تخرج وحصلت على f مالحل

[تدريبي كوم]

السلام عليكم ورحمة الله
اخواني الطلاب والطالبات: الي تخرج وحصلت اف قبل كذا يفيدنا وش الحل
ينفع اعترض للجامعه واذا ماينفع اقدر اقدمها صيفي برغم انه انتهى التسجيل
تكفون ساعدوني مابي انتظر لشهر 2 السنه الجايه على ماده وحده

[الحوووووووووووت]

هلا وغلا فيك ...

شف حبيبي إذا انت متأكد من حلك اعترض وراجع ورقتك بالطيب بالغصب طيب !

اما إذا انت مو متأكد صعبه الأعتراض ولكن حاول تراجع دكتور المادة او تاخذ جواله وتكلمه لكن الافضل تروح للجامعة وتقابل الدكتور وتوضح له انك خريج ووضعك كذا وكذا ومن هالكلام ....

وبعدين من قالك انه انتهى الترم الصيفي تو الناس إذا زان وضعك مع الدكتور ودفك بدرجة النجاح زين على زين ولا الله يعينك تاخذها صيفي وللمعلومية ترى ما يدفعونك رسوم مادة في حالة انك خريج وشد حيلك ..

لكن ماعلمتنا وش المادة هذي ومنهو دكتورها ...

[الزهراااااني]

اولا معوووض خير

وتقدر تعترض اذا متأكد من حلك

وتقدر تاخذها صيفي والتسجيل باقي مابدا عشااان ينتهي

بالتوفيق اخوي

[مهاوي2008]

اخوي روح للدكتور وتفاهم معه انك خريج وحرام يحرمك التخرج عشان مادة ولا كم درجه

والله يسهل طريقك

انا صديقتي نفسك وراحت تفاهمت مع الاستاذه ونجحتها يوم اعرفت انها تخرج

[alyahya22]

الجامعات الثانية اذا انت خريج وفيه مادتين سقطت فيهن

فيه مايعرف باختبار التكميلي في نهاية الترم تختبره وتتخرج

وغالبا يمشونك بالاختبار التكميلي لان من مصلحة الجامعة تخرج طلابها

[STC]

لا تحزن فأنا خريج وحملت مادة الترم هذا وكلمت الدكتور وأرسلت له إيميل بأنني خريج وقالي شد حيلك الترم الجا ي

[الحوووووووووووت]

المشاركة الأصلية كتبت بواسطة stc لا تحزن فأنا خريج وحملت مادة الترم هذا وكلمت الدكتور وأرسلت له إيميل بأنني خريج وقالي شد حيلك الترم الجا ي

الله يكون بعونك وشد حيلك في الصيفي والحمد لله لا رسوم ولا شي بس اختبار الله يوفقك بس وش المادة اللي اخفقت فيها وانا اخوك لا يكون اجهزة التطوير

[أبو دانا]

صف صف جنبنا بس

انا خريج ورسبت بمادة ومافي امل يعدلونها

الله يعيننا ناخذها صيفي وندوووفر فيها ونتخرج ولا منت احد

الصيفي يمديك عليه توه ما بدأ

[STC]

المشاركة الأصلية كتبت بواسطة أبو دانا صف صف جنبنا بس انا خريج ورسبت بمادة ومافي امل يعدلونها الله يعيننا ناخذها صيفي وندوووفر فيها ونتخرج ولا منت احد الصيفي يمديك عليه توه ما بدأ

وش المادة حقتك ؟
أنا قراءات إداريه باللغة الإنجليز يه تتخيل معي

[saoooooooode]

اتمنى ان لا ييأس أحد من الأخوة أو الأخوات الطلبة بسبب فشله في مادة او تدني مستواه بهذا الترم
وأن لا يسمحوا لأي كان بأن يقف عقبة في طريقهم لتحقيق النجاح والتخرج بإذن الله
وإن شاء الله نتخرج لو وقف جميع الدكاترة بطريقنا وصعبوا الأسئلة سواء لأهداف مادية أو غيرها
راح نذاكر من بداية الترم ان شاء الله مرة ومرتين وعشرة وعشرين مرة قبل الامتحان
على الاقل يوم الاختبار اطلع وانا مرتاح واقول اللي علي سويته والباقي على رب العالمين وتوفيقه
ولا الوم نفسي او افكر اني قصرت او ان طريق الجامعة صعب ولا اقدر اواصل


تمنياتي لكم جميعا بالتوفيق والنجاح في حياتكم الجامعية والعملية والعائلية ان شاء الله

هذا الكلام منقول عن اخونا ضيدان وعن موضوعه اللي اتمنى ان تقرؤنها كاملا

http://www.skaau.com/vb/showthread.php?t=15880

وبمشيئة على درب الجنة نلتقي
تحياتي