سؤال في مادة اقتصاد جزئـــي

[غرام جدهـ]

مســــاء الخيــر عالجــميع
كيفكم صبايــا

انا حابه اسأل عن استاذات مادة اقتصاااد جزئــي econ 101

اخذها عند اي استااذه فيفيان محمد نصر الدين - كوثر مصطفى شغراب

هدى جبري عوض - نــــاديه باجـــــابر

مين الافضل فيهم ؟ ومن اي ناااحيه ؟ والماده عن ايش تتكلم ؟ سهله ولا صعبه؟و ابغى استاذه تعطيني صراحة بونس وشرحها حلو ..
لاني انا احل بالاختبارات بكل سهوله واراجع اجاباتي بعد الاختبار وتطلع صحيحه والقى درجااتي هااابطه يعني مستحيل تكون درجتي
بليييز جاوبوني بأسرع وقت قبل ماتتقفل الشعب

[.+.سـوسـو.+.]

أنا أخذتها مع فيفيان

ومرررره عجبتني وارتحت معاها


بالتوفيق :)

[E7sasBanota ~]

انا اخدتها مع فيفيان كان شرحها مرة كويس وكانت تعطينا المحاضرة نطبعها من موقعها 25 ورقة 5 ونكتب شوية تمارين معاها .. مااشتريت كتاب بس كنا نعتمد عالمحاضرات وبالنسبة للواجبات ورقتين فيها أسألة عليها 5 درجات واهم شي عندها انك تسلميه بوقتو وتضمني درجة الواجبات واسألة الاختبارات كانت تجي وصح وخطأ وتمارين نحلها ورسمة وكدا .. اما باقي الاساتذة ماعندي عنهم خلفية والله .. بالتوفيق ليكي

[طالبة محاسبة]

فيفيااان طبعا مافيها سؤال هذي والماده سهللللللله

[Mai]

آسـآل مجرب ولآ تسـآل خبير <== وش دخل :d

آلموهيم ضيفيهآ عند فيفيآن و فآلك آلـ a+

[اميرررة الورود]

طيب في احد عنده فكره عن نادية باجابر لانو شعبتها هو الوقت الوحيد المناب لجدولي وانا ابغىها ماده حره ايش تنصحوني
شكرااااااااا

[سوسة النت]

اهلين غرام جدة
شوفي يا ستي
صاحباتي اخذوا عند فيفيان ويمدحونها
وعلاماتهم كانت حلوة ماشاءالله
اما انا اخذتها مع ايمان علي وصراحة شرحها مو مرة بس قبل كل امتحان كانت تعمل مراجعة شاملة لجزئية الامتحان ويكون من ضمنها اسئلة اللي راح تجي في الامتحان
فلو انت ذاكرتي المراجعة تمام راح تجيبين امتياز وانت مغمضة
وحتى في الامتحان النهائي راجعت لنا كل المنهج وحذفت كم حاجة وبالفعل كل اللي ركزت عليه جانا
بس زي ماقلت لك ترى شرحها مو مرة
وعيبها انها تعطي 5 على المشاركة
و5 على الواجب ولازم يكون حلك صح لانها تحاسب على صحة الحل وتنقص عليه
وهذا اللي نزل علامتي عندها
هذي اللي جربته
وبالتوفيق خيتو

[* عـبـق *]

اهلين .. غرام جدة ..

انا سمعت ان فيفان مرة كويسة والمادة مرة حلوة
وسهلة بالنسبة لطالبة محاسبة ..

اما كوثر شغراب فبعدي عنها لاني اخذت معاها مادة اختيارية وللاسف ..

فخليك على فيفان ... والله يسهلك يارب

[الريم اللعوب]

اهلين قلبي
زي كلام البنات انا اخذت عند فيفيان وكنا نطبع محاضراتها من موقعها ومافي كتاب والواجبات تسلمينها في وقتها والماده حلوه وسهله اما كوثر شغراب زميلاتي اخذوا عندها برضوا ماشاء الله عليها وانا الي قهرني ان الاسئله حقت النهائي جات من نفس شرح استاذتهم وما اخذتوا وبس والله يوفقك في الاختيار

[روزا]

انا اخدتها عند عفاف عايد
شرحها ممتاز و اسئله الدوري و النصفي حلوه
بس انصدمنا في النهائي اسلوووب جديد في طرح الاسئله