|| التسكين || عندك مشكلة مع رغبتك ؟ .. تحس انه في واسطة ؟ تعال نحل الموضوع

[su1tan]

وعليكم السلام ورحمة الله

والله لو تبون الحق انا اشوف انكم معطين الموضوع اكبر من حقه وبشكل كبير
انا ما انكر وجود الواسطة لكن الحق ينقال من يوم ولدت وانا اسمع هالكلمة في كل مجلس في موضوع في كل نقاش وفي نفس الوقت ما زالت الدنيا ماشية ولا احنا قادرين نلحق عليها ..يعني كلنا عارفين ان الواسطة موجودة وكذاب اللي يقول مافي واللي يقول طلع لي واحد بواسطة بقول له ياعزيزي اللي يقدر يلعب في نتائج التسكين اكيد بيقدر يلعب في درجة تكتب له على ورقة..ارجع لكلامي كلنا من زمان عارفين بالواسطة وعارفين انها موجودة !!طيب ليش انا اخذ الطريق الفاشل مع احترامي واجلس اتشكى في كل مكان "المفروض اني داخل هالتخصص, راح علي المقعد ظلم...الخ" لكن براي انك امام طريقين بتحقق نجاحك يا انك تحزم نفسك وتشد حيلك وتعالج هالموضوع او على الاقل تحاول او انك تعتبر هالواسطة مجرد عقبة او حاجز عن حلمك وشد حيلك وحطمها وانصح كل شخص يشتري كتاب حكايات كفاح ويشوف قصص نجاح لناس تفوقو على اشياء اكبر من الواسطة ونجحو ياحبذا يعني لو نتجاوز مرحلة التذمر لان هذا هو الواقع الحياة مستحيل تقدم لك على طبق من ذهب لازم تتعب وتجتهد لتحقق حلمك


بالنسبة لموضوع حققت المتطلبات ولا يوجد مقاعد كافية...ما اشوف ان الموضوع فيه شئ غلط يعني الجامعة وضعت عدد معين من المقاعد وفرضت قانون التنافس والافضل بيحصل على مكانه بعد توفيق الله ومو معقولة كل الطلاب يدخلون طب ولا هندسة وباقي الكليات تقفل كل تخصص حسب نوعه ودراسة وصعوبته والله يوفق الجميع ان شاء الله