قصة سيرين و طلب تحويلها

[rania.mq]

المشاركة الأصلية كتبت بواسطة خالد9921 لا تنهمي إختي ولا شيء ان شاءالله تحوّلي , إذا إنتي قدّها وربنا كاتبها لك راح تحوّلي للهندسة أهم شي لا يجيك إحباط لأن وراك سير عمل بالحاسبات فيه من نفس سير العمل بالهندسة عندكم مادة ماث 202 بالحاسبات وهذه المادة متطلب ضروري بالسنة الأولى بالهندسة وحتّى التحويل للهندسة يتطلّب ماث 202 ودرجة عالية فيها فـ نزليها الترم الجاي بالحاسبات وشدّي حيلك جيبي 100 فيها الشيء الثاني نزّلي الثقافة والعربي 101 ومدري إذا عندكم بالحاسبات مادة الماتلاب اللي موجودة بالهندسة وإلا لا زبدة كلامي فيه مواد مشتركة بين الحاسبات والهندسة نزليها عشان تختصر عليك الطريق وتنحسب لك لمّا تحوّلي للهندسة أهم شي ركّزي على ماث 202 جيبي فيها درجة عالية كثير لانها متطلب ضروري بالهندسة وللتحويل لها كمان الشي الأخير أنا أوّل مره اسمع بحياتي ان نظام الهندسة مثل الطب سلاااامات !! , أبو البكش والخراط والتحطيم بس خرّاطة هالموظفة تبغاك ترجعي بيتكم وتفتك من رجّتك نظام الطب سنوي معروف لأن طبيعة دراستهم كورسات واختبارات تختلف مليون مرّة عن الكليات الأخرى بما فيها الهندسة أمّا الهندسة نظامها مثل نظام الكلّيات الأخرى خصوصاً بالسنوات الأولى مو كورسات متصلة كالطب الزبدة بكاشة هالموظفة تسوقها عليك بكلمتين والتحويل للهندسة وبقية كل الكليات عدا الطب مفتوح كل ترم إلاّ إذا كان الاولاد يدرسون هندسة من كوكب المرّيخ بنظام زُحل فهذا شي آخر ,, شدّي حيلك راح تتحوّلي ان شاءالله , بالتوفيق

السلام عليكوم .. ممكن اسالك؟
انا ابغى طب و دخلوني تقنيه طبيه.. ممكن تقولي لو في امل احول طب؟ قصدي انو ادرس تقنيه طبيه و اجيب نسبه عاليه و بعدين احول؟ بليز ساعدني؟ شكرا

[خالد9921]

المشاركة الأصلية كتبت بواسطة rania.mq السلام عليكوم .. ممكن اسالك؟ انا ابغى طب و دخلوني تقنيه طبيه.. ممكن تقولي لو في امل احول طب؟ قصدي انو ادرس تقنيه طبيه و اجيب نسبه عاليه و بعدين احول؟ بليز ساعدني؟ شكرا

وعليكم السلام ورحمة الله وبركاته
التقنية الطبية تابعة لكلية العلوم الطبية التطبيقية
فيه امل تحوّلي ومليون امل كمان !
اعرف طلاّب حولوا من التقنية الطبية لكلية الطب ,, وعدد كبير حوّل كمان لطب الأسنان
المعدل المطلوب للتحويل لكلية الطب من التقنية الطبية هو 4.5
وانا اعرف شخص حوّل من تقنية طبية للطب معدله 4.25
لكن انتي شدّي حيلك كويس وجيبي معدّل عالي تعرفي البنات الشطارة أكثر وكذا ,,
أهم شي تشدّي حيلك عالآخر عالآخر
حاولي تطلعي الاولى عالدفعة بالتقنية الطبية ,, ترى سهلة موادها اسهل من الطب بكثيييير بكثييير
وحتتحولي وقتها بالراحة كثير في تخصصك حوّلوا للطب وطب الأسنان اعرفهم شخصياً
اطمّني وابذلي مجهود جبّار راح تتحوّلي ان شاءالله

الشي الآخر كم موزونتك ؟
يمكن الموزونة حقك تدخلك الطب الموازي
لو كانت تدخلك الطب الموازي من بكرة تحولي للطب الموازي ,
ولو عندك فيتامين واو بالراحة تحوّلي للموازي

بالتوفيق لك يارب أفدتك إختي
أهم شي الأمل قدّامك كبير انتي بس ابذلي مجهود وتميّزي بالدفعة حتتحوّلي