عنآقِيـد عسجدية , قطافها بين أيديكم دفعة 13

[maryam.n]

يسسسعدك نونزتنا الحلوة

من ايد ما نعدمها يارب وشكرا لكل الاعضاء المشاركين كمان


عمل تؤجري عليه ان شاء الله في ميزان حسناتك نووونز ......

سؤال :

فسريلي اسم موضوعك ترى مرة مو واضح

بالنسبة لدفعة 13 مرة مالكم حق نسبتكم الموزونة العامة تقل عن 95

لانو من جد اقولكم هيا على بلاطة السنة التحضيرية اسهل من الثانوي .. ليش ؟ لانو عندك 4 او 3 مواد في الترم تركزوا عليها و تذاكروا و ما عندكم بحوث و لا مشاريع و (لا واجبات الا في الاتصال و الانجلش )>> مرة شيء حلو

ترى كل المواد معلوماتها قديمة نفس الثنوي تقريبا بس بالانجلش >> و دا مو مشكلة لانو حتتعودا على المصطلحات الاانجليزية على طول ان شاء الله

الزبدة : لازم الاجتهاد من اول اسبوع ولا تعدوا درس منتو فاهمينه ابدا لازم ترجعوا لنفس دكتورتكم او الكتاب او النوتز حقتكم >> اللى تكتبوها في المحاضرة

ملاحظة : اذا حسيتوا انكم محتاجين خصوصية ,, روحوا لخصوصية ( أو) اشتروا ملخصات ,, لكن اهم شيء لا تلخبطوا و تجيبوا ملخصات + تروحوا عند خصوصية لانو كل واحد وله طريقة شرح غير فحتتلخبطوا + ما حيكون عندكم وقت انكم تاخذوا من المصدرين ( الملخصات + الخصوصية )

و ترى اقلكم السر في التحضيرية .......

تراها لعبة نفسية ..

يعني المواد سهلة جدا ...... لكن الاكثر نفسيتوا تكون ( متلخبطة - متوترة - قلقانة - خايفة -محتارة - مهي متعودة على كل الاشياء الجديدة دي و الجو الجامعي الجديد...... كلها اشياء نفسية >>>>>>>و اذا تركتوا دي المشاعر تتحكم فيكم انسوا انكم تجيبوا معدل امتياز و يرفع الراس لانها و بكل بساطة تححححطم حتى لو كنتي مرة ذكية و المواد بالنسبالك سهلة لازم لازم تتحكمي في دي المشاعر .... كيييف ؟

ترسلي لنفسك رسائل ايجابية + تسترخي وتقولي " هذه سنتي المصيرية راح اتعب سنة و اكرف مزبوط اكتر من اي وقت مضى بس عشان ضميرك يرتاح و تكوني عملتي بالاسباب و تهدي نفسك انو النتائج و التخصص بيد رب العالمين فكدا ما حتكوني شايلة هم لانك حطيتي همومك على ربك " ..>>> و حتلاقي درجاتك فووق ان شاء الله

و كمان زي ما قالت اختي نونز انو انتي حطي في بالك انك تجيبي الـــــــــــــ100 لانو اذا ما جبتيها حتجيبي حولها بشوية اما لو قلتي ابغى 95 في المادة حتجيبي 90 و هكذا ..




خلاص حسكت .........

و الله عندي كلام بالهبل >> خبرات ما شاء الله


بس تعبت + انكسفت قررقرت كثير

بس اذا احد عندو اسأله يتفضل يسأل و ان شاء الله احنا ما نقصر


موفقين دفعة 13

اختكم :

Maryam

لا تنسوني من صالح دعواتكم و انو ربي يدخلني التخصص اللي في بالي بخير يارب