* إستفسآر حول التحويلآتّ :$

[مجمع العرب]

السلام عليكم ي حبيباتي
اآه آه آه اليوم قد ايش تعبت و انا في الجامعه .... تعبت نفسيا طبعا
المهم اول ما دخلت العمادة روحت عند نادية اياز كلمتها على التحويل قالت مو سعودية روحي عند ابتسام ((( شرررررريرة بالمره ))) دخلت و كلمتها انو مو سعودية و ابغى احول قالت اجباري للفيصيلة حتى لو ان شا الله 6 من 5 انتي اجنبية (( كأني ....................... مارح اكمل ))) قلتلها طيب كيف احول قالت تكتبي معروض و تقدميها لاستاذة فوزية اللي في الغرفة اللي قبالها و بعدين تستني ليييييين ما تنزل القبول من المقام السامي <<على قولتها
و بعدين روحت عند فوزية قالت اديني رقمك الجامعي و معدلك و سنة شهادتك الثانوية و كتبت اسمي عندها في الجهاز و قالت راجعينا اي وقت .. قولتلها طيب تقريبا متى تجي القبول قالت يمكن الترم الجاي و السنه الجايه ... قلتلها طيب مايحتاج معروض للمعاملة قالت :( لا ) و خرجت روحت لعند ابتسام و قولت تقول ما يحتاج ايش الحكاية قالت : لا ...لازوم معروض لطلبك <<< ي الليييييييييل و روحت لفوزية قلت تقول ما يحتاج قالت اسمك في القائمة موجود في الجهاز تبغيني امسحها يعني << شوي و ببكي .. قلت لا لا بس انا بتاكد .... و خرجت من عندها لا حق و لا بطل ما استفدت و لا شي ... مررررررا انقهرت
و جيت للسيارة كلمت اخوية قال انا بروح بكلم قسم الرجال و برضو نفس الحكاية ما في احد عندو العلم الصحيح و احد قالو من الاودس اول ما يفتح 19 رمضان و تاني قلو اجنبية مسسسسسسسسستححححححححححححيييييييييييييييييييييييل انها تحول و غيرو قلو قدم طلب و ادالو ورقة قال عبيها و جيبها ما ادري ايش الورقة دي ...؟؟؟؟
ور جعت البيت
و توتة توتة خلصت الحتوتة
ي ليييييت احد عرف بشي اكيد يعلمنا لانو مررررا تعبنا من قروشتهم