الى كل من يدخل هذا القسم

[hmaada_109]

السلام عليكم ورحمه الله وبركاته
أولا اتمنى من الله التوفيق لي ولكم

يا شباب المنتدى هذا بعد ماشفت هالترم فيه ناس ماذاكرت ولا تبي تذاكر ويجي هنا قبل الاختبار يدور له كم سؤال من اسئلة الترم الي فات يحفظه ولا يجي ويثبط الناس ويقول الدكتور معقد ولا احد يحلم بالنجاح والدكتور فيه وفيه والجامعة ماتبي ننجح ويحط كل شيء على الدكتور والجامعة وصعوبة المادة !!!

والله ان الترم هذا لولا اني ادخل المنتدى واشوف وش يكتبون الشباب واتأثر فيه ويهبط معنويتي كان فيه اختبارين راح احددها وهي المحاسبة الحكومية ونظرية التنظيم أمس كان حليت فيها تمام ، المحاسبة الحكومية جاء فيها ثلاثة اسئلة او اربعة عن البنود يعني بعشر درجات لو حفظنا بدل كثر الكلام الي ماله سنع .. وامس نظرية التنظيم فيه اسئلة معقدة بس فيه اسئلة واضحة وضوح الشمس لا نلف ولا ندور وهذا الي شفته انا.

الي اقوله بعد كل هالقصة الطويلة العريضة .. ياشباب اتقوا الله الي ماوده يذاكر ولاّ يذاكر قبل الاختبار بيومين ويجي هنا يقلب ام المنتدى شات ونياح وصياح والدكتور فيه والمادة فيها لا يجي ويكف خيره وشره ويترك الناس الي اقل شيء عندها شوية أمل تذاكر.

كلامي كثير بس فعلا هذا الي كان يدور في بالي الترم هذا ومبني على نظرة سابقة عن المنتدى بس تأكد لي الترم هذا بزيادة وللعلم ، اقسم بالله ما اعرف ولا دكتور من الي تقولون عليهم ومعدلي يمشي حاله وكل ترم احمل مادة يعني ماني محسوب على احد بس الكلام الي قلته حقيقة ويوافقني عليها ناس ويتعارض معي ناس وشكرا.

[احمد المزجاجي]

بارك الله فيك

هاذا هو الكلام الصحيح

[SkAyLaR]

كلامك صحيح 100% ..

للأسف الدكاتره صارو شماعه والطلاب يعلقو عليها اخطائهم ..

المفروض قبل ماتحط العيب في الدكتور راجع نفسك وشوف الخلل فين ..

سبحان الله في المنتدى هذا حفظت جملتين (الاسئله فيها لفه & الدكتور يحب يعقد الطلاب)

وش بينكم وبين الدكتور ؟

للأسف اكثرنا يضع اغلاطه على اكتاف الاخرين ..

[عيوني حزينه]

انا اتحفظ اخوي على كلامك الاخير اولاً ما احد جبرك تدخل المنتدى عشان تقول قلبوه شات وصياح ونياح ثانياً من اعطاك الحق تدافع عن المنتدى وتقول لا يجي المنتدى كلاً حر في طرحه اتمنى اني وصلت لك الفكره ولا تزعل من كلامي تحياتي لك

[ToOty & SoOso]

المنتدى هذا للمساعده فقط يعني 20 %
والباقي 80% على اجتهاد الطالب
اللي يبدا يذاكر قبل الامتحانات بشهرين او ثلاثه شهور ماراح يتعب ايام الاختبارات
بالعكس راح تكون فتره مراجعه فقط واسترجاع معلومات
لا تقولون كثير شهرين ساعه او ساعتين باليوم تكفي غير الايام اللي تصير للواحد ظروف فيها ولا يقدر يذاكر فيها هذي معذور لا يفتح شي
وتقبلو رأيي

[hmaada_109]

المشاركة الأصلية كتبت بواسطة عيوني حزينه انا اتحفظ اخوي على كلامك الاخير اولاً ما احد جبرك تدخل المنتدى عشان تقول قلبوه شات وصياح ونياح ثانياً من اعطاك الحق تدافع عن المنتدى وتقول لا يجي المنتدى كلاً حر في طرحه اتمنى اني وصلت لك الفكره ولا تزعل من كلامي تحياتي لك

انا جبرتني الحاجة للفائدة الصحيحة أني ادخل هنا وأحاول أستفيد وأفيد ، ولا اعترض على أحد أن يدخل هنا بس أنا قلت الواحد يتقي الله ولا يشوش على الطلاب ويثبطهم..
فعلا لا املك الحق في الدفاع عن المنتدى أو ان أمنع أحد بدخوله ولكني مجبور أدخل ومجبور أدافع عن الشخص الي وده يتعلم ويدخل هنا للفائدة.
أشكر مرورك الكريم

[hmaada_109]

للمعلومية فقط : انا حلفت واقسمت ما كتبت هالكلام لأني ادافع عن الجامعة او ادافع عن دكتور وأنما للمصلحة العامة للطالب الي وده يذاكر ولا يتبع الاعذار الواهية في كل مرة ، ولم أفتح هذا الموضوع للسجال والأخذ والرد على من يتفق معي او يتعارض معي ولكني أتمنى من يقرا الموضوع ويجد فيه مافي نفسه أن أكون وصلت فكرته ومن يتعارض معي فأنا أرحب بكل الأراء.

[موظف الخطوط]

انا معاك في كل كلمة قلتها اخوي واللة انك صادق طول الترم جالس لا شغلة ولا مشغلة وبعدين يجي يقلب ام المنتدى فوق تحت (انا اتكلم عن المنتسبين اللى مو موضفين ) يعني ايش عندك .....

ع العموم انا متأكد انو قسمنا هذا قدام الاقسام الثانية رررررررحمة ....

سؤال بسيط ؟؟؟
طالب جامعي يبغى ينجح بدون ما يتعب كيف تجي ؟؟؟؟؟؟

[عيوني حزينه]

المشاركة الأصلية كتبت بواسطة hmaada_109 انا جبرتني الحاجة للفائدة الصحيحة أني ادخل هنا وأحاول أستفيد وأفيد ، ولا اعترض على أحد أن يدخل هنا بس أنا قلت الواحد يتقي الله ولا يشوش على الطلاب ويثبطهم.. فعلا لا املك الحق في الدفاع عن المنتدى أو ان أمنع أحد بدخوله ولكني مجبور أدخل ومجبور أدافع عن الشخص الي وده يتعلم ويدخل هنا للفائدة. أشكر مرورك الكريم

يعطيك العافيه اخوي على ردك الراقي واسف اذا كان ضايفتك في الرد ولكن اغلب الطلاب عندهم اشغال والتزامات والبعض منهم عنده اسره وضروفهم الله عليم بها ويأتون للمنتدى من اجل الفائده والتنفيس عن انفسهم ... تحياتي لك

[تهورت ودرست]

السلام عليكم ورحمة الله وبركاته

انا اختلف معاك بالنسبة للمحاسبة الحكومية ونظرية التنظيم

ممكن كلامك ينطبق ع بعض المواد

وفعلا كتبت في اختبارات سابقة اني الوم نفسي ما ذاكرت المادة

لكن نجي للمحاسبة الحكومية اولا

من قبل شهر ونص وانا منزل محاضرات الاستاذه اظن اسمها اميمة ووحدة ثانية اسمها الجوهرة والحمد لله شرحهم ممتاز كان

وفي ملزمة باسم الاستاذه انيسه

هذا لاني ما اقدر احضر الدورات

وفيه طلاب حاضرين الدورات وجابو اوراق وما قصروا والله يوفقهم وهذولي من اكثر الناس المجتهدين

والمحاسبة الحكوميه ما قدرنا نجاوب بعد الاختبار اختلفنا ومعانا الكتب وهيا اغلب اسئلتها نظري

نجي لنظرية التنظيم حدث ولا حرج اصلا العيب في المقرر

ما اظن يوجد عقل بشري يقدر يحفظ فيه المقرر بشكل كامل ممكن ينحفظ وتقدر تجاوب اذا كان الدكتور متعاون في الاسئله يعني لو جيب فقرة وحده جميع ما سبق تجلس تشك في نفسك

والخدمة المدنية صح كان المقرر صعب لكن تعاونو في الاسئلة وسبق وقلت ان الدكتور لو كان هدفه ما احد يعدي في المادة يقدر بسهولة بس الحمد لله جات حلوة

والله يوفق الجميع يارب ونختمها بخير