اختــار من هالعيشــــتين ؟!

[ارتويتك عشقا]

آفــآ هذآ وَ آنآ بغيت آرد !

مَ غير آصحـآبك هم إلي ودوك لهالموآصيل ونزلت الموضووع بسبتهم

يعني هَ الجنس هم السبب

خل خآلد ينفعك

<لي بـآك بلـآ كثر هرج مآله طعمه

[مجبور اوادعها]

^

هههههههههههههههههه واخد بالك يله يا ابراهيم

+

والنعم بالجميع والجميع على الراس من فوق

وننتظر مساندة سعادتكم لدحر كيد الشيطان الخسيس وحشره في غقر دارهـ

[مجبور اوادعها]

المشاركة الأصلية كتبت بواسطة sara a7md الحياة الثانية هيا اللي حتخلي حياتك سعيدة وماتحس بضيق واصحابك مثل ماقالوا لك بالتدريج ابتعد عنهم الله يهدي الجميع يارررب

احس صعب بالتدريج

وهل الانسان يضمن عمره اصلا عشان يتدرج في هذه الامور ؟!

وجزاك الله خيرا

المشاركة الأصلية كتبت بواسطة خلود 99 الله يهديك يَ مجبور و يحقق لك اللي تتمناه ~ بقولك كيف التزمت بعد ما فقدت إنسان غالي على قلبي ـ الله يرحمه ـ فكرت كثير كيف بـِ يكون حالي لو انا اللي توفيت كنت مقصرة كثير ـ لكن الحمد لله الذي هداني ـ كانت وفاته نقطة تحول بـِ حياتي ما خفف علي حُزني غير الصلاة و الدعاء { خصوصا فـِ الثلث الاخير من الليل } و قراءة القرآن و الاستغفار .... فـ انت أبدأ شوي شوي لا تضغط على نفسكـ و بعدين تنتكس ـ تعوذ من الشيطان ـ

عزاءنا لك قول الشاعر:

لئن باعدت بيننا الدنيا ،، ففي جنات عدن للأحبة مجمعُ

+

بالفعل المواقف ذي تاثر في الواحد وتخليه يعيد الحساب ويفكر في حاله كثيرا

وهذا الشخص ( صاحبي الذي توفي) اثر في لأن كنا نسوي اشياء كثير مع بعض ومع انه شباب

وفي نفس العمر تقريباً ولكن قدر الله وما شاء فعل

+

تم قراءة الرابط بنجاح

وجزاك الله خيرا كثيرا ورفع الله قدرك في الدارين

[خلود 99]

^

لا يً مجبور مو صعب بـِ التدريج ~

انت التزم بـِ دينك و انصح اصدقائك ( مو يعني انك معاهم و ما قطعت صلتك بهم ما تلتزم )

مثلاً الصلاة قولهم قوموا صلوا ـ اذا ما أطاعوك و أخروا الصلاة ما يعني انك لازم تسوي مثلهم ـ أد صلاتك فـِ وقتها مع النصيحة لهم

قريت قبل كم يوم مقولة بس نسيت اسم قائلها

المهم ،، عندما سألوه كيف تُأثر فـِ الناس قال أدعوهم فـ النهار و أدعوا لهم فـِ الليل <اتبع هذا النهج و الله يهديكم

[خلود 99]

مجبور انصحك تتابع برنامج الشيخ / مشاري الخراز ع اليوتيوب ـ لانه يجي برمضان فقط ـ

له برنامجين ::

1- كيف تتلذذ بالصلاة .

2- كيف تتعامل مع الله ( له جزئين )

رائع جداً

و حياك بـِ القسم الاسلامي ستجد كل ما يسرك و ينفعك بإذن الله

أعذرني ع كثرة المداخلات

[مجبور اوادعها]

حيّاك بالحضن الذي ترعرع وأنصلح فيه كبار الدشير وعتاولة الصياعة ! مير كل ما أشوف توقيعك تنسكب الدموع أربع أربع وأبكي على حبي اللي كان آآه يا زمان ههههههههه ! مجبور ذي قضيتك ومشاكلك صح ؟ يا رجُل تعال دورة تأهيلية عندي أسبوع واحد بس غير تدرعم مستلج على الجبهة في سوريا ومعك رشاش باليمين واستشوار للحيتك باليسار !

ههههههههههه حضنك مقبول يا زول

وفضها سيرهـ وفك الحضن لا نقلب بويات الحين هههههههههههه


والله يرزقن الشهادة في سبيله كما يحب ويرضى

هاذول اللي شرهه تجي بوجهك بسبب معدنهم السنع وتتحسّف عليهم صدق .. مرّيت بوضعك كثييييير شوف يالغالي هذا قوده إنت لا يقودك هو مثلاً وقت الصلاة قلّه يالله نصلي بالمسجد حتى لو ما صلّى أول المرّات أو قام يصلي خجلاً منك صدقني إذا نشبت فيه دايماً بالأخير إمّا ينصلح ويصلّي معك لله .. وإمّا تتفارقوا إجباري مو منك ! واذا يشغل اغاني دايما بالموتر .. مرّة من المرّات قوله ياخي قلبي صار يجيه ضيق منها ممكن تجيه طقطقات وكذا هههههه تحمّل أهم شي تعيش دور القيادة وتأثر فيه !! دايماً تبّرع للشحاذين قدّامه .. دايماً انتقده على أي تصرّف غلط وإنه معصية ولو بأسلوب الضحك المهم تأثر فيه لو بالشي البسيط وتستغل أي فرصة قدامك للتأثير لا توووووفّر ! وإذا له بوشسمه .. قول له لمتى ياخي أعراض ناس وكذا ومافي فايدة منها مثل الزواج !! بالعربي لا توفّر أي موقف معصية منه انتقده حتى لو بأسلوب المرح واللين مب الشدّة

بالنسبة للوشسمه فالله الحمد ان اغلب الشباب الي اعرفهم مالهم في ذا الطريق

ويسفلوا في ذلك الصنف الذي في بالي وبالك

وان ما وراهم الا عوار الراس والنفسيات وصدقوا ورب الكعبة

+

الكلام حلو وما عليه خلاف

بس هل الواحد يضمن عمره الين يعدل اخوياهـ ؟!

+

ثق تماماً اني ما اسال عن شيء واطلب المساعده او الشور الا بعد ان تُسد الطرق في وجهي

جميع الاشياء المذكورة حاولت فيها لكن ماش يا زول

يعني الشباب باقيهم في سالفة التسويف وطول الامل واني باقي شباب ولازم افلها

وان الله غفور رحيم

ومن المصطلحات الغريبه الجديده ذي فلها وربك يحلها ومن على شاكلته



ومن العجائب والعجائب جمةٌ

ان الصحابه رضوان الله عليهم مع ما هم فيه من الخير كانوا يخافوا من النار

ونحن على ما نحن فيه من المعاصي والذنوب ضامنين الآخره !!

هدانا الله واياكم واياهم

زعلان يا هوى حالي وانا الذي بالهوى وحداني < انتكس الشيخ هههههههههههههههه ! ذكرتني بواحد من أخوياني الله يذكره بالخير تزوّج قبل شهر ونص تقريباً هذا يا طويل العمر زير نساء خروف في الزمان الخوالي بشكل خيالي وكل العزبة ضاربها لون أسوووود ! المهم يوم تزوّج وبحكم إنّه خروف يشهد له بالبنان انا كنت أقول بيجلس 6 شهور أقل شي ما يرفع عليّه سماعة استغلالاً للوضع الحلالي والله يا مجبور ما مرّت أسبوعين الا ويكسّر جوالي ووينك ووحشتني ونبغى نفرفر :/ صرت أقول بالجوال ياااا ملعووو طوووووط يا حمااا طووووووط يا جز طووووووط انت صاحي والا صاحي ؟ وش تبي في خشتي المخيسة وش تبي فيني نفسي افهم :/ :/ < هذا اللي محرووووووووووم وفاقد الشي يحس بقيمته ههههههههههههههههههههه !! وللحين يكسّر جوالي و ساحب عليه رأفةً وشفقةًُ بجحده للنعمة اللي مب مقدّرها ولاني بشوت أي واحد بدون زعل لمدة 6 شهور لين صرت عريس !! بالله وش رايك ؟ يقهررررررررررر ويفقع القلب مو ؟

ههههههههههههه

حبيتك تنسيت النوم يا خوفي تنساني

+

يا زول عندي نظريه في سالفة خاروف فثق تماما ان ليس هناك خواريف

النظريه هو بيعطي عشان ياخذ الي يبغاه

فالبنت تاخذ حاجتها ( بطائق الشحن مثلاً ) وهو ياخذ حاجته ( الصفحه محجوبة )

وهنا السالفه اخذ وعطى ولكل قاعة شواذ

وكلاهما خسيس دنيء

+

قُل الله لا يبلانا يا ابا خلود الكذا طعش

لان هذا مرض وقسسسسسسسما بالله ومن شب على شيء شاب عليه

الانسان يلــي يكون متعود على هذه الاشياء صعب ان يركد

حتى لو زوجوه ازركش مزة في ديار العربان

اهاااااااااا قول إن وضعك كذا من زمان ياخي ههههههههههههههههههه ! ليلتك سودا يا معلّم ليلتك سودا ! دام الوضع كذا الحل بالخاص وأنا اخوك خلّنا نقلّب علوم العزبة السعيدة ونخارجك بحلول ! وصّل سلامي لكل وحوش العزبة اللي ما عليهم جمارك بالدخولية ! وفتّك بعافية يا مأذون

زغررررررطي يا انشراااااااح الي جي احسن من الي راح

حياك الله ع الخاص او ع العام

ما دام ان رايك سديد فنحن بحاجة له

ولو كان هنا لكن خيرا كثيرا

عشان يستفيد الجميع ونصير كلنا كاتبين في الواتس اب ( طواعه تاااايم )

وجزاك الله خيرا كثيرا ورفع قدرك في الدارين

[خلود 99]

مجبور هذا اخر رد لـــي ~ زودتها شوي ~

تفضل إقرأ هذا الموضوع ::

http://www.skaau.com/vb/showthread.php?t=558479

[المشتاقه لخالقها]

الزبده ياطوووويل العمر مابيدنآ لانفع ولاضر

نوح عليه السلام إبنه كافر والرسول صلى الله عليه وسلم لم يستطيع هدآية عمه أبوطالب قال تعالى[وما أكثر الناس ولو حرصت بمؤمنين] سورة يوسف

لذالك إنكسر أمام خالقك وسهآم الليل ماتخطي

ونصيحة من عندي أهم شئ فالهزم [نفسك] أصحابك ماهم داخلين معاك قبرك ولارآك يثبتونك عند الموووت



وإذا أنت تعزهم أدعيلهم إن ربي يهديهم وبتشوف العجب

كيف يتغير حالهم إذا ربي هدآهم





/


وفي ظل هذه الحياه نرى المغني ترك الغناء وأصبح دآعيآ والشيخ أنقلب فاجرآ وإنتكس ....


قال الرسول صلى الله عليه وسلم(إن الرجل ليعمل بعمل أهل الجنة حتى لايبقى بينه وبين الموت إلا ذرآع فيسبق عليه القدر فيعمل بعمل أهل النار فيدخل النار ، وإن الرجل ليعمل بعمل أهل النار حتى لايبقى بينه وبين الموت إلاذرآع فيسبق عليه القدر فيعمل بعمل أهل الجنة فيدخل الجنة)



نحن نحتآج أيهآ السادة أن نطلب من الله أن يثبت قلوبنآ على دين وأن يحسن خاتمتنآ في كل سجود



تقبلو تحياتي


المشتاقه لخالقهآ


وبالله التووووفيق :)

[سملّق :)]

مع أحترامي لكل الاراء على ساحة هذا الموضوع

الاراء عبارة عن نصائح دينية مثالية ..
الزم الاستغفار .. ابتعد عن الذنوب والشهوات
لا تدع الشيطان يفتح مجال عليك .. حاول أن تجعل أصدقائك يهتدون

لا يستطيع ، بل يستحيل ان يطبقها شخص كلها .. ( اقصد شخص مثل حالة مجبور او حالتي ! )



واضح ان الرجال يبي تجربة سابقة .. لشخص ما في هذا المجال


مجبور انا بقول لك تجربة سابقة صارت لي في هذا الميدان ،



قصتي بدت يوم كنت في ثاني ثانوي تقريباً ( سنة 2008 ) .. كنت أدرس في مدرسة ثانوية في جيزان اسمها معاذ بن جبل ..

وكان لي شهره وصيت في ذاك الوقت بالتفحيط و الدشرة والهبقات من المدرسة

حتى ان الاساتذة نفسهم كانوا يساعدوني اني اهرب من المدرسة .. لانهم كانوا يعرفون اني ( ماني حق دراسة ) !!

والله العضيم وصلت الى درجة ان استاذ عندنا كان يدرسنا حاسب .. كان يجي الفصل ويطلعني من الفصل ( انا والشلة طبعاً ) بحجة انه عنده أعمال في المعمل

ويكتب لنا اوراق خروج من المدرسة ( يهربنا من المدرسة ) عشان نجيب له فطور من بوفية مشهورة في طريقنا

أعتقد الى حد الان الاساتذة يذكروني ويعرفوني في هذيك المدرسة


حتى الوكيل والمدير والمرشد ( كانو بالعربي رافعين القلم عني ) .. اهرب .. ارجع .. ما أداوم

المدير يطلع من المدرسة يشوفني ( مع الجدار ) هاارب ،، وكل اللي يسويه انه يقول ( هي ولد تعااال )

ولا اضرب له ادنى اهتمام .. لاني عارف انه اصلاً ماعليه مني ولا بيقدر يمسكني
بسبب اني اعرف اغلب ( الاساتذة ) وسوقي معاهم ماشي وراح يتوسطون لي ..

وفعلاً اغلب الاساتذة كذا .. ينجحوني .. يتوسطون لي ... نطلع انا وياهم سوا خارج الدوام

يعني تشبيك على أصولــه :))

اضافة الى مدير قسم المرور بجيزان الرايد : عايش العتيبي ((( يا انه كان يموت فيني )))

كل يومين وانا عنده محضر :4


مرت فترة وفترة وانا في غفففففففلة . تعرف كيف غفللللللللة ..!!!

كانت تمر سنين والصلاة ما اركع فيها ، والصيام ( من جنب القده ) .. وتفحيط واغاني
وعيال الحارة ،، وتفحيط وروحات جيات .. وسمعة في كل مكان ( سمعة خراب ) ..

،،،،


ثالث ثانوي تغيرت حياتي فوق تحت .. يعني صار تغير قلب الدنيا فوق تحت صدق

مدري وش اللي جاني مره وسجلت في نادي توعية اسلامية ( عشان انجح عند استاذ الفيزياء ) اللي قال لي سجل ف التوعية وانجحك :)

سجلت وانقلبت فوق تحت ..

قصرت الثوب ، وصرت ماعاد اداوم بالسيارة .. وغيرت اصحابي
وبديت حياة جديدة .. حياة زهد وتقشف .. وتأثرت بسيرة حياة الصحابة .. وقررت اني اغير حياتي زيهم

الين وصل بي الحال الى موضوع ( التشدد ) وحصل لي مشاكل مع اهلي كثيييرة ( بسبب التغير المفاجئ )


بعدها بديت افكر في افكار غريبة .. كونت لي مجموعة أصدقاء

امتد بي الحال الى اني انتبهت لنفسي وانا في الرياض ،،


يمكن تضحكون لو اقول لكم اني ( اقنعتهم بالجهاد ) وكان في راسي مخطط اني اسوي حزب جهادي

زي تنظيم القاعدة .. عشان نشرع فريضة الجهاد !

كان عددهم 8 .. من ضمنهم الاشخاص اللي تابوا معي وعددهم 3 ، واشخاص التقيت بهم ف التوعية

انتبهت لنفسي بعد ما مسكنا الامن في الشقة المفروشة


< على اساس بنسافر الكويت ومن الكويت الى باكستان ومنها الى افغانستان

والشباب كانوا مصملين ( يقولون معاك ياشيخ وين ماتروح ) .. وكنت مقنعهم ومدخل الفكرة بروسهم مضبوط


طبعاً كل هذا بتدبير من الوالد الله يحفظه اللي بلغ علي ومسكوني وجا واستلمني ..
وحبسني لمدة 3 شهور في مخزن قديم ،، ( بكلبشات ) ههههههه


وخرجت من المخزن بعد ما تسلقت العمود اللي حط فيه الكلبشات .. وكسرت السياج العلوي

وهربت من فوق السطوح ورحت لبيت عمتي وسكنت عندهم أسبوع .. ورجعت بعدها لبيتنا


بعدها وعدت الوالد اني ماعاد ادشر ولا افكر ف الجهاد . وسامحني ( بعد وساطه من الجماعة طبعاً )

بعدها مرت علي فترة ..

كنت في بيتنا اللي في الطايف جلست سنة كاملة ( عشان ارجع اسجل في ثالث ثانوي من جديد )

لاني رحت ( أجاهد في نص سنة ثالث ثانوي ) وتم فصلي من المدرسة


بعدها انقلب بي الحال الى ( النشوق ،، والوسوسة ،، وعيال الطايف .. والردف .. والمشاكل والمضاربات ) والفزعاات


وصرت كل يومين وانا في شارع التلفزون ناشب في مشكلة مع العتبان مره ومع الحرث مره

ومع السفاينه مره .. ومع الحواري ..


طبعا المضاربات ( اسهل طريقة لتكوين صداقة ) كونت لي صداقات كثيرة كان معضمها صداقة خراب وفزعات ومشاكل


حتى صرت من ضمن ( مدركين الحارة ) عندنا .. وكنت فرحان ع بالي انه انجاززز !!!

كان محد يقدر يفتح فمه علي .. لاني ببساطة ( اعرف فلان واعرف علان ) وبيني وبينهم صداقات ومشاريييييييع

واخيراً تحقق الحلم الجديد .. اني صرت من العيال مهجدين الحارة


،،،،،


بدت سنة ثالث ثانوي . وصارت لي مشكلة كبيييييييرة مع عيال ( خلّد ) عند بقالة عودة

اضطريت فيها اني انضرب ليييييييييين يغمى علي .. شالوني ورموني في برحة

صحيت بعد صلاة المغرب العالم كلها تدور لي ..


قرر الوالد يرسلني جدة .. ادرس لانها بنظره احسن مكان يمكن اني فيه ما اتعرض للمشاكل


جيت جدة والحمممد لله تغيرت حالتي


وصرت احسن .. حتى لو اني الحين ماني مطوع ولاني تائب الى الله


لكن على الاقل مقيم صلواتي + بديت افكر في حياتي من يوم جيت جدة + بديت افكر في مستقبلي


اول مره افكر في شيء اسمه مستقبل !!

حتى اهلي استغربوا يوم قررت ادخل الجامعة


المهم تحسنت حالي والحمد لله على ما انا فيه


اخي مجبور ( رب ضارة نافعة ) وانا اقول لك ( رب نافعة ضارة )

شي تشوفه انت حلو ، وممكن هو يكون خطر عليك

والله العظيم مافي احلى من الرجوع الى الله والتوبة .. لكن بطريقة صحيحـة


حبيت اقول لك تجربتي .. واعتذر اذا طولت

بس يمكن تستفيد منها ..

أخوك : باسل المالكي :)

[Fatema Alshareef]

المشاركة الأصلية كتبت بواسطة مجبور اوادعها ^ لله الامر من قبل ومن بعد وجزاك الله خيرا كثيـــرا جزاك الله خيرا كثيرا قـــــــرأت قبل فترة مشاركة لاحد اخونا المشرفين بأنك اتممت حفظ كتاب الله عز وجل جعله الله حجة لك وجعلك في جنات النعيم اذا ممكن تعطينا طريقتك في الحفظ وكيف تغلبتي على العقبات فنكون لك من الشاكرين

بإذن الله رح أنزلها قريب بقسم المنتدى الاسلامي ..