توقعاتكم بالنسبة لنسب تسكين الطب السنة هاذي

[نونا كراميلا]

المشاركة الأصلية كتبت بواسطة بنوته لزوزة تتوقعو تقفل على 95 !! يعني الي موزونته 95 يتطمن ؟؟

لا ما توقع ان شاء الله اقل ..

طبعا ما شاء الله 95 مره جيد فالقبول فالطب :)

[بنوته لزوزة]

المشاركة الأصلية كتبت بواسطة نونا كراميلا لا ما توقع ان شاء الله اقل .. طبعا ما شاء الله 95 مره جيد فالقبول فالطب :)

والله انا وصحبتي طول الوقت بنتكلم ونطمن بعض انو تنزل نسب القبول

الا صحيح كم طالبة تنقبل طب , و طب موازي ؟؟

[nz lover]

يالله هاذى المواضيع تجيبلى الاحباط
الا صح كم عدد الطلاب فى التحضيرى كلو

[ymosh]

المشاركة الأصلية كتبت بواسطة nz lover يالله هاذى المواضيع تجيبلى الاحباط الا صح كم عدد الطلاب فى التحضيرى كلو

يمكن 3000 او اكتر بالنسبة للبنات انا اللي متأكدة منو ان عدد طالبات خطة أ بالسليمانية 900 طالبة لو زودتي خطة ب و كمان خطة أ و ب في الشرفية اكيد بيطلع كتيير

[wajo0odah]

المشاركة الأصلية كتبت بواسطة عاشقة التحدي طيب التسجيل في ابن سينا يكون عبر موقع لهم؟؟او لازم تروحين لهم؟؟وايش الوثائق المطلوبة؟؟ وبالنسبة للمنحة هل هيا منحة موارد؟؟ولا منحة الملك؟؟والمنح من فين نعرفها؟؟يعني ايش الموقع الرسمي اللي نعرفها منو؟؟

لا لازم تروحين للمقر
شهاده الثانويه + صوره منها
شهاده حسن السيره والسلوك+صوره منها
6 صوره 4 في 6
وبالنسبه للفلوس هم راح يفهمونك على طريقه الدفع وكيف ترجع لك الفلوس
الموارد تقديمها من الكليه تطلبين انك تبغين موارد اما منحه الملك تفتح برمضان وتسجلين
وبعدها تطلع النتايج في شهر 12
اكتبي بقوقل منحه خادم الحرمين الشريفين

[نونا كراميلا]

المشاركة الأصلية كتبت بواسطة بنوته لزوزة والله انا وصحبتي طول الوقت بنتكلم ونطمن بعض انو تنزل نسب القبول الا صحيح كم طالبة تنقبل طب , و طب موازي ؟؟

اللي اعرفو الطب العادي يبغو 120 اما الموازي والله ما اعرف يا عسل..

لكن انتي اذا موزونتك 95 وفوق ان شاء الله تنقبلي طب بالراحه كمان :)

الله يوفقك وان شاء الله كلنا ندخل طب :)

[بنوته لزوزة]

نونا حبيبتي باذن الله نتقابل في كلية الطب :)

قولي يارب ..

[maryam.n]

ليش قلقانين ! ترى كلو مكتوب ومقدر ان شاء الله لو كانت نسبة قبول الطب 100 ربنا اذا بيريد حيدخلك غصبا عن الكل !

و حتى اللى ما دخلت اللي تبغاه اكيد خير ولازم تحاول تحب تخصصها الجديد و تعشقه وتشوف ايجابياته و تعرف كل شيء عنه و اكيد ربنا ما اخترلها هو الا لانه خير عليها في كــــــــل حياتها وراح تبدع فيه (الواحد لازم يتأقلم مع الظروف اللى بعض الاحيان ما تجي على هوى الانسان )

اهم شيء انو الواحد سوى كل مقدرته وهلك نفسه مذاكره و حاول كل اللي يقدر عليه و اتوكل على اللي خلقه و صلى استخارة و دعااا .. خلاص يسير مطمن انو عمل بالاسباب و النتائج بيد ربنا مكتوبة من اول في اللوح المحفوظ

:) لا احد يزعل او يتكدر خاطره اذا دخل تخصص اخر ... خلي ياخذ الجانب الايجابي منه ;)

و ربنا يختار للجميع التخصص اللي فيه الخير عليهم و يرضيهم بيه >> لانو ياما ناس دخلت تخصص و فشلت فيه مو لانهم اغبية لكن الظروف حولهم ابدا ما كانت مساعدتهم او ممكن تدخلي تخصص يكون فيه مصيبة تحزنك وتجبلك الهم طوال العمر الله لا يقدر ,, لذلك الاستخارة مهمة و الرضاء بما قدره الله

[الحمد الله على كل حال]

بنجن يارب طب اسناان

[نونا كراميلا]

المشاركة الأصلية كتبت بواسطة بنوته لزوزة نونا حبيبتي باذن الله نتقابل في كلية الطب :) قولي يارب ..

يااااااااااااااااااارب وما خاب من قال يارب

ان شاء الله ننقبل ونرتاح كلنا :)