اللي قدموا على دبلوم العوق البصري ( شرفونا )

[البشرى بعد الأمل]

المشاركة الأصلية كتبت بواسطة كريزي قيرل ايش فائدة دراسة الدبلوم؟ وخلص التسجيل ولا باقي؟ >داخله متاخرة بس جاوبوني ماعندي خلفية

إذا كنتي موظفة واخذتيه
ممكن تطلبي نقل لمدارس التربية الخاصة او معاهدها ... وكمان يرفع في مرتبتك الوظيفية ويحسن من راتبك وهو يعادل الماجستير وظيفيا...

أما اذا كنتي غير موظفة فراح يفيدك في امور عدة خاصة اذا تخصصك في البكالريوس فرصة التوظيف فيه قليل ... ولكن احتياجه في التربية الخاصة وافر ... فهنا ممكن الدبلوم يقرب لك الفرصة الوظيفية بإذن الله تعالى .. بشرط ان تخصصك في البكالريوس يكون مناسب لمسار الاعاقة في التربية الخاصة وفق متطلبات الخدمة المدنية ....مثلا أنا تخصصي تاريخ ... يتوافق معه ( اعاقة بصرية أو اعاقة سمعية ).

والأهم من هذا كله اكيد الدراسة فيه ممتعة وراح تخليك تطلعي على فئة معينة أكثر وتتقربي منهم وتفهميهم ...
/
والله يجعل جميع أعمالنا خالصة لوجهه الكريم ...