لماذآ ننسلخ من أعرفنآ وتقاليدنآ ...!!

[زهور العشب]

صباح الخيرات اختي المشتاقة
والله كثيرة الاشياء اللي يوم نشوفها نحس اننا مو بالسعودية
من ضمنها ظاهرة فاقعة مرارتي ومحومة تسبدي بشكل لايوصف
هي لبس الرجال للسلاسل والاكسسوارات
صراحة مدري وش يحسون فيه اللي يسوون كذا
اذا هم يلبسونها للزينة فأنا عمري ما شفت رجال لابس سلسلة وشكله حلو
الا كلهم اشكالهم مقززة ومقرفة
هذا غير انها حرام وتشبه بالنساء
وبعدين اذا الرجال لبس سلسلة واسوارة احنا البنات وش نلبس ؟
قبل يومين اخوي قال لي عن واحد شافه عند البقالة القريبة من بيتنا يقول ما خلى شي ما لبسه
سلاسل على اساور على حلق وووو الله لايبلانا بس
اللي رافع ضغطي ان الشباب والبنات عندنا الله يهديهم يقلدون تقليد اعمى بدون ادنى تفكير اذا كان هذا الشي صح ولا خطأ حلال ولا حرام
ثقافتهم الدينية ضعيفة جدا وهشة
يعني راعي الكلب الاسود اللي ذكرتي قصته اتوقع لو سمع حديث الرسول صلى الله عليه وسلم
"من أمسك كلبا فإنه ينقص كل يوم من عمله قيراط إلا كلب حرث أو ماشية" ما كان فكر من الاساس انه يربي كلب عنده
تسلم الايادي اختي المشتاقة على موضوعك الرائع كروعتك
واعذريني على الاطالة