يا شباب ابغاء حل سحري لمادة انقليزي 102 انا خريج وبتلشت بالنقليزي

[ابراهيم الحمد]

هاي
مساء الفل
اليوم حاب أساعدكم في الإنجليزي
كثير في الإنتساب يعانون من فهم الإنجليزي
هدا مايعني إني إنتظام شايف نفسي بالعكس
أنا كنت مثلكم إنتساب وكنت أعاني كثير من هدي المادة
اليوم راح أساعدكم في الطريقة اللي إستخدمتها في الإنتساب
أتذكر العام الماضي في الدورات التأهيلية كانو الطلاب إذا حضرو محاضرات الإنجليزي
وشافو الدكتور أجنبي ومايتكلم عربي يمشون كنت عند دكتور تونسي مايتكلم عربي
سألته بعد إحدى المحاضرات كيف أضمن درجة عالية في الإنجليزي قال لي ( أسئلة النهائي لطلاب الإنتساب يعتمد فهم grammer لأنو بنسبة %80 من الأسئلة يعتمد على grammer فحاول فهمها فقط ولاتهتم بالقطع لأن القطع في النهائي سهلة جدا والله يوفقك )
المهم فتحت الكتاب ومافهمت شيء قلت صعبة قبل الإختبار بأيام رحت جرير بالجامعة بلازا لأني دائما أروح هناك
رحت قسم اللغة الإنجليزية وحصلت كتب شرح القواعد طاح في يدي كتاب شرح قواعد الإنجليزية تصفحت الكتاب بصورة سريعة وكان الكتاب يشرح قواعد اللغة كاملة باللغة العربية وملون إشتريت الكتاب لأن الورق حق الكتاب فاخر وحلو أخذت الكتاب ورحت البيت ثاني يوم ليلة الإختبار قلت أستخدم أسلوب جديد في فهم grammer
فقط راح أعتمد على نصيحة الدكتور أقرأ عنوان كل grammer في كل unit وأروح أدور عليه في الكتاب اللي إشتريته وأشوف شرحه بالعربي ذاكرت بهذه الطريقة في فهم المادة وأخذ مني تعب خمس ساعات فقط رحت الإختبار وأنا شايل هم المادة
دخلت الإختبار لاحظت وأنا أحل إن الgrammer مفهوم نوعا ما كل سؤال أتذكر شرحه بالعربي خرجت من الإختبار وقلت إن شاء الله أعدي على خير وبعد الإختبارات النهائية نزلت الدرجة حقت الإنجليزي قبل ما أشوفها كنت أقول في نفسي إما f أو أعديها على الحافة
نجحت وجبت 88 من 100 جلست أسبوع مو مستوعب الدرجة رحت للدكتور وسلمت على راسه وقلته جزاك الله خير طبقت نصيحتك وجبت درجة ماتوقعتها بالمرة
أخيرا أنصحكم بهذا الكتاب اللي يشرح قواعد اللغة الإنجليزية بالعربي وبترتيب عالي وملون مو شرط من جرير أي مكتبة زي دار حافظ وخوارزم والشقري والمكتبات الكبيرة
اسم الكتاب ( تعلم اللغة الإنجليزية خطوة بخطوة ) للمؤلف حسن علي حسن الربعي

أتمنى لكم النجاح الدائم
إحساس ناجح
منتسب وللعلم ملتزم
منقوووووووووووووووووووووول