برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[عآكس قآنونه]

المشاركة الأصلية كتبت بواسطة mr.samie بالنسبة للمواعيد فانا شايف الاضمن انك تتواصل معهم مسألة انك تروح زي ما قال عاكس قانونه هذا الشي يعطي الموظف الحق انه يقولك امسك الباب لان ما عندك موعد صحيح هذا الشي ممكن ما يسوونه لكن اذا كل واحد جاه موعد غلط راح بتتجمعون كلكم عنده ومستحيل يصوركم ويبصمكم كلكم وخذ في بالك ان الوقت اللي بتروح فيه اكيد محددينه لناس يراجعوهم اتصل عليهم اذا الموظف اعطاك الاوكيه روح وانت اصلا اطلب منه يجدد موعدك علشان يكون شي رسمي ولا احد يقدر يكلمك ويقولك ما عندك موعد ومن هالكلام الحين انا ما جاني موعد لو رحت الاسبوع الجاي وش الفرق بيني وبينك ؟؟ مافيه فرق انت نظموك وعطوك موعد وانا للحين ما عطوني انهم عطوك موعد ماهو دليل ان كل شي جاهز لك كلنا اصلا جاهزين والمواعيد هي للتنظيم فقط

انا متأكد ماراح يقول امسك الباب وتوكل .. لأن اصلاً نظامهم متلخبط او انهم ارسلوا بالغلط .. ولو هم ملتزمين بالمواعيد مع الطلبه ومايبوون يقروشونهم كان ارسلوا بعد فترت الإمتحانات ..
ومع كذلك كل اللي جاتهم رساله بأسبوع الامتحانات ويدقون على خالد وعلى مكتب الرياض يقولون لطالب لاتجي إلا الاسبوع الجاي من تاريخ 2يونيو .. بمعنآه اقدر اجي السبت او الاحد او الاثنين اي يوم من الاسبوع , وانا لو مثلاُ: بروح لهم يوم الاربعاء وبيقول لي ليش ماجيت بموعدك , أكيد برد عليهم بأن عندي اختبارات وتواصلت وياكم وخبرتوني بهالشيء اني اجي الاسبوع الجاي, وانتم راضين اني اسحب على موعدي وأجله بعد كم يوم .. وماحددتوا لي موعد اصلاً أجيكم فيه غير الموعد الأول وقلتوا لي تعال الاسبوع الجاي ..
وانا قد كلمت مكتب الرياض عن واحد من اخوياي قلت له: انا بجي يوم الاربعاء اللي هو اليوم , قال لي لاتجي قلت طيب الرساله جات لي على ان موعدي الاثنين اللي [قبل امس] قال لاتجي إلا من الاسبوع الجاي , وماحدد لي يوم بالاسبوع اجي فيه .."
فـ.أنا اشوف ان اي واحد منكم مجرد توصل له رساله يروح يطلع بطاقه .. لانهم ماراح يتواصلوا معكم مره ثانيه بموعد جديد تطلععوا البطاقه..
اجل واحد من اخوياي موعده في 19 يونيو يوافق 7/29 واصلاً البرنامج يبدأ من 7/26
, خبرته يروح أي يوم دام ان وصلت له رساله خلاص معناته طلبه عند مكتب التوظيف وهم اصلاً يبون يخلصون كل شخص توصل له رساله على اساس يخلصون الطلبه بدري وماتصير عندهم زحمه بيوم واحد

*كلامي للي وصلت له رساله اصدار بطاقه فقط .."
..
بالتوفيق للكل ..