ماهو انطباعك الحالي حول الدراسة في k.a.u ؟؟؟

[كيتا الكتكوته]

المشاركة الأصلية كتبت بواسطة dr.soooma ماهو انطباعك الحالي حول الدراسه في جامعة الملك عبدالعزيز؟؟ ماشي حالها ... مهي بطاله هل يوجد لك تغير لقول صرحت به من قبل وتود تغيره ؟ قولت كلام عالدكاتره .. ما احب اني اكررو ... بس انا اسحب كل الكلام الوحش الي قلتو عنهم هل ترشح للطلاب المرحله الثانويه بالدراسه فيها ام لا ؟ ولماذا ؟ ازا كانو يقدرو عالتعب يدخلوها ويمشو فيها .. لانو يبغالها مزاكره وشغل مارايك بالمقرارت المشروحه هنا ؟ وماذا كنت لتفعل لو انك المسوول عنها ؟ والله مررره عجبتني .. ازا كنت مسؤوله عنها .. حاخليها زي ما هيا هل انت راضي عن معدلك ؟ هل تستحقه بجداره ام ظلمت فيه ؟ بصراحه المعدل جا اعلى من المتوقع بكتييير .. ويدخلني طب بالراحه .. يعني حق التعب الي تعبتو لو خيروك بين كل كليات الجامعه ماذا تختار فيها ولماذا ؟ اختار الطب ... لانو رغبه بابا اسم لدكتور نال اعجابك وفرض نفسه عليك باحترامه وتواضعه ؟وماذا تود ان تقول له ؟ د.هناء قزاز ... هيا زميله لبابا .. وانسانه جدا راقيه وكلها ذوق اقولها .. ربنا يوفقها ويكتبلها الخير

سوووما .. الحمدلله على رجعتك بالسلامه

[ro0onee_roon]

ماهو انطباعك الحالي حول الدراسه في جامعة الملك عبدالعزيز؟؟
رائعة إلا السنة التحضيرية
هل يوجد لك تغير لقول صرحت به من قبل وتود تغيره ؟
امممممممم لا يوجد
هل ترشح للطلاب المرحله الثانويه بالدراسه فيها ام لا ؟ ولماذا ؟
لا الا اذا كان مستوى اللغة الانجليزية عااالي
مارايك بالمقرارت المشروحه هنا ؟ وماذا كنت لتفعل لو انك المسوول عنها ؟
المقرارت رااائعة جدا ولكن يبغالها لغة
هل انت راضي عن معدلك ؟ هل تستحقه بجداره ام ظلمت فيه ؟
لا ماني راااضية وانظلمت في لانهم ماراعو لغتنا
لو خيروك بين كل كليات الجامعه ماذا تختار فيها ولماذا ؟
حلمي الطب بس مع معدلي حطموني بس باقي مافقدت الامل لانو اكثر تخصص اقدر ابدع فيه
اسم لدكتور نال اعجابك وفرض نفسه عليك باحترامه وتواضعه ؟وماذا تود ان تقول له ؟
الاستاذة : ريما باديااب

[مـلآكــ]

المشاركة الأصلية كتبت بواسطة أريج يعني انتي خلاص مخلصة ثنوي؟

أيوة أنا مخلصة تقدري تقولي سنتين

[مـلآكــ]

المشاركة الأصلية كتبت بواسطة أريج إلا والله يا قلبي ينفع لما تكون وحدة أجنبية نسبتها في الثنوي 95 وداخلة زيها زي الأجنبيات اللي ما قبلوا منهم إلا 99_ 98.5 عشان أبوها دكتور في جامعة الأولاد يكون فيه فيتامين واو ولا لأ؟

يكون في بس أنا ماعندي فيتامين

انتي بمعلومك الطلب اللي قدمت عليه يقبلوه ؟؟ الموظف شاف الملف و قال أوكي عبئ هذا الطلب و جبي الأوراق هذه كيف يعني ؟؟!!

[أريج]

المشاركة الأصلية كتبت بواسطة مـلآكــ يكون في بس أنا ماعندي فيتامين انتي بمعلومك الطلب اللي قدمت عليه يقبلوه ؟؟ الموظف شاف الملف و قال أوكي عبئ هذا الطلب و جبي الأوراق هذه كيف يعني ؟؟!!

إنتي فين رحتي تقدمي؟

[مـلآكــ]

المشاركة الأصلية كتبت بواسطة أريج إنتي فين رحتي تقدمي؟

قدمت بجامعة الملك عبد العزيز

شكرا لك أريج متابعة معاي ربي يسعدك ....

[أريج]

يعني ليش رجال اللي أخد منك الملف؟
أنا لما رحت أقدم قدمت عادي عند البنات
اديتهم الأوراق المطلوبة وقدمت طلب
وبعدين جاني الرد بعد مرور أربع أسابيع على بداية الترم الأول دق عليا واحد قال انتي انقبلتي بكرا تعالي الجامعة وجيبي معاكي هادي الأوراق
لما قبلوني على بالي قصدهم الترم التاني
بس لما رحت لقيتهم قصدهم الترم الأول
وطبعا كنت متأخرة عن البنات فكان لازم آخد منهم محاضرات وألحق أذاكر عشان الأسبوع اللي بعده إختبارات
يمكن الكلام هدا ما يهمك بس أنا أقلك هو عشان لو صار فيكي زيي ما تتفاجئي وتستسلمي لأن كثير من اللي انقبلوا معايا ما قدروا يكملوا وسابوا الجامعة
على العموم انتي سوي اللي عليكي ودي أوراقك اللي يطلبوها واصبري
وأهم شي الدعاء أنا جات فترة فقدت فيها الأمل انهم يقبلوني وكنت يوميا أبكي وأدعي
لأني كنت ما أبغى أي كلية ولا جامعة تانية لأنهم يقولوا ماهي معتمدة
بس أحس ما قبلوني إلا من كثر ما دعيت والحمد لله ربي استجاب
انتي لا تفقدي الأمل ادعي
و إلين يجيكي القبول انشا الله قوي لغتك الإنجليزية
أو عشان تضمني انشا الله انك تنقبلي خذي التوفل وقدمي على منحة وقتها تدخلي التخصص اللي تبغيه

[أريج]

المشاركة الأصلية كتبت بواسطة مـلآكــ قدمت بجامعة الملك عبد العزيز شكرا لك أريج متابعة معاي ربي يسعدك ....

ممكن أعرف كم كانت نسبتك في الثنوي؟

[$$د.عباادي$$]

المشاركة الأصلية كتبت بواسطة dr.soooma . ماهو انطباعك الحالي حول الدراسه في جامعة الملك عبدالعزيز؟؟ الدراسة في جامعة الملك عبدالعزيز مميزة جدا وذلك لإعتمادها على اللغة الأنجليزية في المقام الأول وذلك لتنتج خريجين يملكون لغة دولية يتعاملون بها وتميزهم عن بعض الجامعات السعودية هل يوجد لك تغير لقول صرحت به من قبل وتود تغيره ؟ لا يوجد هل ترشح للطلاب المرحله الثانويه بالدراسه فيها ام لا ؟ ولماذا ؟ أرشح المجتهدين لدخول الجامعة فقط... هل انت راضي عن معدلك ؟ هل تستحقه بجداره ام ظلمت فيه ؟ الحمد لله على كل حال مارايك بالمقرارت المشروحه هنا ؟ وماذا كنت لتفعل لو انك المسوول عنها ؟ مميزة جدا حتى الأن... لو خيروك بين كل كليات الجامعه ماذا تختار فيها ولماذا ؟ كلية الصيدلة >>> نظرا لحبي الشديد لمادة الكيمياء اسم لدكتور نال اعجابك وفرض نفسه عليك باحترامه وتواضعه ؟وماذا تود ان تقول له ؟ الدكتور / رمزي الصاعدي (رياضيات) ارجو منكم العفو والسموحه على الاطاله وارجو من الجميع المبادره والاجابه عن الاسئله السابقه ولكم مني جزيل الشكر

شكرا جزيلا على الموضوع الأكثر من رائع

والمميز في طريقة الطرح

[مـلآكــ]

المشاركة الأصلية كتبت بواسطة أريج ممكن أعرف كم كانت نسبتك في الثنوي؟

و الله تهمني قصتك قريت قصص كل الناس فوحدة تساعدني ماتهمني قصتها ..

يعني انتي أجنبية مثلي ؟؟!!

نسبتي في الثانوية 93.84 بالورقة مكتوب النسبة المطلوبة 90

و على فكرة رحت قسم البنات بس السكيورتي ما بغوا يدخلوني و قالوا أبوكي يروح قسم الرجال و الله ساعتها كانت فشلة ....