سؤآل عن وظيفهـ آلمحآسبهـ ..

[أمير الهدوء]

آلآ مآ يمديني آتخرج قبل آلآربعه آترآم ونص ؟؟
..
يعني آخذهآ صيفيهـ ..

[ايمي المآلكي]

اللي أعرفه الدرآسة 4 سنوآت .. وأكيد يمديك تخلصهآ قبل أو على أو بعد الخطة ( يمكن معلومآتي قديمة لأني مغبّرة بذآ الجآمعة ) ..

شوف أخوي أنآ مآ بحبطك أبداً .. بس زي مآ قآلت جوني لآزم تحب التخصص هذآ أول شي وأهم شي ولآ مآرح تمشي فيه ..

الإنقلش جددداً مهم وإللي أعرفه الآن غيروآ أو أضآفوآ بعض المنآهج بالإنقلش بس عموماً جداً مهمة سوآء في مستقبلك الدرآسي أو الوظيفي .. والوظيفي أكثر إذآ إنك نآوي تتوظف على طول ومآ تكمل درآسة أو تبتعث .. إلخ

بالنسبة للروآتب .. معروفة روآتب الشركآت الخآصة ومن وآقع تدريبي ( لأني تخرج ) أقول لك لآ تتفآجئ أو تنصدم كل شركة لهآ سلمهآ الوظيفي وسلم الروآتب الخآص فيهآ .. وطبعاً على حسب سمعة الشركة تشتغل بششركة معروفة أو لآ .. يعني زي الشركة إللي تتدربت فيهآ إللي دربتني موظفة بقسم رآتبهآ تقريباً 5000 حلوة وطيبة لكن بعد إيش صآرت 5000 ؟ لهآ 6 سنوآت معهم والآجآنب مآكلين حق السعوديين ...

فيه وظآيف حكومية أكآديمية تنقبل بسهولة لو معدلك طيب في الجآمعآت النآشئة .. أمآ بجآمعتنآ المحترمة لآ تفكر ولآ يطرى لك لأنك بتتعب ع الفآضي .. هالسنة عدد المتقدمآت أكثر من 100 للمعيدية وبالأخير مآ يآخذون إلآ وحدة وتكون هالوحدة مختآرينهآ من قبل المقآبلآت الشخصية ( يعني وآسطتهآ قوية ) .. مع إنه الصرآحة القسم عندنآ يشتكي من قلّة السعوديين .. كل الموجوديين برتبة بكآلوريوس ( معيدآت ) أو مآجستير ( محآضرآت ) لدرجة إنه رئيسة القسم هي نفسهآ من 5 سنوآت مآ تغيرت صحيح إنهآ دكتورة لكن لآ دكتورآه ولآ مآستر ولآ بكآلوريوس كآنوآ في تخصص المحآسبة .. في وظآيف حكومية ثآنية زي مصلحة الزكآة والدخل .. عموماً المجآل للطلآب أوسع من الطآلبآت ..

بس صدقني لآ تسمع لآ لصندوق الموآرد ولآ أحد روح ودور بنفسك على وظيفة وأتعب .. الموآرد البشرية مآ عندهم إلآ كلآم فآضي ويغرونك بإن وظآيفهم حلوة وتنآفس وظآيف إللي رآجعين من إبتعآث بس كله كلآم فآضي .. لدرجة إن صآحبتي تخرجت الترم المآضي وقدمت من خلآلهم كلموهآ قآلوآ لهآ في وظيفة ( كآشير ) في سنتربوينت ..!! ، غير إللي يقدمون على شركآت خآصة ويسألونهم أول سؤال درآستك كآنت عربي ولآ إنقلش ولو عربي يقضبونهآ البآب .. الحمد لله على كل حآل ..

طولت بالحكي .. والله يوفق الجميع ..