تسكنت في كلية العلوم الطبيه التطبيقيه وابغى آعرف عنها معلومات / آحتاج مساعدتكم ؟

[قصة غروب]

المشاركة الأصلية كتبت بواسطة shox2 انا لاحظت كذا مره و كذا شخص كاتب انو اللي يختار الاشعه ما يندم و انو اصعب قسم وفيه رسوب المختبرات لذي الدرجه المختبرات صعبه ؟ وربي محتاره بينهم الاثنين كلهم حلوييييييييييييين الكل يقولي مختبرات و في نفس الوقت يقولو اصعب شي ي رب

الصراحه انا مادري عن الاشعه ان شاء الله اهل الاشعه يفيدونك.
لكن بالنسبه للمختبرات انا باقولك شي مستحيل احد يداوم ويحضر ويذاكر كويس ويرسب او يعيد سنه انا من يوم مادرست ف الكليه ومافي احد كان مجتهد ويذاكر وعاد سنه. ممكن السبب يكون اهمال او ظروف خاصه او شي ثاني غير كذا صدقيني مافي.
وانا اكلمك عن نفسي ما اقولك احد قالي ولا فلان عاد ولا فلان زاد. انا الحمدلله معدلي ما ارتفع الا ف المختبرات.
وانا باقولك لا تدخلي اي قسم علشان الناس يقولوا ويقولوا اهم شي انتي تدخلي شي مقتنعه فيه لان الناس مو هم اللي بيتعبوا ويدرسوا.
وبالنسبه للسهوله والصعوبه, صدقيني مافي شي سهل مهما كان مع احترامي لجميع التخصصات. الواحد لو ما ذاكر وسوى اللي عليه اكيد بيشوف الشي صعب.
والصعوبه والسهوله تعتمد على الدكاتره اللي يوصلوا المعلومه وهنا الفرق لكن كا منهج صدقوني مو صعب لكن تعتمد ع الدكاتره.
ممكن ف بداية الدراسه راح تواجهوا صعوبه ف اللغه وتقولوا المواد صعبه لكن مع الوقت بتتعودوا واذا حبيتوا الشي صدقوني بتبدعوا فيه مهما كان وفي نماذج كثير اعرفها ماشاء الله عليهم.
واوصيكم بالاستخاره قبل كل شي وربي يكتبلكم الخير وين ما تكونوا.
ربي يسعدكم ويوفقكم.
تحياتي..