ليش دكاترة الانتظام هم نفسهم دكاترة الانتساب !!!

[عيوني حزينه]

السلام عليكم ورحمة الله وبركاته

حبيت اشارك بهذا الموضوع واتمنى المشاركه من الاخوان الجميع يعرف ان الدكاتره هم نفسهم الانتظام يدرسون الانتساب ليش !!! الا يوجد دكاتره في وطنا الغالي الا هؤلاء وليش ما يجيبون دكاتره خاصين بالانتساب اولاً دكاترة الانتظام مثل ما انتم عارفين محاضرات وطلاب انتظام ودرجات وتعب ومن الصباح دوام اضف الى ذلك لما يجي يدرس طالب الانتساب يكون هناك تشتيت لفكر الدكتور واعتقد لا يقدر يستوعب ويوفق بين الطلاب وهنا يقع الظلم احياناً يكون لا مبالاه في الدرجات واحياناً الطالب يأخذ غير درجته المستحقه اتمنى ان يخصصون دكاتره لطلاب الانتساب ويفتحون المجال للعاطلين على الاقل يصرفون عليهم من رسومنا الدراسية ... تحياتي للجميع

[هادي44]

اول شي ماهم مهتمين بطلاب الانتساب ثانيا الانتساب ما عندهم الاالدورة التأهيلية والاختبارات والتصحيح
وهم ماخذين منك 3000 تدري ليش هذي حق اجار القاعات اللي قاعد تختبر فيها
واوفر تايم للدكاترة اللي قاعدين يدرسونك ويحطون لك
الاختبارات لان كل دكتور ياخذ 5000 على كل دورة تأهيلية
ونظرتهم للانتساب انهم جايين ياخذون شهادات فقط بدون علم

[فهد العنزان]

للتوضح الدكتور بيأخذ كل شهر من الجامعة 5000 ريال لطلاب البكالوريوس و 10000 ريال لطلاب الماجستير الموازي غير الدورات التأهيلية +السؤال المقالي عليه مقابل مادي بعدد الطلاب المسجلين بالمادة !!!

[الزهراااااني]

فلووووووووووس فوووووووق الراتب
وتبغاهم مايمسكون طلاب الانتساااااب>>غير كذا الدكتور لم يقولون له طلاب انتساب

يقول احلى واحلى >>يقول اعطيهم من 60 >>ومحد راح يزعجني واذا راجع احد الطلاب زحلقووووه >>السكرتاريه >>>الدكتور طلع اجازه عبيء الورقه وان شاء الله خير>>>ومكانك سر ايها الطالب المغلوووب على امرك

بعض الدكاتره نظرته لطلاب الانتساب >>بس يبغى ترقيه في عمله >>مايفكرون انه فيه طلاب يبغوون يكملون ماجستير وهمهم المعدل

والله انه لي زميل تخرج من الجامعه انتساب وفيه 3 موووواد يقول لاتذاكرها
تراك بتاخذ 60 >>وفعلاً والله انها 60 >>انا والدفعه اللى اختبرنا هذيك المواااااد>>عشان لااشيلها في ذمتي اغلب الطلاب هذاك الترم بناءً على كلام الاخوان هنا في المنتدى عن درجاتهم

الله يخارجنا من هذي الجامعه

واتمنى التوفيق للجميع

[ميي توو]

عجبتني نقطة دكاترة عاطلين




بالعقل اخوي ما فيه دكتور عاطل هذا اولاً
ثانياً مستحيل ومستحيل ومستحيل تلاقي دكتور بيتفرغ للانتساب فقط
اذا ما كان يدرس في الجامعة نفسها
او بتلاقيه يعقد دورات او في معاهد او مستشار بمكان او او او او
يعني كذا والا كذا ما راح يتفرغ لك
لو بتدرس الموضوع صح بتلاقيه منشغل عن الانتساب
بس الاسباب تختلف

وبس

:)