوه بالاول ونقحوه من الاخطاء همن نزلوه نجلس نتعلم فيه الين نفهمه الخين بالله كم مشكله صارت من فتح ب

ما علينا

انا سجلت مادتين صيفي بالحذف والاضافه وباقي ماده ودي اخليهم يضيفون لي ماده مغلقه شعبتها المشكله ما بعد سددت المبلغ اروح للصراف يطلع لي المبلغ 3000 ريال ولكن يقول لا يمكن انا ناخذ فلوسك الحين الين نذلك يا يا طالب الجامعه الموقره يا خريج يا خريج يا يا ولا منيب قايل كل هذا كلام الصراف الالي المهم الحين حاولت وقرات كل المنتديات وكل الردود ولا انحل شي ودقيت على الجامعه ههههههههه اول مره اشوف سنترال ما يردون يقولون انتظر وسيجيبك ........ بليز ويت

المهم المهم اني لجات لله ثم لكم يا زملائي ابي حد ياخذ بيدي الى بر الامان لان الوقت داهمني واخر شي 28-8 ينتهي الحذف

تكفووووووووووووووووووووووووووووووووووووون يا جامعه خذوووووووا فلوسي تكفون ودي اتخرج خلاااااااااص مليت
واذا ودكم اكتب تعهد اني ما ادرس عنكم ماستر ابشروا بكتب لكم


الله يوفق من ياتيني بالحل لهل المعضله لانها والله ارقتني

[وطن.!]

طيب من ماسكك عن السداد !!
سجل اي مواد وانا اخوك وبعدها سدد المبلغ
وبعدين عدل زي ماتبي احذف وضف حسب المواد اللي معك
واذا صار عندك اي مشكله ارسلي وانا اراجعهم لك ، وابشر بعزك

[عاالي مستواه]

كفوووووووووووو قلبي يا وطن لبى قلبك


انابالفعل سجلت مادتين ولكن ونزلت لي الرسوم في الصراف وفي المباشر وفي الهاتف المصرفي وككل ما جيت اسدد يقولي لا يمكن السداد الان وفي المياشر يقول خطاء رقم 999
ومشكور يالغالي لاهتمامك

[خالد بن منصور]

اخوي عالي المستوى
انا صارت معي نفس المشكله وصرت اشيك الين قبلت معي الصرافه
فا انت شيك كل يوم لعلها تفرج يارب

[وطن.!]

المشاركة الأصلية كتبت بواسطة عاالي مستواه كفوووووووووووو قلبي يا وطن لبى قلبك انابالفعل سجلت مادتين ولكن ونزلت لي الرسوم في الصراف وفي المباشر وفي الهاتف المصرفي وككل ما جيت اسدد يقولي لا يمكن السداد الان وفي المياشر يقول خطاء رقم 999 ومشكور يالغالي لاهتمامك

طيب راجع البنك نفسه يمكن المشكله منه ، المهم وانا اخوك انا بالخدمه شف ايش يصير معك وبلغني انا موجود بجده يمكن الي يوم الاحد ويمكن الي العيد هههههه انت ماعليك شف اللي تبيه وابشر بعزك بالفزعه

[عاالي مستواه]

تسلمون على التفاعل يا اخوان انا بخاول واذا مشت معي السالفه ببلغكم الله يعين بس
اخوي وطم لا هنت يالغلا انا معاك على اتصال ان شاء الله لاهنت يالذيب