ماذا لو قالت لك فتاة ..أريد أن أتزوجك..!!

[NeMo]

يعني انا بنت وعارفة اني بنت بس دا السؤال بالزات ياقرقر دااااااايما اسألو لنفسي


وطالما اعجبت بشخصية امنا خديجة لقوتها وجمالها وثقتها الرائعة بنفسها حينما طلبت ان تتزوج الحبيب المصطفى صلى الله عليه وسلم.


اسمحيلي اجاوب جرين لانو بشكل او باخر الموضوع يمسنا نحن معشر الاناث(بس يامعشر انتو)


في جلسة صفاء حلوة وليلة صيفيةخميسية مقمرة , كنت انا وتوأم روحي اخي الحبيب نتناقش في امور عدة.


ايشي سياسة وايشي اقتصاد( الاخ تخصصه مالية و ح ض ا ر م لاتنسوا يعني دا مو ضوع مقدس في عيلتنا)

شوية قلبناها فنية شوية دينية وشوية حصلنا نفسنا نتكلم عن الحب والزواج وما الى هنالك

تعرفوا انووجهات النظر الذكورية تختلف جذريا عن نظرة الانثى خصوصا في هيك مواضيع.


والسؤال الذي في خلدي معشعش نطق به لساني


نيمو: احمد؟ لو جات بنت وانت تعرفها وتعرف تاريخ عيلتها ونسبها الخ... وتعليمها, والى حد ما عندك خلفية عن طريقة تفكيرها جات ولمحت انو شخصك يا حمادة يعجبها واخلاقك مالها مثيل وادبك وسمعتك زي المستكة وهيا معجبة فيك وتتمناك زوجها


ايش يكون شعورك؟



طبعا الاخ عامل فيها الولد الفري اللي دارس برة واللي مخو نظيف قال


عادي لو هيا كمان عاجبتني ليه لأ؟ الله يوفق!


الولد خطيييير وبطل زي اختو



صراحة عن نفسي


ممكن اعملها , بس ايش هيا المعايير اللي حتخليني بالشجاعة هادي؟؟


مين دا الانسان اللي جمع صفات حتخليني احاول بشتى الوسائل والطرق اني ماأفرط فيه؟



لاحظوا دا عقلي الباطن صاحب المبادرة, نجي على التكة... المجتمع, اهلك واهلو والناس الملاقيف التانية



مممممم, حتقولوا مش لازم احد يعرف, اقولكم لاناخد دا الrisk


الكلمة دوارة من فلان لفلانة لعشرة لكل الدنيا


دا ثانوي, الامر الاهم من دا كلو




الشخص دا


ياشيخة امكن مرتبط؟ في بالو فلانة وعاوز يتقدملها


امممكن لسه يكون نفسو ؟خخخخخخخخخخ


والافظع من دا







امكن حاطط عينو عليا ومستني اهلو وامه واخواته يستقصوا عني ويفتشوا فيّا؟؟



تخيلي اروح اقول ولا المح يافلان عاجبني؟؟؟



ياااالهويييييييي يادي الكسووووووووووف



من جد ازمة!







ولو كان واحد اخلاق وفلة ورد الرسالة برسالة يقولي خخخخخخخخ من يومك يانيمو دمك خفيف



ضحكتيني




وربيييييي اروح اقتلو




انا جالسة احط كااااافة الاحتمالات الممكن حدوثها وتعالوا شاركوني وحطوا معايا



والله مشكلة ياجرين!



وبعدين الادهى والامر


كلو ممكن نتحمله احنا معشر الفتيات(تاني معشر)



الا كسرة القلب






سبحان الله جرح مالووووش قرار





عشان كدا احسن شي واحدة فينا تعمل اللي عليها وتستعين برب العالمين وان شاء الله ربي يعطي كل واحدة فينا اللي نفسها فيه




امنوا يابناتي امنو





شكرا على الموضوع البطل دا



يلا مستنية رأي الورعان الطيبين على الموضوع



بجد فلة