ماهي صوره الغلاف f بسلوك تنظيمي حسبنا الله ونعم الوكيل

[ميي توو]

شباب باللهي جايب سؤال يقول وش غلاف كتاب المادة ؟؟

اوكي الفصول نمشيها لكن يسأل عن شكل او لون الغلاف ؟؟

بغض النظر درجة وحدة والا ربع درجة

بس قسم بالله شي يرفع الضغط ويقهر

المادة انا مخلصها زمان والحمد لله ما شفت هالنوعية من الاسئلة

ياخي افرض ان طالب مشتري الكتاب مصوّر ومذاكر منه ولا قرّب للملخصات ابدا

ميزانيته ما تسمح انه يشتري الكتاب والتصوير مو من ضمنه غلاف المادة

وش ذنبه تجيب له هالسؤال ..؟؟

ااخ بس يالقهر

بعض هالدكاترة يسوي فاهم على لا شيء وقسم
يعني تراني ملكع شوفوني اللي بينزل عندي مواد لا يذاكر من ملخصات

استغفر الله العظيم بس

اتمنى التوفيق للشباب وان شاء تعوضونها بمواد ثانية

[القادم]

المشاركة الأصلية كتبت بواسطة ابو صالح16 السلام عليكم ورحمه الله وبركاته والله ياخوان الواحد مايدري وش يقول بس الحمدلله على كل حال صدمه وعساها تعدي كرهونا بحياتنا والله الواحد ماعاد له خلق يداوم انواع الاستفزاز ولا هذا سؤال يجي بأختبار انا جاوبت على هالسؤال وبالصدفه قالولي الاخوان اجابتك صحيحه اااه بس اللي هذا اول ماده وش بيصير على الخمس الباقيه الله يستر حسبي الله عليك يالخالدي سديت نفسي وش خليت لسيء الذكر المزجاجي ونظريه التنظيم اللي هذي حملتها ابصم بالمليون راح احمل نظريه التنظيم للمره الثانيه حسبنا الله ونعم الوكيل بس كثر ماني منغث اقسم بالله اني مستانس لأخواني ببحوث وعمليات واني قمت اناقز يوم دريت ان العالم عدو الماده وانا توي مااخذتها يازين فرحتكم وعسى دوم الافراح لكم والله يوفقنا باللي جاي معليش طولت عليكم بس مجرد فضفضه

ابو صالح الله يهديك بس وسع صدرك ولاتضيق خاطرك تراها بالاخير دنيا اهم شي انك تطيع ربك وتؤدي اللي ربي طالبه منك

وبالنسبة للرسوب عادي هذي الدراسة الجامعية لابد من وجود مطبات اهم شي ركز على المعدل

انه ماينزل ولايقرب حول الــــ 2.00 الى 2.5 عشان يكون وضعك في السليم وماتوصل بسبب رسوب مادتين او اكثر الى اقل من 2 وتآخذ انذار ام اذا حملت مادة او ثنتين
وباقي المواد معديها بدرجات كويسة إن شاء الله تتساوي المعادلة والمواد اللي تنجح فيها بدرجات طيبة تعدل معدلك اللي تأثر من المود اللي رسبت فيها .

واخيرا لاتشيل هم وانا اخوك .
شكراً .

[ابو صالح16]

عاد شفت ها لدرجه اللي تقول عنها يا مجتهد اقسم بالله ماراح اسامحه ليوم الدين الا اذا كان مطلوب معنا بالمنهج لاكن والله الذي لااله الا هو ماراح أسامح الخالدي على هالسؤال

[طالب مجتهد 5556]

المشاركة الأصلية كتبت بواسطة ابو صالح16 عاد شفت ها لدرجه اللي تقول عنها يا مجتهد اقسم بالله ماراح اسامحه ليوم الدين الا اذا كان مطلوب معنا بالمنهج لاكن والله الذي لااله الا هو ماراح أسامح الخالدي على هالسؤال

والله ياابو صالح اني مقهور زيك يوم شفت السوال واستغربت بعد هالسوال الغبي

بس الله انجاني بان الكتب كانت مرميه قدامنا في القاعة وعرفت الرسمه

بس اللي اقصده انه اكيد انت عندك اغلاط كثيرة هي كانت سبب رسوبك مو هالسوال اللي رسبك فهمتني مااقصد غير كذا وربي وعلى قولتك عن ربي مافي شي يضيع اذا كان ظلمك