برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[mr.samie]

الاخت ايفا والاخ عاكس قانونه

انا الحقيقه ما عندي اهتمام بشركة روابي لكن شدني حديثكم وكلامكم عن الشركة واكثر ما شدني المقابلة
انا اول مرة ادري ان في شركة تقابل متدربين وحطوا تحت متدربين خطوووط
انا اعرف شركات كثيرة في مجال تخصصي تدرب وجميعها تعتمد على المعدل التراكمي والسيرة الذاتية
مافي شي اسمه مقابلة لمتدرب فبناء على هذا الكلام فيه احتمالين من كلامكم عن الشركة

الاحتمال الاول وهو المرجح بالنسبة لي ان الشركة فيها واسطات لأن افضل شي للواسطات تعقيد القبول
محد بيكون له حجه ببساطه يقدرون يقولون معدلك عالي كل شي اوكيه لكن ما عجبتنا كذا لله في الله ما عجبتنا

الاحتمال الثاني ونسبته ضئيلة خصوصا في السعوديه انهم مهتمين بالمتدربين لدرجة يتنقوهم بعناية
وطبعا ليه انا ضد هالاحتمال لان اصلا التدريب هو مفيد للمتدرب ويعتبر زي المقابلة الشخصية الطويلة بدل ساعة او نص ساعة مقابلة ادردش معك فيها اشوفك لمدى شهرين او اكثر كيف شغلك وهذا مقياس افضل من المقابلة
فكيف يكون للمقابلة الطويلة مقابلة صغيرة ! خذه على المعدل وشوفه بعدين وهل هو مناسب ولا لا اجل وشلون المتدرب يعرف اذا هو مناسب للشركات او لا اذا ما اعطي فرصة حقيقية وتدرب واثبت نفسه !

وسبب ان هالاحتمال نسبته ضئيلة ان اصلا الشركات لو تركتهم وزارة العمل والله ما يدربون احد
غصبا عن خشومهم مجبورين لا مخيرين يدربون الطلاب واذا رحت للتدريب تتفاجاً بالتنسيق اللي مش حالك لا مسؤول تدريب ولا مدرب يحذفونك بمكتب تقرى جرايد وتاكل فصفص وشاي وتمشي مافيه اهتمام اسم انك تدربت عندهم ويعطونك شهادة تدريب والمشكلة مافيه تقييم حقيقي للتدريب
الجامعة تسلك للشركة والشركة تسلك للجامعة وتخرج يا طالب وهذا وجهي ان توظفت


عموما موفقين وفالكم القبول