برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[Eva160]

المشاركة الأصلية كتبت بواسطة هي!! تدرون يا أخواني وأخواتي صح أني الحمدلله أنقبلت ومتحمسه جداً للتجربه لكن والله إني مهمومه هم مايعلمه الا ربي لان كثيييير أشياء ملخبطه في راسي بحط بعضها هنا واللي منكم يقدر يفيدني بخصوصها بأكون جداً شاكره له !! الحين قلت لهم يا عالم ليش ما تعطونا الموعد من بدري عشان يمدي أحجز له لان الحجوزات على بداية الصيف جدا زحمه ! وكلمت الاستاذ خالد قال بتوصلك التذكره مع الموعد ! بس مدري هل بتكون لي لحالي ولا لمحرم معي ؟ لو وصلت هناك الشركه تستقبلنا مثل ما يصير في المؤتمرات للطلاب والطالبات ولا بضيع هناك لحالي :( لو وصلت هناك هل بتكون في حجز للعوده ولا بأبقى ماشاء الله هناك ! انا متأزمه جدا من الوضع وحتى أهلي بعد بالكاد وافقوا لي على هالطلعه وأخاف لما يشوفون الوضع كذا من البدايه ملخبط وأن السالفه يبي لها روحه وجيه وسفرات لحالي ممكن يتغير رأيهم بالسالفة وتتكنسل هالفرصه :( ياربي تيسيرك :'( المفروض في خطه واضحه من الشركه لوضع البنات لان أحنا مو مثل الاولاد مع أي تاكسي بأركب ولا أنا اللي بحصل سيارتي عند الباب !! ولا وش تشوفون انتوا ؟

لا تقلقي ان شاء الله حصل خير، أكيد ارامكو عندهم خطه ان شاء الله.

موضوع التزاكير راح يكون على حساب ارامكو ذهاب وعوده وراح نسافر ان شاء الله على طياره ارامكو الخاص، سبحان الله اعرف واحد يشتغل مع ارامكو يقولي اللي يشتغلوا مع ارامكو مثال واحد من زملائو من جده وبيشتغل في ظهران ماشاء الله كل نهايه اسبوع يرجع على جده على حساب ارامكو وطياره ارامكو.

موضوع المرافق هوا الولي الامر راح يوقع انو هوا موافق تشتغلي في مكان مختلط، بخصوص السفر مااعتقد المرافق اجباري أكيد ارامكو راح يحطوا البنات مع بعض في السفر، لانو بالصراحه انا زي حالتك لحالي ماني خايفه ولا متوتره لانو بابا بيشتغل واخواني بيشتغلوا كمانه الوضع صعب يأخدوا اجازه من العمل واحس كمانه حرام نتعبهم.

ان شاء الله لما نوصل الظهران بالسلامه أكيد راح يكون في استقبال لطلاب وطالبات وترتيب ويوصلوهم السكن ويوروهم ويعرفوا على المدينه ويقولوا لهم في ايت غرفه ينامو فيها.

هوا صح اول مره راح يكون صعبه وانتي في بيئه جديده ماتعرفي احد، بس الحمدلله احس احنا متابعين الموضوع دي تقريبا 3 شهور، الله يجزاه الف خير صاحب الموضوع th620، لانو والله احس اتعرفت على شباب وبنات ماشاء الله متعاونين، الحمدلله اتعرفت على كده بنت من دي الموضوع والحمدلله سار في تبادل بيني وبينهم على الماسن وبرنامج واتس اب ان شاء راح اقابلهم واقابل جميع البنات من المنتدى على الخير في المطار او في الظهران. " عشان الغربه ماتسير كربه"

[missxpanadol]

المشاركة الأصلية كتبت بواسطة eva160 لا تقلقي ان شاء الله حصل خير، أكيد ارامكو عندهم خطه ان شاء الله. موضوع التزاكير راح يكون على حساب ارامكو ذهاب وعوده وراح نسافر ان شاء الله على طياره ارامكو الخاص، سبحان الله اعرف واحد يشتغل مع ارامكو يقولي اللي يشتغلوا مع ارامكو مثال واحد من زملائو من جده وبيشتغل في ظهران ماشاء الله كل نهايه اسبوع يرجع على جده على حساب ارامكو وطياره ارامكو. موضوع المرافق هوا الولي الامر راح يوقع انو هوا موافق تشتغلي في مكان مختلط، بخصوص السفر مااعتقد المرافق اجباري أكيد ارامكو راح يحطوا البنات مع بعض في السفر، لانو بالصراحه انا زي حالتك لحالي ماني خايفه ولا متوتره لانو بابا بيشتغل واخواني بيشتغلوا كمانه الوضع صعب يأخدوا اجازه من العمل واحس كمانه حرام نتعبهم. ان شاء الله لما نوصل الظهران بالسلامه أكيد راح يكون في استقبال لطلاب وطالبات وترتيب ويوصلوهم السكن ويوروهم ويعرفوا على المدينه ويقولوا لهم في ايت غرفه ينامو فيها. هوا صح اول مره راح يكون صعبه وانتي في بيئه جديده ماتعرفي احد، بس الحمدلله احس احنا متابعين الموضوع دي تقريبا 3 شهور، الله يجزاه الف خير صاحب الموضوع th620، لانو والله احس اتعرفت على شباب وبنات ماشاء الله متعاونين، الحمدلله اتعرفت على كده بنت من دي الموضوع والحمدلله سار في تبادل بيني وبينهم على الماسن وبرنامج واتس اب ان شاء راح اقابلهم واقابل جميع البنات من المنتدى على الخير في المطار او في الظهران. " عشان الغربه ماتسير كربه"

مي تو متابعة دائمة للموضوع بصمت ونفس حالتك على قد ماكنت متحمسة انقبل على قد ماصرت متوترة وقلقانة يوم جاني القبول لدرجة والله لو اضمن انو لو سحبت حيدخلو صحبتي بدالي كان سحبت بس هيا مصرة اني اروح الكل مخوفني وحاسة حروح مكان في السعودية بس ماهو من السعودية وخايفة كيف حيكون وضع التدريب وكيف رمضان !! حقدر انزل لاهلي ولا بقعد كل الشهرين هناك - كيف حيكون السكن لحالي ولا معايا احد وذا اكثر شئ مخوفني
بس بالنهاية افكر انو انا استخرت وان شاء الله ربنا حيختار ليا الخير والله يسهلنا الخير اجمعين