سلاما لأمنيات كانت ولم تكن !!

[Respect me Respect U]

المشاركة الأصلية كتبت بواسطة maryam.n حبيبتي شوفي انا اييد كلام الاخت روان لكن عندي تعليق على جملة و هي ((الجامعه اعطت بعضنا احلام وبعضنا لا عشان كدا انتي دحين دورك تدوري حلمك )) صدقيني حبيبتي مو الجامعة اللي اعطت ولا الجامعة اللي قسمت الرزق .. ترا دا رب العباد اللي ادرى منك ومني و ادرى وييين مصلحتك ووين الخير لكي ولا تحكمي على شيء الا جربتيه مو عشان اكتر الناس يقولوا ويقولوا على الصيدلة انو اش تشتغلي و الكلام دا اللي سمعناه الف مرة ! شوفي والله لو تفتحي اذنك لدا الكلام والله انك مو بس حتكرهي التخصص الا حتطلقيه حتى لو انتي تعشقيه ! ترا الكلام يأثر اذا فتحتي اذنك للكلام المحبط السئ ! ابغى اسئلك مو انتي استخرتي ؟؟؟ اذا اي ,, معناه ابدا ابدا ابدا لا تزعلى ولا تكدري خاطرك لانك استشرتي للي يعالم الغيب و قلتيله يارب يا خالقي يا مدبر اموري انت الوحيد اللي تعلم الغيب و تعرف اش الخير لي ... واانا توكلت عليك في اختيار تخصصي و انا واثقة فيك و مؤمنة بيك وبقضاءك وقدرك .. فهل بعد هذا ترجعي في كلامك و تعارضي على اللي ربي اختاره لك ؟؟ حبيبتي والله احنا نظرتنا قصيييييييييييرة جداااااااااااا لابعد حد احنا بشر ضعفاء ما نعلم الغيب ولا ندري اش الخير لنا ! صدقيني و ( و عسى ان تكرهوا شيئا و هو خير لكم ) إتأملي في هذه الايه كثير و افهميها ممكن اذا انقبلتي طب ممكن يكون شر عليكي لا سمح الله ! ممكن ما تنجحي فيه ! ممكن في المستقبل البعيد تكوني سبب في قتل مريض بالغلط ! ممكن و ممكن وممكن ............. ! ما تدري ليش ربنا بعده عن طريقك ؟ و بالنسبة للصيدلة و الله انها تخصص رووووووووووووووووووووعة !! و برهـ مقدرينه جدا و حتى هنا بس الناس الفاهمة و هو أساس العلاج .. اشبك يا بنتي انتي الصيدلانية انتي اللي بتخترعي الدوا و العلاجات ! و الله انه عالم روعة و كله ابدااااااااااع ............ وللمعلومية ترا انا قرات من فترة في المنتدى انو يمديكي تكملي و تسيري طبيبة !! ابحثى عن دا الموضوع .. يسير 2 في 1 صيدلانية و طبيبة ابداااع الزبدة .. احنا نكتئب + نزعل + نحسب الدنيا قفلت في وجهنا .. لما نفكر في حدود ضيقة ! و ما نطالع من زوايا اخرى و لا نطالع من خارج الدائرة !>>>طبعا دا كلو من ابليس اللعين ليحزن المؤمن ! وما ندري انو لنا رب كريم يدبر كل امورنا ..يدبر الامور اللي احنا غافلين عنها صغيرها وكبيرها ظاهرها و باطنها لازم تثقي في ربك وانو اللى اخترلك اياه هو الخير لك و هو اكتر شيء يناسبك وفيه سعادتك وقولي اللهم لك الحمد والشكر كما ينبغي لجلال وجهك و عظيم سلطانك لانو غيرك يتمنى مكانك .. و اقرئي اكتر عنو و حاولي تتأقلمي مع وضعك الجديد و شوفي النواحي الايجابية له . و اخر شيء حابة اقلك اذا بعد كل دا لساعك مو مقتنعة و قرأتي عنو و برضو مو مقتنعة ففي كلية ابن سبنا بنات كتييييييير اعرفهم دخلوها و ماشين فيها تمام التمام ! اذا حابة سجلي عندهم قبل لا يقفل التسجيل .. وطبعاااااااااا قبل كل شيء استخارة ثم استخارررة .. موفقة يارب و اتمنى اكون وصلتلك الفكرة وخففت عنك ... اسفة على القرقر الكتير

كلامك ينحط علا الجرح يبرىء ربي يوفقك تفكيرك عااجبني تفكري في الشغلة من كل النواحي رااائعة كم ابدعت اناملك ^_^

[maryam.n]

المشاركة الأصلية كتبت بواسطة moon2012 ما شاء الله تبارك الله كلاااااااامك مرررره روعه ربنا يسعدكي والجميع وبعدين انا كنت اتمنى الصيدله و المختبرات بس ما كفت المقاعد وتسكنت في العلوم وانا ما اطيقها وزعلت وبكيت وكنت حروح الجامعه متأمله تفضى مقاعد بس الحمد لله رضيت باللي كاتبه لي ربي وتأكدي لا خير إلا فيما اختاره الله لك

حبيبتي ويسعدك كمان يارب

الحمدلله الخيره فيما اختارها الله مبارك ليكي العلوم حبيها و اعرفي عنها و ان شاء الله تبدعي فيها وعقبال الدكتوراه

المشاركة الأصلية كتبت بواسطة respect me respect u كلامك ينحط علا الجرح يبرىء ربي يوفقك تفكيرك عااجبني تفكري في الشغلة من كل النواحي رااائعة كم ابدعت اناملك ^_^

امين ويوفقك يارب ...

تسلميلي