خايفة من الجامعة اطلب منكم حل

[AlSAbEi]

السنة التحضيرية !
والله سنة سهلة وموية ومافيها أي صعوبة أبداً..
تذكري إن [ معدلك يتناسب طرديا مع مقدار جهدك ].. فقط !!
تتعبي وتجتهدي أكثر.. يرتفع معدلك أكثر أو أكثر..

وأغلب موادها قد مرت عليك بالثانوي وأخذتيها.. يعني ما فيها أشياء من كوكب آخر !
الإنجليزي سهل وبسيط جداً.. حتى لو كنتي مييييح فيه.. بيبدون يعلمونك من الحروف والأرقام..
وأغلب الطلاب استفادوا كثير منه.. وتحسنت لغتهم بشكل كبير..

المواد بالإنجليزي ؟! طيب وين المشكلة !؟
الشرح حيكون بالعربي.. اللهم بعض المصطلحات البسيطة والأرقام هي اللي بتكون بالإنجليزي..
يعني لاتشيلي هم أبداً..

المادة اللي يمكن تتعبك شوي هي الأحياء.. لأنها كلها حفظ × حفظ..
لكن لو نظمتي وقتك وخصصتي لها وقت يوميا.. بتكون سهلة جداً =)

حطي ببالك إنها سنة وحدة بس وهي اللي بتحدد مستقبلك.. أكرفي نفسك فيها..
اشتري ملخصات أول بأول.. وذاكري من قلبك.. وصدقيني ما حتواجهي أي صعوبة..

والله يوفقك إن شاء الله..